Paunakte 17
17
1Kiselsa-in inn dima pawi a#17.1 Hebrew ah biaknate bawl sangin
kilem diamdiamin daitaka an kangkeu nek hoihzaw hi.
2 Nasem pil in tapa gina lo uk dinga,
unau khat bangin goutanh a ngah ding uh hi.
3 Sik huantuina ah ngun kizia-et in, pummei ah kham kizia-et a,
TOPA in ahileh lungsim a zia-et hi.#1Kh 29:17
4 Migilo in kampau gilo ngai-a,
zuautheite in mi a nasak leii a thusim uh hi.
5 Mizawngte a simmawh mi in amaute a Bawlpa simmawh hi-a;#Pn 14:31
siatna tunga kisathei peuhmah dan tuak loin a om kei ding hi.#Eze 25:3
6 Khanghamte adingin tate’ tate kumpi lukhu hi-a,
nu-le-pa ahileh a tate angtanna ahi hi.
7 Mihai in kisaktheihna kamte b#17.7 Ahikeh amah le amah kiphat a zat ding kilawm lo hi -
gam-uk khat in zuau a gen ding kilawm kei zaw ngel ve!#Pn 16:10
8 Golhsum, a pia mi adingin ai hi-a;
a kiheina peuhpeuh ah mavang hi.#Pk 23:8
9 Khialhna a maisakte itna a khangsak hi-a,
khialhna a hih teiteite lawmta khenkhen ahi hi.#Pn 16:28
10 Mihai khat khauteepa za vei sat sangin
thu theikak mi khat khatvei taihilh phatuamzaw hi.
11 Migilo in lehdo bek sawm a,
hehpihna nei lo ulian khat ama langah kisawl ding hi.
12 Mihai khat tawh a haitat laitaka kituah sangin
vompi a no kilaksak tawh kituah hoihzaw hi.
13 Mi khat in a hoih, gitlohna tawh a thuk leh#Pc 44:4
thusia in a inn lawi ngei lo ding hi.
14 Kitot kipatna in tuicinna keh tawh kibanga;
kisel ma-in khawl zawk ding ahi hi.
15 Mawhnei mi khahkhongna le mawhpeng khat mawhpaihna -#Ph 94:21
TOPA in kih tuak hi.#Pk 23:6-7
16 Mihai in pilna ngah ding a lunggulh loh nungsang
ama khuta sum om bang phatuam ahi hiam?#Pn 23:23
17 Lawm khat in hong it tawntung a,
sanggam pen haksat huna dinga suak ahi hi.#2Sa 15:21
18 Thukhentel thei lo mi in kiciamna-in a khut benga,
a vengpa ngaih muangsak hi.#Pn 6:1-5
19 Kitot uukte mawhna it hi-a;
kongpi sangpi-a bawlte kisiatna sam ahi hi.
20 Lungsim kawi nei mi a daupai lo a;
zuauthu gente in lungkhamna tuak hi.
21 Tapa hai neite dah mahmah a;
mihaipa hangin a pa lungnuam lo hi.#Pn 10:1
22 Lungtaina in zatui hoih hi-a,
lungsim tapzanna in guhte keusak hi.#Pk 12:46
23 Migilo in thutang a lehhek nadingin#Job 34:33
golhsum sang sim hi.#Pk 18:21
24 Thu-theikak mi in pilna enkawm gige a,
mihaite mit ahileh leimong dongin vak kawikawi hi.
25 Tapa hai a pa adingin lungkhamna hi-a,
a pianna nu adingin khaatna ahi hi.#Pn 10:1
26 Mawhpeng mi khat dan tuahsak hoih lo a,#Ph 94:21
amau cihtakna hangin uliante sat zong hoih lo hi.
27 Theihna nei mi pau mengmeng lo a,
theihtelna nei mi ki-ip thei hi.#Pn 14:29
28 Mihaite nangawn dai dide-in om leh apil kisa a,
pau loin om leh thutheikak kisa hi.#Job 2:19
Currently Selected:
Paunakte 17: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission