Paunakte 22
22
1Hauh mahmah sangin min hoih deihhuai zaw a;
ngun le kham sangin mite sangmuhna hoihzaw hi.
2 A zawng le a hau in neihkhawm nei uh hi;
amaute khempeuh a Bawlpa, TOPA ahi hi.#Job 31:15
3 A kidawm thei mi in lauhuaina mu-in bu a,#Pn 14:16
mimawl in ahileh phusuakin a thuak hi.#Pn 27:12
4 Kiniamkhiatna le TOPA kihtakna in
hauhna, pahtawina le nuntakna a tun hi.#Pn 10:27
5 A gilote lampi ah lingte le thangte om a,
a nuntakna a kem mi in ahileh tuate gamlapi-ah a pel hi.
6 Naupang khat a pai nading lampi ah pantah b#22.6 Ahikeh patpih lecin,#Eph 6:4
a tek dongin a pial nawn kei ding hi.#Tp 6:7
7 A haupa in a zawngpa uk a,
a leitawipa in a leitawinapa nasem a suak hi.
8 Gitlohna a vawhte in lungkhamna at a,
ama hehna ciangduai kisuksiatsak ding hi.#Hos 8:7
9 A hawmsem mi in mizawngte a an hawm ahi manin#Pn 11:25
amah thupha kipia a suak hi.#Tp 14:29
10 Misimmawhte hawlkhia lecin,
kiselna om loin, kitotna le ki-engkona bei ding hi.#Pn 26:20
11 Lungsim siang a itte le a kamsiamte in
kumpipa lawmin a nei ding hi.#Pn 16:13
12 TOPA mit in theihna vil gige a,
mi muanhuai lote kammalte ahileh a lawhsamsak hi.
13 Zongzawte in, "A pualam ah humpi om!"#Pn 26:13
ahikeh "Kongzing ah hong kithat kha inteh!" ci uh hi.
14 Angkawmnu kam in gum thukpi hi-a;#Pn 5:3-5
TOPA thangpaihna nuai-a om mi tua sungah a kia ding hi.
15 Naupang lungsim ah haina a lomin om a,
sekna ciangduai in tuate ama tung pan nawhkhiamang ding hi.
16 Hauh beh nadingin mizawngte a nengniamte le
mihaute letsong piate - a nih in a zawng ding hi.
Mipilte’ Thugente
17 Mipilte thugente thusim inla ngai in;
kong hilhte na lungsim ah kivawh in.#Pn 2:2
18 Na lungsim ah vom lecin na lungkim dinga,
na kama na zatpah ding ahi hi.
19 TOPA na muan theih nadingin
tuni-in nang mahmah kong hilh hi.
20 Keimah in nang adingin
thu kuppihna le theihna kamvui sawm thum c#22.21 Ahikeh a hilian in kigelh lo; ahikeh a hoih pen in kigelh lo,
21 nang hong sawlpa tungah
hoihtaka na dawn theih nadingin
tumaan le a muantak hong hilh in gelh khin hilo ka hi hiam?#Thn 12:10
22 Zawng tah ci-in mizawngte zawhthawhbawl kei inla,
thukhen zum ah a tasamte nopneh kei in.#Pk 23:6
23 Amaute tangin TOPA dinga,#Job 29:16
amau van a sutte ama’n a sut ding hi.#Est 8:1
24 Mi lungtomte lawmin nei kei inla,
a heh baihte tawh kikhawl kei in;
25 a gamtat zuikha-in
nangmah thang kisiah na suak ding hi.
26 Kiciamna-in na khut beng kei inla,
leiba lohsak dingin kiciam kei in;#Pn 6:1-5
27 a dit nading nei kei lecin na zat kimlai
na lupna kidokkhia ding hi.#Pn 11:15
28 Na pute phuhsa
tanglai kigisuangte khin kei in.#Tp 19:14
29 Nasep a siam mi na mu hiam?#1Ku 11:28
Kumpipa na sem dinga;
mi mawkmawk na a sem kei ding hi.
Currently Selected:
Paunakte 22: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission