Paunakte 15
15
1Kamnem a dawnna in thangpaihna daisak a,#1Ku 12:7
kamkhauh in ahileh hehna sosak hi.
2 Mipilte leii in theihna phata,
mihaite kam in ahileh haina phulkhiasak hi.#Pn 25:15
3 Mun khempeuh ah TOPA mit om a,#2Kh 16:9
misia le mipha a encik hi.
4 A damsak thei leii nuntakna singkung hi-a,
a khem thei leii in ahileh lungsim a suzan hi.#Pn 12:18
5 Mihai in a pa sekna nial-a,
puahphatna a thusim mi ahileh pilvangna lak ahi hi.#Pn 10:17
6 A thumaan mi inn ah gou tampitak om a,
migilote sumtum in amaute lungkhamsak hi.#Pn 10:16
7 Mipilte muk in theihna thehzak a,#Pn 10:13
mihaite lungsim in a tua cih kei hi.
8 Migilote biakpiakna TOPA in kih a,#Ph 51:17
a thutang mite thungetna in amah lungkimsak hi.
9 Migilote zuih lampi TOPA in kih a,#Pn 6:16
thumaan a delhte a it hi.
10 Lampialte khauhtakin sek kul a,
puahphat a ut lote si ding hi.#Pn 1:31-32
11 Sihna le suksiatna b#15.11 Hebrew in Sheol le Abaddon, TOPA mai-ah kilangin om ahileh -
mihingte lungsim kilangzaw ngel ve!#1Sa 2:3
12 Mi simmawhpa in kipuahphat ding hehsan hi;
mipilte thu dong lo ding hi.
13 Lungsim-nopna in maitaisak a,
lungsim-natna in ahileh lungsim a suzan hi.#Pn 12:25
14 Theihkakna lungsim in theihna zonga,#Pn 18:15
mihaite kam ahileh haina-in kivak hi.
15 A kinengcipte nuntak hun sung gimna vive hi-a,
a lungtai mite pawi bawlbawl ahi hi.
16 Hauh mahmah a buai sangin
tawmkha nei a TOPA kihtak hoihzaw hi.#Ph 37:16-17
17 Kimuhdahpipi a bawngno vakthau sa nek sangin
ki-it diamdiam a anteh meh nek hoih zaw hi.#Pn 17:1
18 Lungtom mi in kiselna khangsak a,#Pn 6:6-19
lungduai mi in kitotna daisak hi.#Pc 13:8
19 Zongzawte lampi ling in khak a,
a thutangte lampi ahileh lam lianpi ahi hi.#Pn 22:5
20 Tapa pil in a pa lungnuamsak a,#Pn 10:1
mihai in ahileh a nu a thusim kei hi.
21 Thukhentel thei lo mi in hai nuamsa a,#Pn 2:14
thu theitel mi ahileh thutangin a gamta hi.
22 Kikupna om loin geelnate tangtung lo a,
thu kuppih tampi tawh tuate kizo zo hi.#Pn 11:14
23 Ahi liana dawnna in mite lungnuamsak hi -#Pn 12:14
a hun lian tawh kituaka kampau nak hoih sem ve!#Pn 25:11
24 Mipilte adingin nuntakna lampi paito a,
hankhuk c#15.24 Hebrew ah Sheol manawha paisuk nading panin a kem hi.
25 TOPA in kiphasakte inn phelkek a,
meigong numeite kigi bittakin kepsak hi.#Tp 19:14
26 TOPA in migilote ngaihsutna kih a,
lungsim siangthote aa ahileh lungkimpih hi.#Ph 18:26
27 A huaiham mi in a inn sung lungkhamsak a,
golhsum a mudah mi a nungta ding hi.#Pk 23:8
28 A thumaante lungtang in a dawn kik nading khingkhaikhai-a,
migilote kam panin ahileh thusia phulkhiakhia hi.
29 Migilote kiang panin TOPA gamla a,
ahi hangin a thumaante thungetna a za hi.#Job 15:31
30 Maitaisa-a etna in lungsim nuamsak a,
thuthak hoih in guhte damsak hi.#Pn 25:25
31 Nuntakna a pia taihilhna a ngaipa,
mipilte tawh kikhawl thei ding hi.#Pn 9:7-9
32 Sektatna a awlmawh lopa amah le amah kithusim lo hi-a,#Pn 1:7
kipuahphat a sawm mi ahi leh theihtelna ngah ahi hi.#Pn 12:1
33 TOPA kihtakna in pilna a#15.33 Ahikeh Pilna in TOPA hilh-a,
pahtawina ma-in kiniamkhiatna om masa hi.#Pn 16:18
Currently Selected:
Paunakte 15: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission