Phatna-late 39
39
Tumtheih makaipi ading. Jeduthun adingin David phuah.
1 Keimah in, "Ka gamtatnate ah kidawmin
a mawh lo dingin ka leii ka kem ding hi;#Job 1:22; Ph 34:13
ka omna ah migilote a om laisiah
ka muk ah muktuam ka thuah ding hi," ka ci hi.#Job 6:24
2 Ahi hangin daitaka ka om dide ciang,#Ph 77:4
a hoih khat nangawn ka gen loh ciangin
ka lunggimna a khang semsem hi.#Ph 6:3
3 Ka sungah ka lung so a,#Lk 24:32
ka ngaihsut kawmkawmin meikuang hi;#Ph 1:2
tua ciang ka leii-in thu ka gen a:
4 " TOPA aw, ka nuntak hun beina le
ka ni phazah hong lak in;#Job 14:5
ka nuntakna a beipah ding zia kei hong theisak in.#Pc 47:9
5 Ka nuntak hun sung zapek cia bekbek na phasak a;#Job 10:20
nangma mai-ah ka nuntak kum bangmah tan ahi kei hi.
Mihing khat nuntakna husan khat bek ahi hi. #Selah
6 Mihing pen telmunmel om lo-a vaksuk vaktoh ahi hi:#Job 8:9
Ama a kibuaisakna a mawkna hi a;#Ph 127:2
hauhna kholkhol ta leh kuan’n ngah ding cih a thei kei hi.
7 "Ahi hangin Topa aw, tu-in bang zong ka hi hiam?
Ka lametna nang sungah a om hi.#Ph 9:18
8 Ka tatkhialhna khempeuh panin hong hon inla;#Ph 6:4
mihaite simmawh hong hisak kei in.#Tp 28:37
9 Ka dai dide hi; nang sem khin na hi manin#Isa 38:15
ka kam ka kek kei ding hi.#Ph 38:13
10 Na satna khauteep kei tung panin lakhia ta in;#2Kh 21:14
na khuttum a nong tupna in kong hong zothawh hi.
11 Mite amau mawhna hangin taihilhin na sektat a;#Tp 28:20
ngetpi bangin amau hauhna na gaitum a -#Ph 90:7
mihing pen husan khat bek ahi hi. #Selah
12 " TOPA aw, kong thungetna hong za inla
nong huh dinga kong kikona hong ngai in;
ka kahna hong bengngonsan kei in.
Ahang in, ka pate khempeuh bangin pemta le#Pc 47:9
mikhualin nang tawh ka tengkhawm hi.#Sp 25:23
13 Kei hong kimuhmawhbawl in, kei paikhia-a ka om nawnloh ma-in#Job 10:21
ka lungnop kik theih nadingin kei hong hawi in," ka ci hi.
Currently Selected:
Phatna-late 39: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission