Isaiah 60
60
Zion Minthanna
1"Na khuavak hong tung zo-a, tho inla tang in;#Eph 5:14
TOPA minthanna nang tungah hong suak ta hi.#Isa 4:5
2 En in, khuamial in leitung tuama,
khuamial sahpi in mite a tuam hi;#Col 1:13
ahi hangin nang tungah TOPA hong suakin
ama minthanna nang tungah kilang hi.
3 Minamte in na khuavak hong zuan ding uh a,#Isa 45:14; Kil 21:24
kumpite in na phalvak tangpha hong zuan ding uh hi.#Isa 49:23
4 "Dakto inla en kawikawi in:
A vekpi-un kikaikhawmin nang hong zuan uh hi;#Isa 11:12
gamlapi pan na tapate hong pai uh a,
na tanute ong khuttawi uh hi.
5 Tua ciangin enin na maitaang dinga#Pk 34:29
na lungtang kisai-in lungnuamin a khang ding hi;#Isa 35:2
tuipi tunga hauhnate na tungah hong kipuak dinga,#Tp 33:19
minamte hauhna in nang hong zuan ding hi.
6 Midian-te le Ephah-te kala-oh note,
kala-oh honte in na gam a tuam ding hi.#Pc 25:2,4
Kham le gim namtui pua-in
TOPA phatna tangko-in#Isa 42:10
Sheba a om khempeuh hong pai ding uh hi.
7 Kedar tuuhonte khempeuh nang kiangah hong kipuak dinga,#Pc 25:13
Nebaioth tuutalte in nang na semin,
ka biakna-tau ah biakna-in kisang dinga,
keimah in a minthangsa ka biakinnpi ka zem ding hi.#Hag 2:3,7,9
8 "Meii lakah leng a,
a bu zuan kawlvakhu tawh a kibang kuate ahi hiam?#Isa 49:21
9 Tuikulhte in kei lam hong en takpi uh a;
Tarshish a#60.9 Ahikeh sumbuk tembaw tembawpite in makaih hi;#Isa 2:16
amah in thupina nang hong pia khin ahi manin,
Israel-te Siangtho Pa na Pasian le TOPA
a pahtawi dingin a ngun a kham uh tawh#Ph 22:23
na tapate uh a gamlapi panin
hong puak ding hi.#Isa 55:5
10 "Gamdang mite in na kulhte uh ciang kik ding uh a,#Isa 14:1-2
a kumpite un na na uh sem ding uh hi.#Isa 49:23; Kil 21:24
Hehna-in nang kong sat hangin,
kong angvanna-in ka khuatuahna kong lak hi.#Isa 54:8
11 Mite in minamte hauhna hong puak theih nading -
a kumpite un makaihin a gualzawhna tawh a gualguala hong lut nadingun#Ph 149:8
na kongpite uh honsa-in om den dinga,#Isa 62:10; Kil 21:25
sun le zanin a kikhak ngei kei ding hi.
12 Ahang in, nang na a sem lo minam ahikeh kumpi-gam peuhmah mangthang dinga;
a kisiamang ding hi.#Isa 14:2
13 "Lebanon minthanna - taksing,#Isa 35:2
hiangpa sing le taksan singte khempeuh,#Isa 41:19
ka mun siangtho a kilawmsak dingin na kiangah hong tung dinga;
ka khepek ngakna mun ka minthangsak ding hi.#1Kh 28:2; Ph 132:7
14 Nang hong nengniamte’ tapate na mai-ah kunsa-in hong pai ding uh a;#Isa 14:2
nang hong simmawhte khempeuh
na khephungah bokin TOPA khuapi,#Isa 1:26
Israel-te’ Siangtho Pa’ Zion hong ci ding uh hi.#Heb 12:22
15 "Hong kimudahin hong kinusia a,
kuamah in khualzinna-in hong tot loh hangin#Isa 33:8
a kisathei den le#Isa 4:2
khang tawntunga nuamsa-in kong bawl ding hi.#Isa 65:18
16 Minamte’ nawi na dawn ding uh a,
kumpi nawitui-in na kivak ding uh hi.#Isa 49:23; 66:11-12
Tua ciangin TOPA keimah note Honpa note Tanpa,
Jacob Thahatpen Pa ka hilam nong thei ding uh hi.#Isa 59:20
17 Sumngo tangin kham,
sik munah ngun kong puak ding hi.
Sing tangin sumngo,
suang munah sik kong puak ding hi.
Na gam-ukpa uh lemna ka suaksak dinga,#Ph 85:8; Isa 66:12
na ukpa uh thumaanna ka suaksak ding hi.
18 Na gam sungah ngongtatna kiza nawn lo dinga,
na gamgite ah siatna le suksiatna om loin,
na kulhte Hotkhiatna ci-in,#Isa 26:1
na kongpite Phatna na ci ding hi.#Isa 61:11
19 TOPA pen a tawntunga na khuavak hi-in,#Kil 22:5
Na Pasian, na minthanna hi ding ahi manin,#Zec 2:5; Kil 21:23
sunin na khuavak ni hi nawn lo dinga,
khapi tanna in nang hong tan nawn kei ding hi;
20 Na ni tum kik ngei nawn lo dinga,
na khapi a mang nawn kei ding hi;
TOPA na khuavak hi tawntung dinga,
na dahna nite a bei ding hi.#Isa 35:10
21 Tua ciangin na mite khempeuh thumaan ta ding uh a,#Kil 21:27
amaute in tua gam a nei den ding uh hi.#Ph 37:11,22
Ka thupina a kilat nadingin,#Isa 52:1
amaute ka khuta ka sep
ka suansa pana selte hi ding uh hi.#Mt 15:13
22 Note a tawmpen tul khat na pha ding uh a,
a neu penpen minam thahat na suak ding uh hi.
Keimah TOPA ka hi hi;
a hun ciangin hih thu manlangtakin ka sem ding hi," a ci hi.#Isa 5:19
Currently Selected:
Isaiah 60: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission