Paunakte 2
2
Pilna hang Phattuamnate
1Ka tapa aw, ka kammalte na san a,#Pn 1:8
ka thupiakte na sungah na khol leh,
2 pilna lamah na bil ngatin,
na lungsimin theihtel na sawm leh,#Pr 22:7
3 thuthuk samin,
awngin theihtelna na sap leh,#Jas 1:5
4 ngun bangin na zon a,
a kisel gou bangin na zon leh,#Job 3:21
5 tua ciangin TOPA kihtakna na thei pan dinga,
Pasian theihna na mu ding hi.#Tp 4:6
6 Ahang in, TOPA in pilna pia-a,
a kam panin theihna le theihtelna a pusuak hi.#Job 9:4
7 Amah in a thutang mi adingin gualzawhna kholsak-a,
a kawkbaang lo-a kalsuan mi adingin lum ahi hi;#Pc 6:9
8 amah in thutangte gamtatna cinga,
ama tunga muanhuaite’ lampi a hu hi.#1Sa 2:9
9 Tua ciangin thumaan thutang le a kilawm
a kituak lampi hoih bang hiam cih na theitel ding hi.
10 Ahang in na lungsim ah pilna hong lut dinga,#Pn 14:33
na hinna in theihna nuam a sa ding hi.
11 Theihkakna in nang hong hu dinga,
theihtelna in nang hong cing ding hi.#Pn 4:6
12 Pilna in migilote lam pan,
thu lehgen mite pan,#Pn 4:5
13 lampi tang nusia a,
khuamial lampi a tawnte pan,#Pn 4:19
14 khialna bawl nuam sate le
gilo-a lehtatna-a lungkimte pan,
15 a lampi uh kawi-a,
a lampi un a lehkhemte panin nang hong honkhia ding hi.#Pn 21:8
16 Tua in, angkawmnu pan,#Pn 5:16
uklah zi zolsiamna kamte pan,
17 a neulawm nusia a, Pasian a#2.17 Ahikeh tuanu Pasian thukhun mai-a
a thuciam a thusim lo numei panin zong hong honkhia ding hi.
18 Ahang in, tuanu inn in sihna ah hong pi a,
a lampi in misite khate lam zuan hi.#Pn 5:5
19 Tuanu kianga paite kuamah kileh kik lo-in,
nuntakna lam a tawn kei uh hi.
20 Tua bangin mihoihte lampi na zui dinga,
a thumaante lampi na tawn ding hi.
21 Ahang in, thutangte leitungah teng dinga,#Ph 37:29
a kawkbaang lote, a teng den ding uh hi;
22 ahi zongin migilote leitung panin kibotkhia dinga,#Ph 5:4
a muanhuai lote a kibalsat ding hi.#Tp 28:36
Currently Selected:
Paunakte 2: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission