YouVersion Logo
Search Icon

Esther 1

1
Kumpinu Vashti Zakia
1Hih in India pan Cush a#1.1 Tua pen Nile kuam tungnung lam dong a kizalhsuk gam neu 127 a uk Xerxes b#1.1 Hebrew in Ahasuerus, Xerxes min tawh kilamdang lo; hih mun le Esther buppi ah. huna thupiang ahi hi. 2 Tua hunin Kumpi Xerxes a kumpi tokhom tungah tu-in a kumpi khua Susa panin uk a 3 ama uk zawh a kum thumna kumin a uliante le a zum nasem liante adingin pawi a bawl hi. Tua lai-ah Persia le Media galkap makaite, uliante le gamneu uk uliante a om uh hi.#1Ku 3:15; Ezr 4:6; Est 2:8
4 Amah in a kumpivang’ minthanna a nopci ziahzuahna le ama liatna ni 180 sungtak a lak hi. 5 Tua banga a lah hun a bei ciangin kumpi innpi kianga huan gei-ah Susa khuapi sunga om a neupen pan a lianpen dong mi khempeuh tawh pawi a bawl hi. 6 Tua huan ah suangkang khuampite tungah ngunkual kivawha a kang le a dupsan nate a kikhai puandum le puankangte a kikhung hi. Tua lai-ah suangmanpha, porphyry, suangpek, kep manpha-nu le suang manpha dang tawh hoihtaka kizem suangphah tungah ngun le khama kibawl lupnate a om hi. 7 Kham hai tuamtuamte in lenggahzu kihawma, tuate khat le khat a kibang kei hi. Kumpi lenggahzu kicing mahmah a, deih zahzahin kizang hi. 8 Kumpipa in a zuhawmte tungah amau duh zahzah piak dingin hilhkhol ahi manin kumpipa thupiak bangin lenglate in amau duhzah ciat a dawn uh hi.#Eze 23:41
9 Kumpinu Vashti in zong Kumpipa Xerxes inn sungah numeite pawi a bawlpih hi,
10 A ni sagihna ni, Kumpi Xerxes in lenggahzu dawna nuam a sak mahmah ciangin ama nasem cilgehte sagih thu pia a - Mehuman, Biztha, Harbona, Bigtha, Abagtha Zethar le Carcas-te samin, 11 Kumpinu Vashti a mel hoih takpi ahi manin mite le a uliante et dingin kumpi lukhu khusakin a lah nadingun thu a pia hi. 12 Amah a cingte in kumpipa thupiak a gen uh hangin Kumpinu Vashti a pai nuam kei hi. Tua ciangin kumpipa a lung so-in a heh mahmah hi.
13 Thukham le a maana thu khenna tawh kisai a siamte kumpipa in a dot ngeina ahi manin, hun theisiam mipilte hopih a, 14 amah le amah tawh a kithuah - Carshena, Shethar, Admatha, Tarshish, Meres, Marsena le Memucan ama gam sunga, a sangpen le kumpipa tawh a kithuah tuamdiak Media le Persia ulian sagihte zong a hopih hi.#2Ku 25:19; 1Kh 12:32; Ezr 7:14
15 Amah in, "Upadi tawh kizui-in Kumpinu Vashti bangcih kul ding ahi hiam? Kumpipa Xerxes in cilgehte a thupiak a piaksak thupiakna mang nuam lo hi," a ci hi.
16 Tua ciangin kumpipa le uliante om mahin Memucan in, "Kumpinu Vashti a khial ahi hi. Kumpipa tung bek hi loin Kumpi Xerxes ukna sunga gamneute a uliante khempeuh tungah zong a khial hi. 17 Ahang in, kumpinu gamtatna numei khempeuh in thei ding uh a, tua ciangin a pasalte uh thusim loin, ‘Kumpi Xerxes in ama mai-ah Kumpinu Vashti a kipuak ding thu pia napi, a pai nuam kei hi," ci ding uh hi. 18 Tuni mahmah in kumpinu thu a za Persia le Media numei uliante in kumpipa uliante tungah tua tawh kibangin gamta ding uh hi. Kizahtaklohna le kisimmawhna a bei ngei kei ding hi.
19 "Tua ahi ciangin kumpipa na lungkim leh kumpi thupiakna khat suaksak inla a kingen kik thei lo Persia le Media-te upadi sungah gelh in, Kumpi Xerxes omna ah Vashti tum ngei nawn lo ding hi, kici hen. Tuanu omna kumpi inn sunga om ding tuanu sanga hoihzaw khat zong koih in. 20 Tuateh kumpipa thupiakna ama gam sung khempeuh ah a zaksak ciangin numei khempeuh a neupen pan a lianpen dong in a pasalte uh zahtak ding uh hi," a ci hi.
21 Kumpipa le a uliante in hih ngaihsutna lungkim uh a, Memucan gen bangin kumpipa in a hih hi. 22 Amah in a gam sung mun khempeuh ah lai paisaka pasal peuhmah ama innkuan sungah a ukpa hi ding hi, ci-in amau gama om amau lai ciat, a minam kam ciat un zasak uh a, amau pau ciatin a tangko uh hi.#Ne 13:24; 1Ti 2:12

Currently Selected:

Esther 1: ZIV

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy