Rome-te 5
5
Kilemna le Lungnopna
1Tua ahi manin upna tungtawnin diktansak i hi khit nungsang eite d#5.1 Ahikeh ni Topa Jesu Christ tungtawnin Pasian tawh i kilem hi. 2 Ama tungtawnin upna hangin tu-a i omna hehpihna sungah lut theihna i ngah hi. Tua hi a, Pasian minthanna lametna sungah eite i nuam hi. e#5.2 Ahikeh ni3 Tua bek tham lo i thuakna ah zong i nuam hi. f#5.3 Ahikeh ni Bang hang hiam cih leh thuakna in thuakzawhna a piangsak hi; 4 thuak zawhna in nundan piangsak a, nundan in lametna piangsak ahilam eite in i thei hi. 5 Pasian in eite hong piak Khasiangtho tawh i lungsungah ama hong itna hong sungkhia khinta ahi manin lametna in eite hong lungkiasak kei hi.#Ro 4:25; Php 1:20
6 Vangliatna i neih loh lai, a hun laitak lianin pasian-milote ading Christ hong si hi, cih na thei hi. 7 Mi hoih adingin a singam a om kha mawh kei ding hi; ahi zongin mi thumaan khat adingin a singam kuamah a om khol kei ding hi. 8 Ahi hangin Pasian in eite hong it takpina hih bangin hong lak hi: Eite mawhnei i hi laitakin eite adingin Christ a si hi.#Jn 3:16; Gal 4:4
9 Tu-in ama sisan hangin diktansak i hi khit nungsang, ama tungtawnin Pasian thangpaihna pan honkhiat in i om zawsem ding hi! 10 Pasian gal i hi laitakin, ama Tapa sihna tungtawnin eite amah tawh hong kilemkiksak ahileh tua banga kilem khinsate ama hinna tungtawnin hotkhiat in i om zawsem ding hi! 11 Tua bek tham loin ama tungtawna kilemkikna i ngahna pa i Topa Jesu Christ tungtawnin Pasian sungah i nuam hi.
Adam Tawnin Sihna Christ Tawnin Nuntakna
12 Tua ahi manin mi khat tungtawnin leitungah mawhna a lut bang tektekin mawhna tungtawnin sihna lut-a mi khempeuh mawh khin zo ahi manin mi khempeuh tungah sihna a tung hi. 13 Ahang in, thukham a kipiak ma-in leitungah mawhna na om zo hi. Ahi hangin thukham a om loh ciangin mawhna pen mawhna-in a kisim kei hi. 14 Tua hi napi, Adam hun pan Moses hun dong Adam palsat banga thupiak palsatna hanga a khial tektek lote nangawn tungah sihna in a uk hi. Adam pen hong tung ding pa lahna ahi hi.#Pc 3:1-7,17; 1Co 15:22,45
15 Ahi hangin letsong pen thupalsatna tawh a kibang kei hi. Ahang in, tua mi khat thupalsatna hangin mi tampi si ahileh, Pasian hehpihna le mi khat mah ahi Jesu Christ hehpihna hanga hong tung tua letsong, mi tampi tungah dimlet zawsem hi! 16 Tua ciang leuleu in Pasian letsong le tua mi khat mawhna hanga thupiang a kibang kei hi: Thukhenna in mawhna khat zui-in mawhpaihna tun a, ahi hangin letsong in thupalsatna tampi zui-in diktansakna a tun hi. 17 Ahang in, tua mi khat thupalsatna hangin tua mi tungtawnin sihna in hong uk ahileh Pasian hong piak a kicing hehpihna le thumaanna letsong a sangte in mikhat Jesu Christ tungtawnin amau nuntakna sungah uk zawtham ding hi lo ahi hiam?
18 Tua bang diudeu in, thupalsatna khat in mawhpaihna piangsak ahileh thumaan khat bawlna in zong mi khempeuh nuntakna a tun diktansakna a piangsak hi. 19 Ahang in, tua mi khat thumanlohna tungtawnin mi tampi mawhnei a suah bang tektek in mi khat thumanna tungtawnin zong mi tampi mi thumaan kisuaksak ding hi.#Ro 4:25; Php 2:8
20 Thupalsatna a khan nadingin thu kham hong kipiak beh hi. Ahi hangin mawhna a khanna munah hehpihna a khang semsem zaw hi. 21 Tua pen, sihna sungah mawhna in a uk bang tektek in i Topa Jesu Christ tungtawnin nuntak tawntungna a tun dingin hehpihna in thumaanna tungtawna a uk theih nading ahi hi.#Mt 25:46; Ro 3:20; 6:16
Currently Selected:
Rome-te 5: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission