YouVersion Logo
Search Icon

John 13

13
Jesu in A Nungzuite Khe Silsak
1Tua hun, Paisan Pawi madiak ahi hi. Jesu in hih leitung nusia in, Pa kiangah a pai hun ta, cih a thei hi. Hih leitunga om ama mite it a, amaute a itna d#13.1 Ahikeh amaute a it theih tawpna a vekpi-in tu-in a lak hi.#Jn 16:28
2 Nitak-an nek laitakin dawimangpa in Simon tapa Judas Iscariot tungah Jesu a lehhek nadingin tawsawn khin zo hi. 3 Pa in ama vangliatna nuai-ah na khempeuh koihin amah Pasian kiang pana hong pai hi-a, Pasian kiangah a ciah kik ding ahi hi, cih Jesu in a thei hi. 4 Tua ahi ciangin ankuang um kimlai dingkhia-a a puantungsilh suahkhia in mainulpi khat a kawngah a vial hi. 5 Tua khit ciangin kuang sungah tui sunga, a nungzuite khe silsakin, a kawnga a vialh mainulpi in a nulkeusak hi.#Mt 28:18
6 Simon Peter ciang tunga amah in, "Topa nang lawmlawm in ka khe hong silsak zawzen ding na hi hiam?" a ci hi.#Mt 3:14
7 Jesu in, "Tu-in bang hih ka hi hiam, cih na thei kei hi, ahi hangin nung ciangin na theihtel ding hi," ci-in a dawng hi.
8 Peter in, "Hi kei, ka khe na sil ngei kei ding hi," a ci hi.
Jesu in, "Nang kong sil kei leh kei tawh a kipawl lo na hi hi," ci-in a dawng hi.#Jn 3:5
9 Simon Peter in, "Tua ahileh Topa aw, ka khe bek hi loin ka khutte le ka lu zong hong silsak in!" a ci leuleu hi.
10 Jesu in, "A kipumsilsate, a khe bek sil kul hi; a pumpi khempeuh a siang hi. Note na siang uh hi, ahi hangin na vekpi un na siang kim kei uh hi," ci-in a dawng hi. 11 Amah in a lehhek ding pa thei zo ahi manin, note na siang kim kei uh hi, a ci ahi hi.
12 Amaute khe a silsak a man ciangin a puan silha, a tutna munah a pai kik hi. Amaute kiangah, "Note adinga ka septe na theitel uh hiam?" ci-in a dong hi. 13 "Note in kei ‘Sia’ le ‘Topa’ nong ci uh a, amaan hi; kei zong tua mah ka hi hi. 14 Tu-in keimah na Topa le na Siapa un na khe uh hong silsak ka hileh, no zong khat le khat na khe uh na kisilsak ding uh hi. 15 Note tunga ka hih banga na hih dingun na etteh ding uh kong lak zo hi. 16 Thutak kong geninah, a pu sangin a nasemte a lianzaw kei hi. Tua mah bangin thupuapa in a sawlpa sangin a lianzaw kei hi. 17 Hihte thei khin na hi uh ciangin na sep uh leh thupha na ngah ding uh hi.#Mt 7:24
Jesu in A Kilehhek ding Genkhol
18 "Note na vekpi un kong ci khin kei hi; ka teelsate ka thei hi. Ahi zongin hih in, Laisiangtho sunga; ‘An ka nekkhawm pihpa in kei langah a khetul a liikto zo hi,’ e#13.18 Ph. 41:9 a cih thu a tangtunsak nading ahi hi.#Jn 6:70
19 "Hih thu a pian ciangin kei amah ka hilam na up nadingun a pianma tu-in note tungah kong gen khol hi. 20 Thutak kong geninah, ka sawl mi khatpeuh a sang peuhmah, kei hong sang ahi hi; kei hong sang peuhmah, kei hong sawlpa a sang ahi hi," a ci hi.#Mt 10:40; Jn 14:29
21 Jesu in hih teng a cih khit ciangin a lungsim buai mahmah a, "Thutak kong geninah, note lakah khat in kei nong lehhek ding uh hi," ci-in a telgen hi.
22 Kua a cihna hiam cih thei zo loin a nungzuite khat le khat a ki-en uh hi. 23 Amaute lakah khat, Jesu in a it nung zuipa ama zomah a kingam hi. 24 Simon Peter in hih nungzuipa suphei a, "Kua gen hiam, na dong dih in," a ci hi.
25 Amah Jesu lamah awnphei a, "Topa kua gen na hiam?" ci-in a dong hi.#Mt 26:21; Jn 21:20
26 Jesu in, "Hih anlum them khat kuang sungah diaha, ka piak ding pa ahi hi," ci-in a dawng hi. Tua ciangin anlum them khat diah a Simon tapa Judas Iscariot a pia hi. 27 Judas in anlum a san phetin a sungah Satan a lut hi.#Lk 22:3
Jesu in, "Na hih ding manlangin hih in," a ci hi. 28 Ahi hangin ankuang umte khat beek in, Jesu in bang hanga hih banga ama kiangah ci hiam, cih a thei kei uh hi. 29 Pawlkhatte in, Judas sum kem ahi ciangin Pawi-a zat ding na kisam khatpeuh lei dinga sawl ahikeh mi zawngte na khatpeuh pia dinga sawl hi ding hi, ci-in a ngaihsun uh hi. 30 Anlum a san khit phetin Judas a paikhia hi. Tua hun zan laitak ahi hi.#Lk 22:53; Jn 12:6
Jesu in Peter Nial ding Genkhol
31 Amah a paikhiat khit ciangin Jesu in, "Tu-in Mihing Tapa kipahtawi-a, ama sungah Pasian a kipahtawi hi. 32 Ama sungah Pasian a kiminthansak a#13.32 A masa khutgelh tampi in ama sungah Pasian a kipahtawi cih nei lo hi leh Pasian in ama sungah Tapa minthangsak dinga, amah minthangsak pah ding hi.#Jn 14:13; 17:1
33 "Ka tate aw, note tawh tawmvei sung bek ka omkhawm lai ding hi. Note in kei nong zong ding uh hi, Jew-te ka hilh bangin note kong hilh hi: Ka paina munah nong pai thei kei ding uh hi.#Jn 7:33-34
34 "Thupiak thak khat note kong pia hi: Khat le khat na ki-it un. Keimah in note kong it bangin note khat le khat na ki-it pelmawh un. 35 Note khat le khat na ki-it uh leh ka nungzuite na hilam uh mi khempeuh in a thei ding uh hi," a ci hi.#Jn 15:12; 1Jn 3:14
36 Simon Peter in, "Topa koi-ah pai ding na hi hiam?" ci-in a dong hi.
Jesu in, "Ka pai nading mun ah tu-in nong zui thei kei ding uh hi, ahi hangin tunung ciangin nong zui ding uh hi," ci-in a dawng hi.#Jn 16:5
37 Peter in, "Topa, bang dingin tu-a hong zui thei lo ding ka hi uh hiam? Nang adingin ka nuntakna ka pai ding hi," a ci hi.#Mt 26:33
38 Tua ciangin Jesu in dawnga, "Nang, kei adingin na nuntakna paitakpi ding na hi hiam? Thutak kong geninah, ak khuan ma-in kei thumvei nong kitheihmawhbawl ding hi!#Jn 18:27

Currently Selected:

John 13: ZIV

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy