Phatna-late 108
108
La khat. David phuah phatna-la khat
1 Pasian aw, ka lungsim kip hi;
ka hinna khempeuhin la sa-in ka gingsak ding hi.#Ph 18:49
2 Harp le lyre khanglo dih un!#Job 21:12
Zingsang phalvak ka phong ding hi.
3 TOPA aw, minamte lakah nang kong phat dinga;
mite lakah nang, la-in kong sa ding hi.
4 Ahang in, na itna lianin, vante sangin sangzaw a;
na muanhuaina in huih khuate a ban hi.#Ph 36:5
5 Pasian aw, vante tunglam ah hong kitawisang henla,#Ph 8:1
na minthanna leitung teng dim hen.#Ph 57:5
6 Na itte a kihutkhiat theih nadingin
na khut taklamin kote hong hon inla hong huh in.#Ph 40:14
7 Pasian in ama munsiangtho panin:#Ph 68:35
"Gualzo-in Shechem ka phelkham dinga,#Pc 12:5
Succoh Kuam ka tehkhia ding hi.#Pc 33:17
8 Gilead kei aa hi-a, Manasseh kei aa ahi hi;
Ephraim ka siklukhu hi a,
Judah ka ciangkhut ahi hi.#Ph 78:68
9 Moab ka kisilna tuikuangpi hi-a,
Edom tungah ka khedap kaih ka sing a;#2Sa 8:13-14
Philistia tungah gualzo in ka kiko hi," ci-in gen khin hi.#2Sa 8:1
10 Kua in kulh nei khuapi ah kei hong puak ding ahi hiam?
Kua in Edom hong tunpih ding hiam?
11 Pasian aw, kote hong nolh a,
ka galkapte uh a kuanpih nawn lo, nang hi lo na hi hiam?#Ph 44:9
12 Mihing huhna man nei lo ahi manin#Ph 118:8
kote galdona ah hong huh in.
13 Pasian tawh eite i gualzo dinga,
amah in i galte a tuancil ding hi.#Ph 44:5
Currently Selected:
Phatna-late 108: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission