Phatna-late 71
71
1 TOPA aw, nang kong bel hi,#Tp 23:15
hong maizumsak ngei kei in.#Ph 22:5
2 Nangma thumaanna-in hong hu inla, hong suaktasak in;
na bil kei hong ngat inla hong honkhia in.#2Ku 19:16
3 A tawntunga pai-a ka belh
suangpi hong hi in;
ka suangpi le ka kulhpi na hi manin#Ph 18:2
kei hotkhiat nading thu pia in.
4 Ka Pasian aw, migilote khut pan le
gilo-a a kheltatte hong matna panin hong hukhia in.#Pc 48:16
5 Ahang in Thuneipipen TOPA aw,
ka khangno lai-a kipan ka kimuanna#Job 4:6
ka lametna nang na hi hi.
6 Ka suah a kipanin nang tungah kong kinga a;#Ph 22:10
ka nu sul panin nong lakhia hi.
Nangmah kong phat den ding hi.#Ph 9:1
7 Mi tampi adingin a siahil ka suak a,#Tp 28:46
ahi hangin nang ka belh muanhuai na hi hi.#2Sa 22:3
8 Ka kam ah nang phatna dim a,#Ph 51:15
sun nilohin na thupina ka langsak hi.#Ph 96:6
9 Ka tek ciangin hong nawlkhin kei inla;#Ph 92:14
ka thakiat ciangin hong taisan kei in.#Tp 4:31
10 Ahang in, ka galte in hong langgen uh a;#Ph 3:7
kei thah hong sawmte a kikumkhawm uh hi.#Pk 1:10
11 Amaute in, "Pasian in amah taisan khin hi;#Ph 9:10
a hu ding kuamah om lo ahimanin
delh unla man un," kici uh hi.
12 Pasian aw, hong gamla omsan kei in;
Ka Pasian aw, hong huh dingin hong paimeng in.#Ph 22:19
13 Kei hong mawhmatte maizumin kisia uh henla,#Jer 18:19
kei hong nasak nuamte
zahlakna le mindaina in khuh ta hen.#Ph 70:2
14 Ahi zongin keimah in ka hileh lametna ka nei tawntung dinga;#Ph 25:3
nang kong phatzaw semsem ding hi.
15 A phatan ka thei kei zongin
sun nilohin na thumaanna le na hotkhiatna#Ph 51:14
ka kam in gengen ding hi.
16 Thuneipipen TOPA aw, keimah hong pai-in
thahatna tawh na sep a thupite ka tangko ding hi.
Nangma thumaanna - nangmah kia aa ka tangko ding hi.#Ph 9:1
17 Pasian aw; ka khangno lai-a kipan nong hilh a,#Tp 4:5
na sepna a piandangte tuni dongin ka genkhia hi.
18 Pasian aw, khang kikte tungah na vangliatna genkhia in
khang kikte kiangah na vangliatna genkhia-in,
a khanglai dingte khempeuh tungah na hatna ka pulak mateng#Job 8:8
tekin ka sam nangawn a kang zongin hong taisan kei in.#Isa 46:4
19 Pasian aw, nangma thumaanna in huihkhuate ban-a,
nalianpite a semkhinpa nangmah na hi hi.#Ph 126:2
Pasian aw, nang tawh a kibang kua ahi hiam?
20 Lungkhamnate nong tuaksak a,
a haksa tampi om napi#Ph 25:17
ka nuntakna hong thaksuaksak a;#Ph 80:3
leisung thukpi panin nong pito kik ding hi.
21 Kei hong kipahtawina na khangsak dinga,
khatvei nong hehnem kik ding hi.
22 Ka Pasian aw, nangma thumaanna hangin
harp in nang kong phat ding hi;#Ph 33:2
Israel Siangtho Pa aw,
nangmah phatna lyre in ka sa ding hi.#Job 21:12
23 Nong tatsa keimah in#Pk 15:13
nangmah phatna ka sak ciangin
ka mukte nuamin kiko ding hi.
24 Kei hong nasak nuamte#Est 9:2
maizumin buaigawp ta ahi manin,
thumaana na nasepnate ka leii in
sunniloh in a gengen ding hi.#Ph 35:28
Currently Selected:
Phatna-late 71: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission