Ruth 1
1
Naomi le Ruth
1Thukhente in a uk a#1.1 Tang ngeina-in thukhen hun lai-in tua gam sungah kialpi tunga Judah gam Bethlehem pan mi khat a zi le a tapa nih tawh Moab gam ah tawmvei sung teng dingin a pai uh hi. 2 Tuapa min Elimelech hi-a a zi Naomi hi in, a tapa nihte min Mahlon le Kilion ahi hi. Amaute Judah gam Bethlehem pana Ephrathah-te ahi uh hi. Amaute Moab ah pai-in a teng uh hi.#Thk 2:16-18; 1Sa 16:18
3 Tu-in Naomi pasal Elimelech si ta a, amah a tapate gel tawh a om hi. 4 Amaute in Moab numeite tenpih uh a, khat min Orpah hi-in a khat pen min Ruth ahi hi. Tua lai-ah kum sawm bang a ten khit uh ciangin 5 Mahlon le Kilion-te zong a nih un si uh a, Naomi a pasal le a tapate loin amah kia a kinusia hi.#Pc 35:19
6 Tuanu in Moab panin TOPA in ama mite huh khin ta, amaute an pia khin cih a zak ciangin Naomi le a mote gel tua mun panin inn ah ciah dingin a kithawi uh hi. 7 Amaute tenna mun nusia-in a mote gel tawh Judah gam zuatna lampi zui-in a dingkhia uh hi.#P#k 4:31
8 Tua ciangin Naomi in a mote gel kiangah, "Na nute uh inn tuakah na ciah kik mai un; kei le na khuaisuahsate tungah nong migit bangun no tungah zong TOPA hong migi ta hen. 9 TOPA in na pasal kik uh inn tuakah hong nuamsasak ta hen," a ci hi.#Pc 38:11
Tua khit ciangin amaute nam-a, amaute kapkhia buabua-in 10 ama kiangah, "Na mite kiangah nang tawh kong ciahkhawm ding uh hi," a ci uh hi.#Pc 27:27; Ms 25:6
11 Ahi hangin Naomi in, "Ka tanute aw ciah hoh un, bang hangin kei hong zui laizang ding na hi uh hiam? Na pasal ding uh tapa nei nawn ding hong sa na hi uh hiam? 12 Ka tanute aw, ciah kik hoh un; pasal nei kik dingin ka khangham lua ta hi. Kei adingin lametna om lai hi, ci-in ngaihsun ta leng - tuzan mahmah in pasal nei phial lenga tapa nei pah leng zong 13 amau khankhit dong ngak zo ding na hi uh hiam? Amau ngakin pasal nei loin om zo ding na hi uh hiam? Hi thei peuhmah kei ka tanute aw, bang hang hiam cih leh TOPA khut kei langah pang hi lo maw!" a ci hi.#Tp 25:5; 1Sa 30:6
14 Hih bang a cih ciangin amaute a kap leuleu uh hi. Tua ciangin Orpah in a teknu a mangpha khakna-in nam a, Ruth in a teknu a pom hi.#Tp 10:20; Mic 7:6
15 Naomi in, "En dih in, na mopihnu a mipihte le a pasiante kiangah ciah kik hi lo hiam. Amah tawh ciah hoh in," a ci hi.#Tp 25:7; Jos 24:14
16 Ahi hangin Ruth in, "Nang hong nusia ding ahikeh nang hong taisan dingin hong sawl teitei dah in, na paina peuhah ka pai dinga, na tenna peuhpeuh ah ka teng ding hi. Na mipihte ka mipih hi dinga, na Pasian ka Pasian hi ding hi. 17 Na sihna munah ka si dinga tua lai-ah kei hong kivui ding hi. Sihna longal nadang khatpeuh in nang le kei hong kikhensak tak leh TOPA in a nasia thei tawpin hong bawl hen," ci-in a dawng hi. 18 Naomi in Ruth amah tawh ton nuam takpi cih a theihtel ciangin a sawl teitei nawn kei hi.
19 Tua ciangin numeite gel Bethlehem a tun matengun a paipai uh hi. Bethlehem a tun uh ciangin amau hangin khuapi bup patau uh a, numeite in, "Hihnu Naomi hi thei ding hiam?" ci-in a linglawng uh hi.#Thk 17:7; Mt 21:10
20 Tuanu in, "Kei Naomi b#1.20 Noami thunuam cihna; tg. 21 ah zong hong ci kei un, Mara c#1.20 Mara pen kha cihna hong ci un, bang hang hiam cih leh Thahatpenpa d#1.20 Hebrew in Shaddai tang 21 ah zong in kei hong hingimsak hi. 21 A dimtakin ka paikhia-a, ahi hangin TOPA in a hawmin hong puak kik hi. Bang hangin Naomi hong ci na hi uh hiam? TOPA in kei hong hingimsak e#1.21 Ahikeh hong langgen zo hi; Thahatpenpa in kei hong vangsiasak zo hi," a ci hi.#Job 1:21; Ph 91:1
22 Tua bangin Moab panin Naomi a monu Moab numei Ruth tawh tonin ciah kik uh a, mangbuh-ham lak kipat laitakin Bethlehem a tung uh hi.#Pk 9:31; 2Sa 21:9
Currently Selected:
Ruth 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission