Paunakte 14
14
1Numei pil in a inn lama,#Rut 3:11
numei hai in ahileh ama khut mah in a inn phel hi.
2 Thutanga kalsuan mi in TOPA kihta a,
thukawi lampi tawnpa in ahileh amah a simmawh hi.
3 Mihaite kampau in a nungzangah ciangduai tusak a,#Pn 10:14
mipilte muk in ahileh amaute dal hi.#Pn 10:13
4 Bawngtal om lohna ah gankuang hawm a,
ahi hangin bawngtal hatna hangin an tampitak kila hi.#Ph 114:14
5 A thutak teci in zuau gen lo a,
teci maan lo in ahileh zuau a phuak hi.#Ph 12:2
6 Mi simmawhte in pilna a zon hangin bangmah mu lo a,
thu saikak-theite in theihna mu ziau hi.#Pn 9:9
7 Mihai tawh kithuah kei in,
ama muk pan theihna na mu kei ding hi.
8 A kidawm thei mi’ pilna, ngaihsunsun-a gamtatna hi-a,#Pn 15:28
mihaite haina ahileh khemna ahi hi.
9 Mihaite in mawh maisakna zahpih a,
a thutangte lakah deihsakna kimu hi.
10 Lungtang in ama khaatna thei tek a,
kuamah dangin a lungnoppih thei kei hi.
11 Migilote’ inn kisusia dinga,#Job 8:22
a thutangte’ buk ahileh a gina semsem ding hi.#Ph 72:7
12 Mi khat adingin amaan hileh kilawm lampi khat om a,#Pn 12:15
ahi hangin tua in a tawpna ah sihna a tun hi.#Pn 16:25
13 Nuih kawm nangawnin lungsim na thei a,#Thn 2:2
lungnopna zong dahna-in kikhum thei hi.
14 Muanna nei lo mi a gamtatna bangin kithuk dinga,
mi hoih in ahileh pahtakman sang ding hi.#2Kh 15:7
15 Mimawl in na khatpeuh um a,
a kidawm thei mi in a kalsuan nading a ngaihsun hi.
16 Mipil in TOPA kihta-in gitlohna peel a,#Pk 20:20
mihai in ahileh ngaihsun khol loin amtat hi.#1Sa 25:25
17 A hehbaihte hai gamtat a,#2Ku 5:12
a gitloh pilte kimudah hi.
18 Mimawhte in haina luah a,
a kidawmtheite ahileh theihna kikhusak hi.
19 Mi hoihte a omna ah mi hoih lote kun in,
thumaan kongpite ah migilote kun ding uh hi.#Pn 11:29
20 Mizawngte, a vengte nangawn in pel uh a,
mihaute in lawm tampi nei uh hi.#Pn 19:4,7
21 A vengpa a simmawhte a mawh hi-a,#Pn 11:12
a tasamte tunga migite thupha ngah ahi hi.
22 Gitloh sawmsimte lamkhial hi lo hiam?#Pn 4:16-17
Hoih a sawmte in ahileh itna le muanhuaina lawhtak a#14.22 Ahikeh lak hi.
23 Nasep haksa khempeuh metna hi-a,
kamsik lel pen zawnna bek ahi hi.
24 Mipilte hauhna amau lukhu hi-a,
mihaite haina in ahileh haina mah a suah hi.
25 A thutak teci in nuntakna honkhia a,
teci zuau in ahileh zuau a phuak hi.#Pn 12:17
26 TOPA a kihta mi, kulh muanhuai nei hi-a;#Pn 18:10
a tate adingin bukna hi ding hi.#Ph 9:9
27 TOPA kihtakna in nuntakna tuikhuk hi-a,#Pn 10:11
sihna thangte panin mi khat kipelhsak hi.#Ph 18:5
28 Gammi tamna in kumpipa’ minthanna hi a,#2Sa 19:7
a uk ding mi om kei leh kumpitapa kisia hi.
29 A lungduai mi, theihtelna lianpi nei hi-a,#2Ku 5:12
a lungtom mi ahileh a haina pulak lel ahi hi.#Thn 7:8-9
30 Lungnopna in pumpi adingin nuntakna hi-a,
enna in ahileh guhte a muatsak hi.
31 Mizawngte a nengcipte, amaute a Bawlpa simmawh hi-a,#Pn 17:5
a tasamte tungah migi peuhmah Pasian pahtawi ahi hi.#Tp 24:14
32 Tuahsiatna a tun ciangin migilote tavai uh a,#Ph 34:21
thumaante in ahileh sihna nangawn ah bukna nei lai uh hi.
33 Thu theikakte lungsim ah pilna giak a,#Pn 2:6-10
mihaite lak nangawn ah amah le amah a kitheisak a#14.33 Hebrew; Septuagint le Syriac ah / mihaite lungsim ah ahileh tuanu a thei uh hi hi.
34 Thumaanna in minam tawisang a,#Pn 11:11
mawhna ahileh mi khatpeuh adingin mindaina ahi hi.
35 A pil nasempa tungah kumpipa lungkima,
a zumhuai nasempa in ahileh thangpaisak hi.#Est 8:2
Currently Selected:
Paunakte 14: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission