YouVersion Logo
Search Icon

Phatna-late 96

96
1 Lathak khat TOPA sak un;
leitung khempeuh aw, TOPA la sak un.#Ph 33:3
2 TOPA la sak unla ama min phat un;#Ph 68:4
nisimin ama hotkhiatna tangko un.#Ph 27:1
3 Minamte lakah ama minthanna pulak unla,#Ph 8:1
mi khempeuh lakah a nasep piandangte pulak un.#Ph 71:17
4 Ahang in TOPA lian a, a phattak pen ahi hi;
pasiante khempeuh khengin kihtak ding ahi hi.#Ph 95:3
5 Ahang in minamte’ pasian khempeuh milimte hi-a,#Sp 19:4
TOPA in ahileh vante a bawl hi.#Pc 1:1
6 Ama mai-ah nopcitna na le thupina om a;#Ph 21:5
a munsiangtho sungah hatna le minthanna a om hi.#Ph 29:1
7 Minamte innkuante aw, TOPA ahi ding bangin hisak un,
TOPA tungah a minthanna le a thahatna bangin hisak un.#Ph 22:27
8 Ama min tawh kituakin TOPA minthangsak un;
biakna kengin ama huang sung hong zuan un.#Ph 65:4
9 Ama sianthona c# 9 Ahikeh TOPA a thupina tawh kituakin TOPA bia unla#Ph 93:5
leitung khempeuh ama mai-ah ling un.#Ph 33:8
10 Minamte lakah, "TOPA in uk hi," ci un.#Ph 97:1
Leitung kiptakin kikhosak a kikhin thei lo hi;#Ph 24:2
amah in guptuam paihtuam nei loin minamte thu a khen ding hi.#Ph 67:4
11 Vante nuam uh henla, leitung kipak hen;#Ph 97:1
tuipi le a sunga omte khempeuh kithawn uh hen;
12 lote le a sunga omte in nuamsa uh hen.
Tua ciangin tulak a singkungte khempeuh in nuamna la sa ding uh a;
13 TOPA hong pai-a, leitung thukhen dingin hong pai ahi manin#Kil 19:11
amaute in a mai-ah la a sa ding uh hi.
Amah in thumaanin leitung buppi thu khen dinga,#Ph 7:11
thutakin mite thu a khen ding hi.#Ph 86:11

Currently Selected:

Phatna-late 96: ZIV

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy