Isaiah 34
34
Minamte Tungah Thukhenna
1No minamte aw, hong naih unla ngai dih un;
no mihingte aw, limtakin ngai un!
Leitung le a sunga om khempeuh,#Ph 49:1
lei pumpi le a sunga piang khempeuh zasak un;#Tp 32:1
2 Minamte khempeuh tungah TOPA heh hi;
amaute’ galkapte khempeuh tungah thangpai hi.
Amah in amaute susia khin kiuhkeuh d#34.2 Hebrew lai-ah TOPA dinga;
amaute thah dingin pia ding hi.#Isa 30:25
3 A kithat amau mite kilawnkhia dinga,
a misiluangte uh a uihto lualua ding hi.#Joel 2:20
Mual liante amau sisanin kawt khin pikpek ding hi.
4 Vante a aksite khempeuh kia dinga#Isa 13:13
laizial bangin vanpi a kizial ding hi;#Eze 32:7-8
Lenggui pana a tehvul a pulh bang le
theikung pana a gahvuai a pulh bangin
aksi honpi khempeuh kia ding hi.#Isa 15:6; Mt 21:19
5 Ka namsau in vante ah dawnin kham khin a;#Jer 46:10
en un, a mite ka siatsak kiuhkeuhsa Edom ah
thukhenin a tuaksuk hi.#Am 1:11-12, Mal 1:4; Isa 24:6
6 TOPA namsau sisan ah kidiahin,#Tp 32:41
tuunote le keelte sisan le
tuutal kalte pana
a thaute in a kituam hi.
Ahang in, TOPA in Bozrah ah kithoihna khat nei a,#Pc 36:33
Edom ah kithahna lianpi a om hi.#Isa 30:25
7 Gam bawngtalte, bawngtalnote le
bawngtal lianpite amau tawh a pukkhawm ding hi.#Ph 68:30
Amaute leitang sisanin kawt dimdem dinga
sathau in leivuite a tawtkim ding hi.
8 Ahang in, TOPA in Zion mawhsakte a thuksak ding,
dan a tuahsak ding kum khat, a phu lak ding ni khat a nei hi.#Isa 63:4
9 Edom luite kultar suak dinga,
a leivuite kaat kuanglai suakin;
a leitang kultar kuang a suak ding hi.
10 Sun le zanin mit lo dinga
a khu tawntung ding hi.
Khang khat pan khang khat dongin gam simtham suak dinga khat beek in
a tawnkha nawn kei ding hi.
11 Sehnel-gam simbu a#34.11 Hih vasate a cihnopna lian kician lo hi. le simbupi b#34.11 Hih vasate a cihnopna lian kician lo hi. te in a tang ding uh hi.
Simbu liante c#34.11 Hih vasate a cihnopna lian kician lo hi. le va-akte in
tua lai-ah bu a tom ding uh hi.
Pasian in Edom tungah a siatna khausai le
a hawmsuakna saval a khaisuk ding hi.#2Ku 21:13; Ta 2:8
12 Kumpi gam a kicih theih nadingin a uliante in bangmah nei lo ding uh a,
a kumpi tapate uh a mangthang khin ding hi.#Isa 41:11-12, Jer 27:20
13 Amualbote thangling in tuum dinga
a kulh muanhuaite lakhai le lingvom in a tuum ding hi.#Isa 13:22; 32:13
Tua mun, ngiate anzonna mun suak dinga,
simbute’ bu suak ding hi.#Ph 44:19; Jer 9:11
14 Sehnel gam ganhingte le ngiate kisutuahin
sathakte khat le khat a kizawn ding uh hi;#Isa 13:22
tua lai-ah zana gamta ganhingte zong giak ding uh a,#Kil 18:2
a khawlmun ding uh a zong ding uh hi.
15 Simbupi in bu tomin tui dinga,
keuhsakin a note a kha liim nuai-ah a kem ding hi.
Musite zong tua lai-ah
a nupa kopin a omkhawm ding uh hi.#Tp 14:13
16 TOPA laizial sung en inla sim in:#Isa 30:8
Hihte khat beek kimansuah lo dinga
lawmsam khat beek a om kei ding hi.
Ahang in, ama kama a thupiaksa hi a,
a Kha in amaute a kaikhawm ding hi.#Isa 1:20
17 Amah in a tanh ding uh a sehsak ding hi;#Isa 17:14
ama khutin amau tanh ding ciat a hawmsak ding hi.
Amaute in nei tawntung ding uh a,
tua lai-ah khang khat khit khang khat a teng den ding uh hi.
Currently Selected:
Isaiah 34: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission