YouVersion Logo
Search Icon

Haggai 1

1
TOPA Inn Lam dinga Sapna
1Kumpipa Darius in a uk a kum nihna kum, a kha gukna a ni masa ni-in kamsangpa Haggai tungtawnin TOPA in, Judah gam-ukpa Shealtiel tapa Zerubbabel tung le tulpipa Jehozadak tapa Joshua a#1.1 Jeshua tawh kilamdang lo; hih mun le Haggai sung khempeuh ah. tungah thu a gen hi:#Ezr 4:24
2 Hih in Thahatpen TOPA thugen ahi hi: "Hih mite in ‘TOPA inn lam ding hun tung nai lo hi,’ ci uh hi," a ci hi.#Isa 13:4; 29:13
3 Tua ciangin kamsangpa Haggai tungtawnin TOPA kammal tunga: 4 "Hih inn kisiagawpsa-a a om laitakin note inn nopci mahmah ah na om uh kilawm ahi hiam?" a ci hi.#Ezr 5:1
5 Tu-in Thahatpen TOPA in, "Na omzia uh lim ngaihsut dih un. 6 Tampitak na suan uh hangin tawmkha bek na at uh hi. Na nek uh hangin na gil uh a vah kei hi. Na dawn uh hangin na duhna uh a kam zo kei hi. Puan na silh uh a na khua uh a lum kei hi. Sum na thalawh uh a sum-ip tawvang khata koih bang lel thaman na ngah uh hi," hong ci hi.#Sp 26:10; Ta 3:40
7 Hih in Thahatpen TOPA gen ahi hi: "Na lampi uh lim ngaihsut dih un. 8 Mualtungah kuanto unla singbeu va pua un, keimah a sungah omin nuamtak tengin hong kipahtawi theih nading inn lam un," TOPA in ci hi. 9 "Note in tampitak na lamet uh hangin tawmcik bek pha mawk hi. Inn a na tutsate uh ka mutmang hi. Bang hang hiam?" Thahatpen TOPA in cikhia hi. "Tua pen note khempeuh na inn ding ciat uh lamin na manlah uh a, kei inn a siasa-a a om hang ahi hi. 10 Tua ahi ciangin note hangin vante in daitui kangsaka, leitang in gah a gahsak kei hi. 11 Keimah in lote le mualliante tung, ankungte tung, lenggui thak, sathau le lei pana piangte peuhmah, mihingte le ganhonte le khuta na sep uh nate khempeuh tungah guah ka haang hi," a ci hi.#1Kh 14:1
12 Tua ciangin Shealtiel tapa Zerubbabel, tulpipa Jehozadak tapa Johua le a baanglaite khempeuh in TOPA amaute Pasian thu le kamsangpa Haggai thupuak a mang uh hi, bang hang hiam cih leh TOPA amaute Pasian in amah a sawl ahi hi. Tua hi-a mite in TOPA a kihta uh hi.#Isa 1:9; Hag 2:2
13 Tua ciangin TOPA kamtaipa Haggai in mite tungah hih TOPA thugente puaka TOPA in, "‘Note kong ompih hi,’ ci hi," a ci hi. 14 Tua ciangin TOPA in Judah gam-ukpa Shealtiel tapa Jerubbabel lungsim, tulpipa Jehozadak tapa Joshua lungsim le a baanglai mite lungsim a phonglo hi. Amaute in amau Pasian Thahatpen TOPA inn lam a kipan uh hi. 15 Tua ni pen Kumpi Darius in a uk zawh a kum nihna kum a kha gukna a ni sawmnih le li ni ahi hi.#Ms 27:21

Currently Selected:

Haggai 1: ZIV

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy