Phatna-late 143
143
David phuah phatna-la khat.
1 TOPA aw, kong thungetna za in,
nong lainat ding ngena kong kikona hong za in;
na muanhuaina le na thumaanna in
kei hong suaktasak in.#Ph 71:2
2 A nungta khat beek na mai-ah a thumaan om lo ahi manin
na nasempa, thukhenna hong thuaksak kei in.
3 Gal in kei hong delh-a,
lei lakah hong sikzan hi;
amah in sawtpi-a site bangin
khuamial lakah hong tengsak hi.#Ph 107:10
4 Tua ahi ciangin ka sunga ka kha thazawm a;
ka sunga ka lungsim cimawh hi.#Ph 30:7
5 Tanglai hunte ka phawk a,#Ph 77:6
na sepsate lungngaingai-in
na khuta na sepsate ka ngaihsunsun hi.
6 Ka khutte nanglam ah kong zakkhia a;#Pk 9:29
leikeu bangin ka hinna nang duhin a dangtak hi. #Selah
7 TOPA aw, hong dawng mengmeng in;
nang hong lunggulhin ka kha a zawm hi;#Ph 142:3
na maitang hong selsan kei in#Ph 22:24
nong selsan leh gum sunga kiasukte ka bang ding hi.
8 Nangmah hong muang ka hi manin
zingsang in na itna kip thu kei hong puak hen.#Ph 6:4
Ka hinna nang tungah hong laamto ka hi manin
ka pai nading lampi hong lak in.#Pk 33:13
9 TOPA aw, nang sungah kong bu hi,
ka galte pan hong hukhia in.#Ph 18:17
10 Keima Pasian nang na hi manin#Ph 31:14
na deihna ka hih ding hong hilh in;
a hoih na Kha in
leitaam tung ah hong pi hen.
11 Na min na khualna-in TOPA aw, ka nuntakna hong hawisak in;
na thumaanna-in lungkhamna pan hong paikhiatpih in.
12 Na itna kip hangin ka galte daisak in;
nangma nasem ka hi manin#Ph 116:16
ka galte khempeuh susia khin in.
Currently Selected:
Phatna-late 143: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission