Isaiah 12
12
Pahtawina Late
1Tua ni ciangin, "TOPA aw,
nang kong pahtawi ding hi.#Isa 25:1
Kei tungah na heh ngei zongin
na hehna dam ta a,
kei nong hehnem zo hi.
2 Pasian lah ka hotkhiatna hi taktak a;
amah muangin ka kihta kei ding hi.
TOPA, TOPA ka thahatna le ka la ahi hi;
amah ka hotkhiatna suak ta hi," na ci ding uh hi.#Pk 15:2; Ph 118:14
3 Hotkhiatna tuikhuk panin
lung nuamin tui na khai ding uh hi.
4 Tua ni ciangin note in:
"TOPA tungah lungdamna ko-in a min lo un;#Ph 105:1
ama sepsate minamte lakah kitheisak unla#Isa 54:5; 60:3
a min a kitawisangna tangko un.#Ph 113:2
5 TOPA in a minthang nate sem khin ahi manin amah la sak un;
leitung khempeuh ah hih thu kitheisak un.
6 Note lakah Israel-te Siangtho Pa lian ahi manin,
Zion mite aw, ngaihtakin awng unla lungdamna la sa un," na ci ding uh hi.
Currently Selected:
Isaiah 12: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission