Phatna-late 124
124
Kahtohna la khat. David phuah.
1 Eite lamah TOPA pang lo hileh -
Israel in ci ta hen -#Ph 129:1
2 mite in hong sim ciangin
eite lamah TOPA hong pang lo hileh,
3 eite tungah amaute hehna a kuan ciangin
amaute in hong hingvalh khin ding uh hi;
4 tuikhang in eite hong tuumcipin#Ph 88:17
tuizeu in eite hong taimang dinga,#Ph 18:4
5 tui kilok in
eite hong nawkmang khin ding hi.
6 Amaute ha-a hong petzansak lo
TOPA kiphat ta hen.
7 Thangsiahpa’ thanga vasa suakta bangin
eite i suakta hi;
thang kisutan khin a
eite i suakta hi.
8 Eite huhna ahileh lei le van Bawlpa,#Pc 1:1
TOPA min ah a om hi.#1Sa 17:45
Currently Selected:
Phatna-late 124: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission