Phatna-late 97
97
1 TOPA in uk hi, leitung kipak henla;#Ph 96:11
a gamla-a tuipi geite nuam uh hen.#Est 10:1
2 Meiipite le khuamial sahpi in amah umcih a;#Pk 19:9
ama tokhom bulpi in thumaanna le thutang ahi hi.#Ph 89:14
3 Ama mai-ah meikuang pai-a,#Isa 9:19
a kim a pama galte a kangtum hi.#2Sa 22:9
4 A khuaphiate in leitung taana,#Job 36:30
leitung in mu-in a ling hi.
5 TOPA, leitung khempeuh Topa mai-ah#Jos 3:11
khuainun bangin mual liante a tuisuak hi.#Ph 46:2
6 Vante in a thumaanna tangko uh a,#Ph 50:6
ama minthanna mi khempeuh in mu uh hi.#Ph 19:1
7 Bawltawm milim bia a milimte a kisakheihpih khempeuh
kimaizumsak ding hi -#Sp 26:1
no pasiante khempeuh aw amah bia un!
8 TOPA aw, na thukhennate
Zion in za-in nuam a,#Ph 48:11
Judah khuaneute a kipak uh hi.#Ph 9:2
9 Ahang in, TOPA aw, leitung khempeuh tungah nang Sang Penpa na hi-a;#Job 34:29
pasiante khempeuh tung pekah hong kitawisang hi.#Ph 47:9
10 TOPA in ama tunga muanhuaite kemin#Ph 31:23
migilote khut panin amaute hukhia ahi manin
amah a itte in gitlohna mudah uh hen.#Job 28:28
11 A thumaante khuavak in taan a,#Ph 11:5
a lungsima a thutangte lungnopna in a taan hi.#Ph 7:10
12 No a thumaante aw, TOPA sungah lungdam unla#Job 22:19
ama min siangtho phat un.
Currently Selected:
Phatna-late 97: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission