Paunakte 18
18
1A tangtat mite a huaiham hi-a,
mantaka kikhensa thu a tokbuai hi.
2 Mihai in theihtelna nuamsa lo a,
ama ngaihsut bek gen leh nuam sa hi.#Pn 12:23
3 Gitlohna hong tun ciangin simmawhna in zui-a,
maizumna hong tun ciangin mindaina in zui hi.
4 Mihing kampaute tui thukpi hi-a,#Ph 18:16
pilna khuk ahileh lui luanglai ahi hi.
5 Migilote guptuam hoih lo a,#Pn 24:23-25
mawhpengte thutang taansak zong hoih lo hi.#Ph 82:2
6 Mihai muk in kitotna tun a,
a kam in sat thuaksak hi.#Pn 10:14
7 Mihai kam ama siatna hi-a,
a hinna adingin a mukte thang ahi hi.#Ph 64:8
8 Mi gensiate kampau an lim mahmah tawh kibang a,
mihing sungtawng ah tumsuk pah hi.#Pn 26:22
9 A nasep sem nuamlopa,
a susiapa sanggam ahi hi.#Pn 28:24
10 TOPA’ min pen tausang muanhuai hi-a;#Ph 61:3
thumaante in beelin galmuang uh hi.#Ph 20:1
11 Mihaute hauhna amau kulh muanhuai nei khuapi hi-a;#Pn 10:15
kuama kal zawh loh kulhin ngaihsun uh hi.
12 Mihing lungsim kisiat ma-in kiphatsakna masa a,
pahtawina ma-in kiniamkhiatna masa hi.#Pn 11:2
13 Ngai nai lopi-a dawng kik pa
ama haina le maizumna ahi hi.#Pn 20:25
14 Mihing lungsim in a cinatna thuak zo napi,
lungsim kitamzan kua in thuak zo ding hiam?#Pn 15:13
15 Thu theikak mi lungsim in theihna ngah a;
mipilte bil in theihna a zongkhia hi.#Pn 15:14
16 Letsong in a piapa lampi hong a,#Pc 32:13
miliante kiang a tun hi.
17 A thulangpa mai pai-in a kidot masiah
thu sung masa pen amaan tawh kibang hi.
18 Ai teelna in kitotna vengsak a,
kilangneih-luatnate beisak hi.
19 Kulha ki-um khuapi lak sangin sanggam kinuak lep haksazaw a,#1Sa 17:28
a kitotnate uh a kikalhcip khuapi kongkhakte tawh kibang hi.
20 Mi, ama kampau gah panin gilvah a;
a muka a genna panin a tai hi.#Pn 12:14
21 Leii in nuntakna le sihna vang nei a,#Ph 12:4
a leii it mi in a leii gah ne ding hi.#Pn 13:2-3
22 Zi a mu mi, na hoih mu hi-a,#Pn 12:4
TOPA’ angvanna ngah ahi hi.#Job 33:26
23 Mizawngte in lainat nadingin thum uh a,
mihaupa in kamkhauhin a dawng hi.
24 Kithuahpih tampi a neite kisia thei a,
ahi hangin sanggam sangin a kicianzaw lawm a om hi.#1Sa 20:42
Currently Selected:
Paunakte 18: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission