Rome-te 11
11
A Banglai Israel-te
1Tua ahileh, Pasian in ama mite nolh ahi hiam, cih kong dong hi. A nolh peuhmah kei hi! Kei mahmah zong Abraham suan ahi Benjamin beh pana Israel mi khat mah ka hi hi. 2 Pasian in a theihkholhsa ama mite a nolh kei hi. Elijah in Israel-te langpanin Pasian tungah a hekna Laisiangtho gen thei ngei lo na hi uh hiam? 3 "Topa aw, amaute in na kamsangte that zo uh a, na biakna-taute a phelkhia zo uh hi. Kei kia bek ka om lai-a, amaute in kei thah hong sawm uh hi," c#11.3 1Ku. 19:10, 14 ci hi. 4 Tua ciangin ama tungah Pasian dawnna bang ahi hiam? "Keima ading Baal mai-ah a khukdin lo mi tul sagih ka siit khin zo hi," d#11.4 1Ku. 19:185 Tua hunmah bangin tuhun laitakin zong hehpihna hanga teelsa a baanglaite a om hi. 6 Tua hi-a hehpihna hang ahileh sepna hang hi nawn lo hi; sepna hang hi, hileh hepihna pen hehpihna e#11.6 Khutgelh pawlkhatah hehpihna hang hi. Ahi hangin sepna hang hileh hehpihna ahi nawn kei hi, hehpihna hang hi leh sepna pen sepna ahi nawn kei hi ahi nawn kei ding hi.#Ph 94:14; Ro 4:4
7 Tua ahileh bang ahi hiam? Israel-te in kuhkaltaka a zon uh mu lo uh a, ahi hangin a teelte in a ngah zo uh hi. Adangte kisak sak lai-a, 8 hih-a kigelh bang ahi hi:#Ro 9:31
"Pasian in tuni tektek dong, amawk lungsim ahi zongin,
a mu thei lo mittang ahi zongin
a za thei lo bil ahi zongin,#Mt 13:13-15
amaute a pia hi." f#11.8 Tp. 29:4; Isa. 29:10
9 David in zong:
"Amaute adingin a sabuai uh thangzak le tehlop suak henla,
muktukna le gawina suak ta hen.
10 Amaute in a muh theih loh nadingun a mitte uh mial henla,
a nungte uh kul tawntungta hen." g#11.10 Ph. 69:22, 23 a na ci hi.
A Kipeh Hiangte
11 Amaute a tho kik zo nawn lo dingin muktu uh ahi hiam, cih kong dong kik leuleu hi. Ahi peuhmah kei hi! Amaute tatkhialhna hangin Israel-te in Gentile-te a en nadingun hotkhiatna thu Gentile-te tungah tung zawsop hi. 12 Ahi hangin amaute tatkhialhna hangin leitung mite adingin hauhna suaka, amaute supna Gentile-te adingin hauhna suak ahileh amaute kicinna in bangzah a lianzaw hauhna a tunzaw tazen tam!#Ns 13:46
13 No Gentile-te tunga thugen ka hi hi. Gentile-te adinga keimah sawltakpi ka hina tawh, 14 ka mipihte in note hong eng-a pawlkhat ka hotkhiat theih nading lametna tawh keima mipihte a phawng dingin nakpi-in na ka sem hi. 15 Ahang in, amaute a kinolhna leitung mite kilemkikna hi ahileh amaute a kisanna, sihna panin hinna lo bang dang hi ding hiam? 16 Gahmasa banga kipia buhnel mekman them khat siangtho ahileh a lom bitin zong a siangtho hi; azung a siantho leh ahiangte zong a siangtho hi.#1Th 2:16
17 Tua hiangte pawlkhat kitankhia-in gamlak olive dawng khat ahi nang, tuate tungah hong kipeh a, olive tung pan hong pai khanna tui dawn khawm na hileh, 18 tua a kitankhiasa hiangte tungah na kisial kei in. Tua banga na kisialh leh hih thu na ngaihsun in: Nang in azung na vak kei-a azung in nang hong vak zaw hi. 19 Tua ahileh, "Kei hong kipeh theih nadingin hiangte kitankhia hi," na ci kha ding hi. 20 Himah hi. Ahi hangin amaute uplahna hangin amaute a kitankhia hizaw a, nang na upna hanga ding na hi hi. Kisathei kei inla lau zaw in. 21 Tua hi-a Pasian in pianngei hiangte hawi lo ahileh nang zong hong hawi tuan kei ding hi.#Jer 11:16; 1Co 10:12
22 Tua ahi manin Pasian migitna le ama thukhauhna; a pukte tungah a thukhauhna le ama migitna sunga na kip den nak leh nang tunga a migitnate ngaihsun in. Ama migitna sunga na kip den kei leh nang zong hong kisattan ding hi. 23 Amaute amau uplahna sungah a kohkan kei nak uh leh Pasian in amaute peh kik thei ahi manin amaute zong a kipeh ding hi. 24 A tawpna ah, pianngei-a gamlak olive kung ahi nang, hong satkhia-in pianngei tawh kilehbulhin a kicing olive kung tungah hong kipeh ahileh, hih pianngei hianga amau menkhiatna olive kung tunga peh ding baihzaw tham lo ding ahi hiam?#Ro 2:4
Israel-te Khempeuh Kihonkhia Ding
25 Sanggamte aw, note na kimisak loh nadingun; a lut ding zah a lut kim khit mateng Israel-te khenkhat lungkhauh tadih ding uh hi, cih thuthuk na theih loh ding uh ka deih kei hi. 26 Tua hi-a:#Ro 1:13
"Zion panin tanpa hong pai ding hi;
amah in Jacob panin pasian-milohna a hemkhia ding hi.
27 Tuateh amaute mawhnate a kilakkhiat ciangin
amaute tawh ka thukhun hih ahi h#11.27 Ahikeh hi ding hi." i#11.27 Isa. 59:20,21; Isa. 27:9 ; Jer. 31:33,34 ci-a kigelh bangin Israel-te khempeuh kihonkhia ding hi.
28 Lungdamna-thu tawh kisai-in ahileh note hangin amaute gal ahi uh hi. Ahi hangin teelna tawh kisai-in ahileh pubulte hangin amaute, itte ahi uh hi. 29 Ahang in, Pasian letsongte le ama hong sapnate a kidok kik thei kei hi. 30 Amaute thu manlohna hangin hun khat lai-a Pasian thu a mang lo note in, tu-in lainatna na ngah uh mah bangin 31 Pasian in note hong lainat bangin amaute in zong tu-in j#11.31 Khutgelh pawlkhat in Tu-in nei lo lainatna a ngah theih nadingun amaute zong tu-in thumang lote a suak uh hi. 32 Ahang in, Pasian in mi khempeuh tungah lainatna a neih theih nadingin thumanlohna ah mi khempeuh a hencip hi.#Ro 3:9; 5:10
Pasian Phatna
33 Aw, Pasian in pilna le theihna a hauh a#11.33 Ahikeh hauhna le pilna le zia thuk na mahmah e!#Ro 2:4
Ama thukhennate telzawh hi lo a,
ama lampite sulkan zawh ding hi peuhmah lo hi!#Job 5:9
34 "Topa lungsim kua in thei a,
ahikeh a thudotpa kua hiam? b#11.34 Isa. 40:13
35 "Pasian thukkik dingin
Pasian tungah kua’n pia ngei ahi hiam?" c#11.35 Job. 41:11
36 Ahang in, nate khempeuh, ama kiang pan le ama tung pan le ama aa ahi hi.#1Co 8:6
Amah in minthanna ngah tawntung ta hen! Amen.#Ro 16:27
Currently Selected:
Rome-te 11: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission