Rome-te 9
9
Thuneihpina tawh Pasian Teelna
1Christ sunga om tua thutak ka gen hi - ka zuau hi loin Khasiangtho sunga ka kitheihna lungsim in tua kipsakna, 2 ka lung sungah dahna lianpi le lunggim ngitngetna nei-in ka om hi. 3 Ahang in, Israel-te keima mipih ka sanggamte hangin kei mahmah Christ pan kikhen khia-in samsiatna thuak maileng ka ut hi. 4 Tapa suahsakna amau aa hi-a Pasian minthanna ahi zongin, thukhunte ahi zongin, thukham ngahna ahi zongin biakinnpi-a biakna le kamciamte khempeuh amau aa ahi hi. 5 Pubulte amau aa hi a, amaute panin Christ leitung pu le pate kiguisut hi. Tua Christ in na khempeuh tunga Pasian hi-a a tawntungin kiphat hi! e#9.5 Ahikeh Christ, na khempeuh tunga om pa ahi hi.Pasian kiphat tawntung ta hen ! Ahikeh Christ. Na khempeuh tunga om Pasian kiphat tawntung ta hen! Amen.#Mt 1:1-16; Jn 1:1; Ro 11:4,28
6 Pasian thu a hawmsuak bang ahi kei hi. Ahang in, Israel-te pana piangte khempeuh Israel ahi kim kei uh hi. 7 Amaute ama suan le khak ahi uh hangin Abraham tate ahi kim kei uh hi. Tua sangsikin: "Na suan na khakte Isaac tungtawnin kiseh ding hi." f#9.7 Pc. 21:12 ci hi. 8 Kammal dangin gen lehang pianngei tate Pasian tate ahi kei uh hi. Ahi hangin kamciamna tate, Abraham suan le khakte in kisim hi. 9 Ahang in, tua kamciam in: "A kisehsa hun a tun ciangin kong kileh kik dinga, Sarah in tapa khat a nei ding hi" g#9.9 Pc. 18:10,14 a na ci hi.#Ro 8:14; Gal 3:16
10 Tua bek tham loin Rebecca tate in pa kikhat eite pa Isaac a nei uh hi. 11 Tua hi napi tua a peng tate gel a suah ma uh asia apha a bawl theih mapek un, Pasian teelkhiatna tawh kisai ama ngimna: 12 sepna hang hi lo hong sampa hangin, cih thu a kip nadingin tuanu kiangah, "A uzaw in a naupa nasem a suak ding hi" h#9.12 Pc. 25:23 ci-in na kigen hi. Tua bang tektek in: 13 "Jacob ka it a, ahi hangin Esau ka mudah hi." i#9.13 Mal. 1:2,3 ci-in kigelh zo hi.#Ro 8:28
14 Tua ahileh bang gen ding i hi hiam? Pasian a thutang lo ahi hiam? Hi peuhmah lo hi! 15 Ahang in, amah in Moses kiangah#2Kh 19:17
"Ka lainatte ka lainat dinga,
ka khuatuahte ka khuatuah ding hi" j#9.15 Pk. 33:19 a na ci hi.
16 Tua ahi ciangin mihing lunggulhna tung ahi zongin, a hanciamna tungah ahi zongin kinga loin Pasian lainatna tung bekah kinga hi. 17 Ahang in, Laisiangtho in Pharaoh kiangah: Ka vangliatna nangma sungah ka lah theih nading le leitang tung khempeuh ah ka min a kitangko theih nading ngimna tawh nang kong laamto zo hi." k#9.17 Pk. 9:16 ci hi. 18 Tua ahi manin Pasian in a lainat nopte tungah lainatna nei-a, a lungkhauhsak nopte a lung khauhsak hi.#Tp 2:30; Eph 2:8
19 Note khatpeuh in ka kiangah: "Tua ahileh bang hangin Pasian in eite hong mawhsak lai ahi hiam? Kua in ama deihna nang ahi hiam?" nong ci kha ding uh hi. 20 Ahi hangin mihing aw, Pasian a sel kik dingin nang kua na hi hiam? A kibawl na in a bawlpa kiangah, ‘Bang hangin kei hih bangin hong bawl na hi hiam?’ ci thei ding hiam" l#9.20 Isa. 29:16; 45:921 Beelseekpa in beellei lom khat panin a thupi-a zat ding beel le zattaang ding beel, bawl theihna thu nei hi lo ahi hiam?#Isa 45:9-12; Ro 11:19
22 Pasian in a thangpaihna lak ding le ama vang kitheikhawksak dingin suksiat dinga a koihsa ama thangpaihna a tun nadingte lungduaitakin thuak keikai ahileh bang gen nawn tuan ding i hi hiam? 23 A minthang dinga a bawlkholhsa, ama lainatna a ngahte tungah a kicing ama minthanna a lahkhiat ding 24 Jew-te pan bek hilo Gentile-te laka eite nangawn hong sam ahileh bang gen nawn ding i hi hiam? 25 Amah in Hosea sungah:
"Keima mi ahi lo amaute, ‘keima mite’ ka ci ding hi;
ka it loh nu zong, ‘ka it nu’ a#9.25 Hos. 2:23 ka ci ding hi,
26 le
" ‘Note, keima mite na hi kei uh hi,’
ci-a amau tunga ka genna mun tekek ah
amaute, ‘a nungta Pasian tapate,’ b#9.26 Hos. 1:10 kici ding hi, cih thu a tung ding hi." ci-in a gen hi.
27 Israel tawh kisai-in Isaiah in:
"Israel mite tuipi gei-a sehnel zahin a tam uh hangin#Pc 22:17
a baanglaite bek kihonkhia ding hi.#2Ku 19:4
28 Ahang in, Topa in leitang tungah
ama thukhenna a kip den dingin a manlangin tungsak ding hi," c#9.28 Isa. 10:22,23 ci-in a kiko hi.
29 Nidang lai-a Isaiah in:
"Thahatpen Topa in eite ading
suan le khak hong nusiat lo hileh eite,
Sodom bang i hi khin zo dinga,
eite Gomorrah bang i hi khin zo ding hi," d#9.29 Isa. 1:9 ci-a a gen bang tektek ahi hi.
Israel Uplohna
30 Tua ahileh bang i gen ding hiam? Thumaanna a deih lo Gentile-te in upna hanga kingah tua thumaanna a ngah zo uh hi; 31 ahi hangin Israel-te in a delh uh tua thumaanna thukham a ngah kei uh hi. 32 Bang hanga ngah lo? Amaute in upna tawh zong loin sepna tawh a zon hang uh ahi hi. Amaute kimuktukna suang tungah a muktu uh hi. Hih bangin kigelh hi:
33 "En in, mi a muktusak ding suangtum khat le
amaute a puksak ding suangtumpi khat
Zion ah ka nga a,
amah amuangte a maizum ngei kei ding uh hi," e#9.33 Isa. 8:14; Isa. 28:16
Currently Selected:
Rome-te 9: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission