Isaiah 46
46
Babylon’ Pasiante
1Bel kunsuk a, Nebo a kulsuk hi;#Isa 21:9; Jer 50:2
amau milimte vangik a#46.1 Ahikeh gamsate le ganhonte in pua ganhingte in a pua hi.
A kipua milimte vangik mahmah a,
a gimte’ vangik a suak hi.#1Sa 5:2
2 Amaute kulsukin kunsuk uh a
amau le amau kivanzangsak thei loin
galmat a suak dingin a paikhia uh hi.#Thk 18:17-18
3 "No Jacob innkuante,#tg 12; Isa 48:12
hong kipaii a kipan kong don a,
na suahua kipan kong puak no a omlai#Ph 22:10
Israel innkuante khempeuh aw, ka thu ngai un.#Isa 1:9
4 Tekin na sam kan dong nangawn keimah in amah ka hi a,#Ph 71:18
nang hong pom dingpa ka hi hi.#Isa 43:13
Nang kong bawl khina kong pua ding hi;
hong pomin kong hu ding hi.#Ph 18:35
5 "Nang in kei kua tawh hong tehin ahikeh a kikimin hong seh na hi hiam?
Nong tehkak theih dingin kua tawh a kibangin hong seh na hi hiam?#Isa 40:18,25
6 Pawlkhatte in ipte sung pan
kham sungkhia-in a tehna ah ngun teh uh a,
kham seekpa cialin pasianin bawlsak uh a,#Isa 40:19
a mai-ah kunin a bia uh hi.#Isa 44:17
7 A liangko-uah kisuanto-in pua uh hi;#tg 1
a omna munah koih uh a tua lai-ah a kitung hi.
Tua mun panin a tangkhia thei kei hi.
Khatpeuh in a sap hangin tua in dawng lo a;#1Ku 18:26
a haksatna panin a hon thei kei hi.#Isa 44:17; 45:20
8 "No a lehdote aw hih thu ciamteh un,
na lungsimuah belhsak unla na lungtanguah giaksak un.
9 Sawtpek lai-a a piangsa nate phawk un;#Tp 32:7
keimah Pasian ka hi a, adang a om kei hi;#Isa 45:5,21
keimah Pasian ka hi a, kei tawh kibang khat beek a om kei hi.
10 A kipat cil pan a tawpna dong ka gen khola,
tanglai huna kipan hong tung lai dingte ka genkhol hi.#Isa 45:21
Keimah in: Ka ngimna kip dinga,
ka lungkimna khempeuh ka sem ding hi, ka ci hi.
11 Nisuahna panin sasial ne vasa khat ka sam a,
a gamlapi panin ka ngimna a tangtungsak ding mi khat ka sam hi.
Ka gen khitsa ka piangkhiasak dinga;
ka ngimsa ka sem ding hi.#Isa 25:1; Jer 44:28
12 No lungsim khauhte thumaanna tawh kigamlate aw,#Jer 2:5
ka thugen ngai un.#tg 3
13 Ka thumaanna note kiang nai-ah kong puak hi,
gamlapi-ah a om kei hi;
ka hotkhiatna a ziakai nawn kei ding hi.#Ph 85:9
Hotkhiatna Zion tungah,
ka thupina Israel tungah ka pia ding hi.#Isa 44:23
Currently Selected:
Isaiah 46: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission