Isaiah 48
48
A Lungkhauh Israel
1No Jacob inkuan,
Israel mina kilo,#Pc 17:5
Judah suan pana piangte -
TOPA minin tomlo a,#Isa 58:2
Israel Pasian min lo napi
thumaan thutaka ding lote -#Jer 4:2
2 no le no khuapi siangtho tualsuak ka hi uh hi,
a kici Ama min Thahatpen TOPA ahi#Isa 47:4
Israel Pasian tunga kingate aw, hih thu ngai un:#Mic 3:11; Ro 2:17
3 A masa nate sawt pekin kong gen khin a,#Isa 41:22
ka kamin hong zasakin tuate kong theisak khin hi;#Isa 45:21
tua ciangin ka gamtang pah a, tuate hong tung hi.
4 Ahang in, note na lungkhauh lam uh,#Tp 31:27
na ngawng thagui uh sik ahilam,#Pk 32:9; Ns 7:51
na taltang uh sumngo ahilam ka thei hi.
5 Tua ahi manin hih nate sawtveipi in kong gen khin zo hi;
note in, ‘Ka milimte uh sep ahi hi;#Jer 44:15-18
ka sing milimte uh le a kisung ka pasiante un thu a piak ahi hi,’
na cih theih loh nadingun tuate a pian ma-in
no tungah kong zasak khol khin hi.
6 Hih nate na za khin uh hi; a vekin en dih un.
Sang nai lo ding na hi uh hiam?
"Tu-a kipan mailam hun ah a thak nate,#Isa 41:22
na theih loh uh a kisel nate kong gen ding hi.
7 Tu-in amaute kipiangsak khina, a sawtvei nai kei hi;#Isa 45:21
tuni ma-in tuate na za nai kei uh hi.
Tua ahi ciangin, ‘Hi mah ei, ka theihsate hi ei,’
na ci thei kei ding uh hi.#Pk 6:7
8 Na za ngei nai kei uh a zong na theitel ngei nai kei uh hi;#Isa 1:3
khanglui hun lai-in na bil uh a kihong kei hi.#Tp 29:4
Mi muantak na hi lo lam uh kong thei a;
na suah tungua kipan lehdote hong kici hi.#Tp 9:7,24; Ph 58:3
9 Ka min ka khualna-in ka thangpaihna diah in;#Ph 78:38
kei hong kipahtawina ka khualna-in
note kong thahmang loh nadingin note panin ka ki-ip hi.
10 En in, ngun siansak na bang zo kei uh zongun note kong siangsak hi;
gimna pummei-in note kong zia-et hi.
11 Keimah ka kikhualna, keimah ka kicihna-in hih ka sem hi.#1Sa 12:22
Kei le kei kiminsiasak buang ding ka hi hiam?#Tp 32:27
Ka minthanna midang tungah ka pia kei ding hi.#Isa 42:8
Israel Kikhah
12 "Jacob aw, ka thu ngai in,#Isa 46:3
kong sapsa Israel aw:
Amah keimah ka hi hi,#Isa 43:13
ka cihpa a masapen le a tawpnapen ka hi hi.#Isa 41:4; Kil 1:17; 22:13
13 Ka khutin leitung bulpite ka phut a,
ka khut taklamin vante ka zal hi;#Pk 20:11
amaute ka sapkhawm ciangin
a vekun a dingkip khawm uh hi.
14 "Note khempeuh hong kikhawm unla ngai un:#Isa 43:9
Hih nate milimte a koi pen in hong genkhol ahi hiam?
TOPA koppih mipa in Babylon tungah
ama sawmna semkhia dinga,
a khutin Babylon mite a#48.14 Ahikeh Chaldea-te tg. 20 ah zong a langpan ding hi.
15 Keimah, kei tektekin ka gen khin hi;
hi hi, amah ka sam khin hi;#Isa 45:1
keimah in ka paipih a,
a nasepna a zo ding hi.
16 Ka kiang hong naih unla hih thu ngai dih un:#Isa 41:1
"Ka zaksak masa pena kipan a simthamin ka gen kei hi;#Isa 45:19
tua hun mah in pianga, tualai ah kei ka om hi."
Tua hi a tu-in Thupipen TOPA in#Zec 2:9,11
ama Kha tawh kei hong sawl hi.#Isa 11:2
17 Hih in TOPA gen ahi hi -
nangma Tanpa Israel Siangtho Pa in:#Isa 43:14; 49:7
"Kei mah TOPA na Pasian -
nang ading a hoihpen hong hilhpa,#Isa 28:9
na pai nading lampi hong lakpa ka hi hi.#Ph 32:8
18 Ka thupiakte na thusim nak leh
na lungmuanna gunpi bang dinga#Ph 119:165
na thumaanna tuipihual a bang ding hi.#Isa 45:8
19 Na suan na khakte sehnel bang dinga
na tate sim zawh loh sehnel tang zah a pha ding hi;
keima mai-ah amaute min kiphiat loin#Isa 56:5; 66:22
zong a kisusia kei ding hi," a ci hi.
20 Babylon paisan un,
Babylon mite taisan un!
Lungdamna tawh kiko-in,#Isa 49:13
leimongte dongin puak unla,
"TOPA in a nasempa Jacob tankhia khin hi,"
ci-in tangko un.#Isa 52:9; 63:9
21 Amah in sehnel-gam kantanin a mite a paipih ciangin, a dangtak kei uh hi;#Isa 41:17
amah in amaute adingin suangpi panin tuiluang bawl a;#Isa 30:25
amah in suangpi khangkhamsak a,
tui a phulkhia hi.#Pk 17:6
22 "Migilote adingin lungnopna a om kei hi," TOPA in a ci hi.
Currently Selected:
Isaiah 48: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission