Luke 2
2
Jesu Suahna
1Tua hun laitakin Rome khuapi uk bupah mi a kisim nading Caesar Augustus in thukip a pia hi. 2 (Hih in Syria gama Quirinius gam-ukpa ahi zawh kisimna a khatveina ahi hi) 3 Tua hi-a mi khempeuh amau khuapi ciat ah minkhum dingin a pai uh hi.
4 Tua ciangin Joseph zong Galilee gam Nazareth khuapi panin Judea gamah pai-a David gui le suan ahi manin David khuapi Bethlehem ah a pai hi. 5 Kiteng dingin a dotsa nausuak kuan Mary tawh min khum dingin tua khua ah a paikhawm uh hi. 6 Tua lai-ah a om laitakun nausuah hun tunga, 7 amah a tacil suakin tapa ahi hi. Amah in puanza bekin tuna, zintun innah amau ading inndei awng lo ahi manin tua naungek gan ankuang sungah a sial hi.#Jn 7:42; Lk 1:27
Tuucingte le Vansawltakte
8 Tua nai-a lopaangte ah zan laitaka a tuute uh a vil tuucingte a om uh hi. 9 Amaute kiangah Topa vansawltak khat kilanga, amaute kimkotah Topa minthanna tangin a lau mahmah uh hi. 10 Ahi hangin vansawltak in amaute kiangah, "Lau kei un, mi khempeuh ading a lian mahmah lungdamna-thu note kong puak hi. 11 Tuni-in David khuapi ah note ading Honpa khat suak khin zo hi; amah Christ b#2.11 Ahikeh Messiah "Christ"(Greek) le "Messiah"(Hebrew) a nih in "Sathau Kinilh-Pa" cihna; tg.26 ah zong Topa ahi hi. 12 Note tungah hih lim ahi ding hi. Note in naungek khat puanzabek tawh kituna, gan ankuang sunga kisial na mu ding uh hi," a ci hi.
13 Thakhatin tua vansawltak tawh, vantung galkap hon tampitak kilang zuah uh a,
14 "A sang penna-a Pasian minthang henla,
leitunga ama angvan mite tungah lemna om ta hen."ci-in Pasian a phat uh hi.#Isa 9:6; Mic 5:5
15 Vansawltakte in amaute nusia in vantungah a ciahsan uh ciangin tuucingte in, "Bethlehem ah pai-in Topa hong gensa hih thupiang va en dih ni," ci-in khat le khat a kiho uh hi.
16 Tua ciangin amaute paikhia mengmeng uh a, Mary Joseph le gan ankuang sunga kisial naungek a mu uh hi. 17 Amaute in amah a muh khit uh ciangin hih naungek tawh kisai amaute kianga kigen thu a kizelsak kawikawi uh hi. 18 Tua hi-a tuucingte thugen a zate khempeuh in lamdang a sa uh hi. 19 Ahi hangin Mary in hih thute kemcing gige-in a lungtangah a ngaihsunsun hi. 20 Tuucingte ciah kik uh a, amaute tunga kigensa bang tektekin a zak uh le a muhte uh hangin Pasian phatin a minthangsak uh hi.#Lk 1:31
Biakinnpi-ah Jesu Ki-ap
21 A nigiatna ni, ama vun-at hun ciangin, amah a kipaii ma-a vansawltak phuahsa bangin a min Jesu a phuak uh hi.
22 Moses thukham tawh kizui-in amaute a kisiansuah ding hun a cin ciangin Joseph le Mary in Topa tunga ap dingin amah Jerusalem ah paipih uh a, 23 ("Tapasal masa peuhmah Topa tungah ap ding ah hi" c#2.23 Pk. 13:2, 12 ci-a Topa Thukham sunga kigelh bangin) 24 Topa Thukham sunga kigen tawh kizui-in "Vakhu kop khat ahikeh kawl vakhuno nih" d#2.24 Sp. 12:8 tawh biakpiakna a pia ding uh hi.
25 Tua hunlaitakin Jerusalem ah Simeon kici biakna hahkat mi thumaan khat a om hi. Amah, Israel-te kihehnemna ngakin a om hi-a ama tungah Khasiangtho a om hi. 26 Amah in Topa Christ a muh matengin a si kei ding hi, cih Khasiangtho in ama tungah a laaksa ahi hi. 27 Kha sawlna tawh amah biakinnpi tualah a pai hi. Thukham ngeina in a kalh banga a bawl dingin a nu le a pa-te in naupang Jesu a paipih uh ciangin, 28 Simeon in amah la-in tawi-a Pasian phatin:#Lk 1:6
29 "Thuneipipen Topa aw,
na kamciamsa bangin na nasempa tu-in lungnuamtakin khahkhia a#2.29 Ahikeh na kamciamsa / tu-in khahkhia ta in.
30 Ahang in, ka mitte in na hotkhiatna a mu zo hi,#Isa 40:5
31 tua pen mi khempeuh mitmuh ah na bawlkholhsa hi-a,
32 Gentile-te tunga kilaak nading
khuavak le na mi Israel-te minthan nading ahi hi," a ci hi.#Isa 42:6
33 Naupang nu le pa-te in amah tawh kisai-a thu kigente piandang a sa uh hi. 34 Tua ciangin Simeon in amaute thupha pia-a, a nu Mary kiangah, "Hih naungek in Israel gam sunga mi tampi a puk nading, a thawh nading le a kilanggenna lim dinga laitansa ahi hi. 35 Tua hi-a mi tampite lungtang ngaihsutna a pholak nading ahi hi. Tuateh nang hinna zong namsau in a sunlet ding hi," a ci hi.#Isa 8:14; Mt 12:46
36 Tua lai-in Asher beh pana Phanuel tanu Anna kici kamsang numei khat a om hi. Amah tek mahmah ta hi. A pasal tawh a kiten zawh kum sagih bek nungta khawm uh a, 37 amah kum sawm giat le li a phak dong a meigong hi. b#2.37 Ahikeh kum sawm giat le li sung a meigong hi Amah in biakinnpi nusia ngei lo-a, sun le zan-in Pasian bia a, antangin thu a ngen hi. 38 Tua hun lianin amaute kiangah tuanu pai-in Pasian tungah lungdam thu puakin Jerusalem kitatkhiat ding a lamente khempeuh tungah hih naupang thu a gen hi.#Isa 40:2; Ns 21:9
39 Joseph le Mary in Topa Thukham kalh khempeuh a bawl khit uh ciangin Galilee gam amau khua Nazareth khuapi ah a ciah kik uh hi. 40 Tua ciangin naupang khangto-a, a tha a hat hi; amah pilna tawh kidim a Pasian hehpihna a tungah a om hi.
Biakinnpi-ah Naupang Jesu
41 Kum simin a nu a pa-te Paisan Pawi sim dingin Jerusalem ah a pai uh hi. 42 Amah kum sawm-le-nih a phak ciangin a ngeina omsa tawh kizui-in Pawi sim dingin a pai uh hi. 43 Pawi ven khit a nu a pa-te a ciah kik laitakun Jerusalem ah naupang Jesu a tam lai hi. Ahi hangin amaute in tua thu a phawk kei uh hi. 44 Amah tawh a tonkhawmin kingaihsun uh ahi manin ni khat lam a pai khin ta uh hi. Tua ciangin a tanaute le a lawmte lakah amah a zong pan uh hi. 45 Amah a muh loh uh ciangin a zong dingin Jerusalem ah a kileh kik uh hi. 46 Ni thum khit ciangin amah biakinnpi tualte-a siate lakah tu-in amaute thugen ngai-a thu dongin a om laitak a tuak uh hi. 47 Ama teltheihna le a dawnnate a za mi khempeuh in lamdang mahmah a sa ciat uh hi. 48 A nu a pa-te in amah a muh uh ciangin lamdang a sa uh hi. A nu in ama kiangah, "Ka ta aw, bang hangin hih banga hong bawl na hi hiam? Na pa tawh lunghimawh in nang kong zongzong uh hi," a ci hi.
49 Amah in, "Bang hangin kei hong zong na hi uh hiam? Ka Pa inn-a a om ding mah ka hilam thei lo na hi uh hiam?" a ci hi. 50 Ahi hangin amaute in amau tunga a cihna thu a theitel zo kei uh hi.#Mk 9:32; Jn 2:16
51 Tua ciangin amaute tawh Nazareth ah paisuka, a thu uh a mang hi. Ahi hangin a nu in hih thute khempeuh a lungsim sungah a kemcing gige hi. 52 Jesu a pilna le a pumpi khanpha-in khanga Pasian le mite pahtakna a ngah hi.#Mt 2:23
Currently Selected:
Luke 2: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission