Isaiah 54
54
Mailama Zion Minthan Nading
1"Tasel numei,
ta a nei ngei lo nu aw, la sa in;
nau suah nat a thuak ngei lo nu aw,
la sakhia-in lungdamin awng in.#Isa 66:7
Bang hang hiam cih leh pasal nei numei’ tate sangin
a kinusia numei tate a tamzaw hi,"#Gal 4:27
TOPA in a ci hi.
2 "Na puanbuk mun khan in,
na puanbuk zapi in zal inla
khiam kik nawn kei in;
na khaute sausak inla,
na khetphimte kipsak in.
3 Ahang in, veilam le taklam ah na kiphalh dinga;
nangma suante in minamte suankhia in,
a kilawi khuapite ah a teng ding uh hi.#Isa 49:19
4 "Kihta kei un; na maizum kei ding uh hi.#Isa 28:16
Na zahlak khak ding uh lau kei un; hong kimaizumsak lo ding hi.
Na khangmoi lai-a na maizumna na mangngilh dinga,#Jer 2:2
na meigon lai-a mawhsaknate na phawk kha nawn kei ding hi.#Isa 51:7
5 Ahang in, nang hong Bawlpa na pasal hi a -#Jer 3:14
ama min Thahatpen TOPA ahi hi -
Israel-te Siangtho Pa nang hong Tanpa hi a;#Isa 48:17
amah leitung khempeuh’ Pasian kici hi.#Isa 6:3
6 A kimasa zi,
a lungsim a dong ngeungau bang -#Isa 62:4,12
a kima lel dinga khangmoi lai pi-a kitenpih zi bangin,
TOPA in nang hong sam kik ding hi," na Pasian in ci hi.
7 "Tomkha sung nang kong nusia a,#Isa 26:20
ahi hangin hong khuatuah lua-in kong la kik ding hi.
8 Heh lua-in#Isa 60:10
tomno sung kong lehngatsan a,#Isa 1:15
ahi hangin tawntung migitna-in
nang kong khuatuah ding hi,"#Ph 102:13; Isa 14:1
nang hong Tanpa TOPA in ci hi.
9 "Hih in kei adingin, Noah tuite in leitung a tuam nawn kei ding hi,
ci a ka kiciam Noah hun lai a bang ding hi.
Tua bangin tu-in nang tungah a heh lo dingin ka kiciam khina,#Isa 12:1
nang kong tai kik nawn kei ding hi.
10 Mualliante kilokin
mualneute kikhin taleh,#Ph 46:2; Kil 6:14
nang kong itna kip kiling lo dinga,
ka lemna thukhun zong a kikhin kei ding hi,"#Ph 89:34;Isa 42:6
nang hong khuatuah TOPA in ci hi.#tg 8
11 "Huihpite in nawkgawpa a kihehnem lo khuapi aw,#Isa 14:32; 28:2
turquoise a#54.11 Hih kammal Hebrew in a khiatna kician lo hi. suangin kong lam dinga#1Kh 29:2
na bulpi sapphire b#54.11 Ahikeh lapis lazuli in ka lam ding hi.#Isa 28:16
12 Na kulh dawnvang Ruby ka hisak dinga
na kongpite a tee daldal Jewel hisakin na kulh khempeuh
suang manpha ka hisak ding hi.
13 Na tapate khempeuh TOPA in hilh dinga,#Jn 6:45*; Heb 8:11
na tate lungnopna lian mahmah ding hi.#Isa 48:18
14 Thumaanna-in nang hong kikipsak dinga,#Isa 26:2
ukcipna tawh na kigamla ding hi;
bangmah na kihta kei ding hi.#Zep 3:15
Gamlapi ah launa kikhinkhia dinga,
nang kiang hong tung kei ding hi.
15 Khatpeuh in nang hong sim leh, kei sep ahi kei ding hi;
nang hong sim peuhpeuh nang tungah hong kipumpiak ding uh hi.
16 "En in, meihol zaapkuang a,
a kizat nading muna hiam a suah sikseekpa#Isa 44:12, 10:5
keima piansak ahi hi.
A siasak dingin a susiapa a piangsak keimah ka hi hi;#Isa 13:5
17 Nang do nadingin hiam a seek peuhmah mavang lo dinga,#Isa 29:8
nang hong mawhsak leii peuhmah na zothal ding hi.
Hih in TOPA nasemte luah hi dinga,
hih in kei pana amau luah thumaanna hi ding hi,"#Ph 17:2
TOPA in cikhia hi.
Currently Selected:
Isaiah 54: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission