Jeremiah 1
1
1Benjamin gam Anathoth a siampite lakah khat ahi Hilkiah’ tapa Jeremiah thugente ahi hi. 2 Judah kumpipa Amon’ tapa Josiah in a uk, a kum sawm le thumna kumin Jeremiah tungah TOPA thu tunga 3 Judah kumpipa Josiah’ tapa Jehoiakim in a uk-a kipan Judah kumpipa Josiah’ tapa Zedekiah in a uk a kum sawm le khatna kum, a kha ngana, Jerusalem mite sal-a a paikhiat dong ama tungah thu a tung hi.#Jos 21:18; 1Kh 6:60; Jer 52:15
Jeremiah Kisam
4 TOPA thu kei tungah hong tunga,
5 "Sul sunga kong bawl ma-in nang kong thei a#1.5 Ahikeh teel khin hi,
na suah ma-in kong seh khin zo a;#Isa 49:1
minamte tungah kamsang dingin kong teel khin zo hi," hong ci hi.#tg 10
6 "Ah, Thupipen TOPA, ka genzia ding ka thei kei hi; naupangno khat ka hi lel hi," ka ci hi.#Pk 4:10; 1Ku 3:7
7 Ahi hangin TOPA in kei kiangah, "‘Naupangno khat ka hi lel hi,’ ci kei in. Kong sawlnate kiangah pai-in kong thupiak peuhpeuh na gen pelmawh ding hi. 8 Amaute kihta kei in, nang kong ompih dinga kong hu ding hi," TOPA in cikhia hi.#Jer 15:20; Eze 2:6
9 Tua ciangin TOPA in a khutin hong zamphei a, ka muk hong lawnsakin kei kiangah, "Tu-in ka thute na kamah ka koih khin hi. 10 En in, minamte le kumpi-gamte tungah a botkhia ding le a phelkhia ding, a susia ding le a zogawp ding, a lam ding le a suan dingin tuni-in nang kong sawl hi," hong ci hi.#Jer 18:7-10
11 TOPA thu kei tungah hong tunga, "Jeremiah aw, bang na mu hiam?" hong ci hi.
"Almond singhiang khat ka mu hi," ci-in ka dawng hi.
12 TOPA in kei kiangah, "Ka kammal a tangtun ding a vil b#1.12 Hebrew ah vil cihna awging le almond kung a aw suahna kibang hi. gige ka hi manin maantakin na mu hi," hong ci hi.#Jer 44:27
13 TOPA thu kei tungah hong tung kik a: "Bang na mu hiam?" hong ci hi.
"Leilu-lam pana hong awnsuk a solai beel khat ka mu hi," ci-in ka dawng hi.
14 TOPA in kei kiangah, "Leilu-lam panin leitunga teng mi khempeuh tungah siatna kisungkhia suk ding hi. 15 Leilu-lam kumpi-gama mite khempeuh ka sam ding hi," TOPA in cikhia hi.#Isa 14:31
"Amaute kumpite hong pai ding uh a,
Jerusalem lutna kongpite,
khuapi umna kulhte le Judah
gam khuapite ah a kumpi tokhom uh a phut ding uh hi.#Jer 4:16; 9:11
16 Ka mite tungah thukhenna ka genkhia ding hi.#Jer 4:12
Bang hang hiam cih leh amaute giloin hong taisan uh a,#Tp 28:20
pasian dangte tungah gimnamtui
halin amau khut bawlsa a bia uh hi.#Jer 7:9
17 "Nang kithawi in! Ding inla kong thupiak khempeuh amaute tungah va gen in. Amaute mai-ah lauthawng kei in, na lauthawng leh amaute mai-ah kong lauthawngsak ding hi. 18 Tuni-in nang gambuppi - Judah kumpite, a uliante, a siampite le a gam mite langah a pang dingin kulha ki-um khuapi, sik khuampi le sumngo kulhpi kong suaksak khin hi. 19 Nang hong sim ding uh a, nang hong ompihin hong hu ding ka hi manin amaute in hong zo kei ding uh hi," TOPA in cikhia hi.#Isa 50:7; Jer 20:11; Eze 2:6
Currently Selected:
Jeremiah 1: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission