Luke 19
19
Siah Dong Zacchaeus
1Jericho ah Jesu luta kantanin a pai hi. 2 Tua lai-ah Zacchaeus min nei mi khat a om hi. Amah siah dong makai ahi manin a hau mahmah hi. 3 Amah in Jesu kua hiam, cih a mu nuam hi. Ahi hangin a tun tom mi hi-a mihonpite hangin a mu thei kei hi. 4 Tua ahi ciangin amah na matai a, Jesu in a tot nading lampi gei-a po theithek kung khatah a na kah hi.#1Ku 10:27; Lk 18:37
5 Tua munah Jesu a tun ciangin ento a, ama kiangah, "Zacchaeus aw, hong kum mengmeng in. Tuni-in na innah kong taam kul hi," a ci hi. 6 Tua ahi ciangin amah kumsuk pah a lungdam mahmah in a muak hi.
7 Mipite khempeuh in hih thu a muh uh ciangin, "Amah ‘mawhneipa’ inn ah zin tung dingin pai tazen hi," ci-in a phun uh hi.
8 Ahi hangin Zacchaeus dingto a Topa kiangah, "Topa, en in! Hih lai-ah tu mahmah in ka neihsa alang mizawngte ka pia hi. Mi khatpeuh khemin ama neihsa ka laksak leh a zah li-in ka din kik ding hi," a ci hi.#Sp 6:4,5
9 Jesu in ama kiangah, "Hih mipa zong Abraham tapa ahi manin tuni-in hih innsungah hotkhiatna a tung ta hi. 10 Ahang in, Mihing Tapa, a mangsate zong ding le honkhia dinga hong pai ahi hi," a ci hi.#Eze 34:12,16
Mina Sawm tawh Gentehna
11 Amah in Jerusalem naih ta a, mipite in Pasian gam a kilangpah dingin ngaihsun uh ahi manin amaute in Jesu thugen a ngaih laitakun amah in amaute kiangah gentehna khat gena, 12 "Kumpi za kipiasakin tua khit cianga hong ciah kik dingin nampi mi khat gamlapi gamah a zinkhia hi. 13 Tua ahi ciangin amah in a nasemte sawm sama, amaute mina b#19.13 Mina khat kha thum thaman zah sawm ciat pia in, ‘Kong ciah kik mateng hih sumte tawh summet na bawl un,’ ci hi.#Mk 13:34; Lk 17:20
14 "Ahi hangin gam mite in amah mudah uh a, ama kiangah, ‘Hih mipa ka kumpi dingun ka deih kei uh hi,’ ci-a gen dingin a nungah palaite a nungdelhsak uh hi.#Jn 1:11
15 "Ahi zongin amah kumpi suak veve a, tua khit ciangin innah a ciah kik hi. Tua ciangin sum a ap a nasemte in bangzah na metsak hiam, cih thei nuamin a nasemte a samsak hi.
16 "A khatna pa va pai a, ‘Pu aw, na mina khat in sawm a met hi,’ ci hi.
17 "A pu in, ‘A hoih ka nasempa aw, na hoih na sem hi! Thu neu mahmah khat tungah muanhuai na hi manin khuapi lian sawm na uk in,’ ci hi.#Pn 27:18
18 "A nihna pa va pai a, ‘Pu aw, na mina khat in nga a met hi,’ ci hi.
19 "A pu in, ‘Nang, khuapi lian nga na uk in,’ ci-in a dawng hi.
20 "Tua ciangin a nasem dang khat va pai-a, ‘Pu aw, hih lai-ah na mina a om hi; puanthem tawh tunin mun khatah ka koihcip hi. 21 Nang mi genhak na hi manin kong kihta hi. Na koih lohpi na lakhia a, na vawh lohpi na at hi,’ ci hi.
22 "A pu in, ‘Nang a tatsia nasempa aw, na thugente tawh kizui-in na tungah thu ka khen ding hi! Kei mi genhak hi-in, ka koih lohna ah lakhia in, ka vawh lohpi at ka hilam thei takpi na hi hiam? 23 Tua ahileh bang hangin kong ciah kik cianga ka sum a met tawh ka ngah kik theih nadingin ka sum, sumsinte na ap lo na hi hiam?’ ci hi.#2Sa 1:16
24 "Tua ciangin amah in a gei-a dingte kiangah, ‘Tuapa tung pan ama mina lakhia unla, mina sawm a neipa na pia un,’ ci hi.
25 "Amaute in, ‘Pu aw, amah’n mina sawm nei khin hi!’ ci uh hi.
26 "A pu in, ‘A nei khempeuh kipiak beh dinga, ahi hangin a nei lote tung pan a neihsun nangawn kilakkhiatsak ding hi. 27 Ahi hangin amau kumpi dinga hong deih lo ka galte hih lai-ah hong paipih unla, keima mai-ah that un,’ ci hi," a ci hi.#Mt 25:14-30
Gualzo-a Lutna
28 Jesu in hih thute a gen khit ciangin amah mapi-in Jerusalem zuanin a pai hi. 29 Olive Vum kici mual bul-a om Bethphage le Bethany a tun kuan uh ciangin a nungzuite nih a mapaisak hi. Amah in amaute kiangah, 30 "Na mai-ua khua ah pai le uh cin tua khua na lut uh ciangin kuama tuan ngei nai lohna laano khat a kikhih na mu ding uh hi. Sut unla hih lai-ah hong paipih un. 31 Mi khatpeuh in, ‘Bang hangin tua laano sut na hi uh hiam?’ ci-a hong dot leh, ‘Topa in deih hi,’ ci-un," ci-in a sawl hi.#Mk 10:32; Lk 9:51
32 Tua a sawlte pai uh a, ama gensa bang tektekin a mu uh hi. 33 Amaute in tua laano a sut laitakun a neipa in amaute kiangah, "Bang hangin tua laano sut na hi uh hiam?" ci-in a dong hi.#Lk 22:13
34 Amaute in, "Topa in deih hi ," ci-in a dawng uh hi.
35 Amaute in Jesu kiangah paipih uh a, tua laano tungah a puantualpite uh phahin a tungah Jesu a tuangsak uh hi. 36 Tua banga a pai laitakin mipite in a puantualpite uh lampi-ah a phah uh hi.#2Ku 9:13
37 Olive Vum zuatna lampi a tunsuk dektak uh ciangin a nunga zui mihon buppi in, amau muhsa nalamdangte hangin lungnuamtakin aw ngaihtak tawh Pasian phat uh a:
38 "Topa min-a hong pai kumpipa in thupha a ngah hi! a#19.38 Ph. 118:26
"Vantungah lemna om henla, a sang penna munah minthanna om ta hen!"ci-in a awng uh hi.#Lk 2:14
39 Mihonpite laka Pharisee-te pawlkhat in Jesu kiangah, "Sia aw, na nungzuite tai in!" a ci uh hi.#Mt 21:15,16
40 Amah in, "Ken kong geninah, amaute dai le uh suangte kiko ding uh hi," ci-in a dawng hi.#Hab 2:11
41 Jerusalem a tun kuan uh tua khuapi a muh ciangin amah in kah a, 42 "Nang, bang in kilemna hong puak ding cih tuni-in thei tapeuh lecin maw—ahi hangin lah tu-in tua thu na muh loh dingin kisel ta hi. 43 Na galte in nang hong do nading kulh bawlin a kimkot panin nang umcih in hong bumek ding hun hong tung ding hi. 44 Amaute in nang le na tate na khuapi kulh sungah leilak hong denna ding uh hi. Pasian in note hong veh hun na theih loh manun amaute in suang khat tungah suang dang khat beek a kithuapsa in a hawi kei ding uh hi," a ci hi.
Biakinnpi-ah Jesu
45 Tua ciangin amah biakinnpi huang sungah lutin vanzuakte a hawlkhia hi. 46 Amah in amaute kiangah," ‘Ka inn, thungetna inn kici ding hi,’ b#19.46 Isa. 56:7 ci-in kigelh hi. Ahi hangin note in, ‘misuamte kuapi’ na suaksak tazen uh hi," c#19.46 Jer. 7:11 a ci hi.
47 Amah in nisimin biakinnpi ah thu a hilh hi. Ahi hangin siampi makaite, thukham siate le mipite laka makaite in amah that dingin a hanciam uh hi. 48 Ahi zongin mipite in ama thugente pom uh ahi manin thah theih nading lampi a mu thei kei uh hi.
Currently Selected:
Luke 19: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission