Phatna-late 62
62
Tumtheih makaipa ading. Jeduthun ading David phatna-la khat.
1 Ka hinna in Pasian tung bek ah khawlna mu a;#Ph 5:3
keima hotkhiatna ama tung pan ahi hi. 2 Keima suangpi le ka kihotkhiatna amah bek hi a;#Ph 18:31
keima kulhpi amah ahi hi, hong kiling zo kei ding hi.#Ph 59:9
3 Mi khat bang tanvei sim lai ding na hi hiam?
Hih kulh awnsa le dai kipuk dek -#Isa 30:13
note khempeuh in sawnpuk ding na hi uh hiam?
4 Amaute in amau munsang panin
kiatsak ding bek sawm uh a;
zuauphuah nuam a sa uh hi.
A kamun thupha pia napi a lungsimun
a hamsiat uh hi. #Selah
5 Ka hinna aw, Pasian bek ah khawlna mu in;
keima lametna amah pan ahi hi.
6 Keima suangpi le ka kihotkhiatna amah bek hi a;
keima kulhpi amah ahi hi; hong kiling zo kei ding hi.
7 Ka hotkhiatna le ka pahtawina Pasiana a# 7 Ahikeh / A Sang Pen Pasian in ka hotkhiatna le ka pahtawina ah om a;
amah ka thahatna suangpi le ka belhna ahi hi.#Ph 61:3
8 Mite aw, hunte khempeuh ah amah muang un;#Ph 37:5
Eite belhna Pasian ahi manin
na lungsimte uh ama tungah sung un.#1Sa 1:15 #Selah
9 A dinmun niam mite husan khat bek hi a,#Ph 49:2
dinmun sangte lah zuaupi hi lel hi;
tehna-in kiteh leh amaute bangmah hi lo uh a;#Isa 40:15
amaute husan khat bek hikhawm uh hi.
10 Zawhthawh thu-a suh muang kei unla,
guksa van ah zong kisathei kei un;#Isa 61:8
na hauhna uh a khang zongin
tuate lungmuanpih kei un.#Job 31:25
11 Pasian in na khat gen a, na nih ka za hi:
Pasian aw, tua in nang hatna hi-a,
12 Topa aw, tua in nang itna ahi hi.#Ph 86:5
Mi peuhmah ama sepsa tawh kizui- in#Job 21:31
pahtakman na pia taktak ding hi.
Currently Selected:
Phatna-late 62: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission