Phatna-late 114
114
1 Egypt panin Israel paikhia a,#Pk 13:3
pau theihloh paudang mite kiang pan Jacob innkuan a paikhiat ciangin
2 Judah pen Pasian munsiangtho suak a,#Pk 15:17
Israel, ama kumpi-gam a suak hi.
3 Tuipi in enin kithehzak a,
Jordan a kileh kik hi;
4 Tuutalte bangin mualliante diang a,#Thk 5:5
tuunote bangin mualneute a zuan uh hi.
5 Tuipi aw, na kithehzakna,#Pk 14:21
Jordan aw, na kileh kikna,
6 no mualliante tuutalte banga na dianna uh,
no mualneute tuuno banga na zuanna uh bang hang ahi hiam?
7 Leitung aw, Topa mai-ah,
Jacob Pasian omna-ah ling in,#Pk 15:14
8 amah in suangpi, bualtui suaksak a,
suangsak zong tuinakte suaksakpa ahi hi.#Pk 17:6
Currently Selected:
Phatna-late 114: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission