YouVersion Logo
Search Icon

Isaiah 24

24
TOPA in Leitung A Suksiatna
1En un, TOPA in leitung, gamtul suaksakin a beisak ding hi;
leimaitang susia in
a sunga tengte
thehthang dinga -
2 mi mawkmawkte le siampite,
nasempa le a pu,
naucingnu le a pi,
a leipa le a zuakpa,#Eze 7:12
a kawmpa le a kawmnapa,
a leitawipa le a leitawinapa,
a kibang ding hi.
3 Leitung kisia kiuhkeuh dinga
a kisusiamang ding hi.
Hih thu TOPA gensa ahi hi.
4 Leitung vulin keucip a,
leitung thanemin vulgawp a,
leitunga kitawisangte a thanem uh hi.#Isa 2:12
5 Leitung, a mite in ninsak a,#Pc 3:17; Ms 35:33
amaute in thukham mang loin#Isa 10:6; 59:12
ngeina-kipte zui lo uh a,
tawntung thukhun a palsat uh hi.
6 Tua ahi ciangin hamsiatna in leitung kangtuma
a tunga tengte in amau khialhna a thuak pelmawh ding uh hi.
Tua ahi ciangin leitunga tengte kangtum uh a,#Isa 1:31
tawmno bek a om lai hi.
7 Zuthakte keucip in lenggui a vul hi;#Joel 1:10-12
a gualnuam khempeuh a tau uh hi.
8 Gualnopna khuanggingte dai khipkhep a,#Isa 5:12
nopsakna gamlumna bei-in#Hos 2:11
harp tawh lungnuam a lasakna lah a dai dide hi.
9 Amaute in zu dawn kawmin la sa nawn lo uh a,#Isa 5:11,22
a zucil dawnte uh khazaw a sa uh hi.#Isa 5:20
10 Khuapi kisiasa a hawmin om a,
inn sima kongvangte a kikalh bikbek hi.
11 Zu duhin lamdungah kiko uh a;
lungnopna khempeuh lungzinna suakin
gualnopna khempeuh leitung panin a kinawhmang hi.
12 Khuapi a siasa in kinusia a,#Isa 19:18
a kongpite a kikhawhkham zangawp hi.
13 Olive kung a kisat khit ciang le
lenggah lak khita asangh a kinusiat bangin#Isa 16:6
leitung le minamte tungah
a kihih ding hi.
14 Amaute lungdamin kiko ding uh a, a aw uh a sangsak ding uh hi;#Isa 12:6
nitumna lam pan TOPA thupina a thangsak ding uh hi.
15 Tua ahi ciangin tuipi tuikulhte a nisuahna lam mite in;
TOPA min thangsakin;#Isa 66:19
TOPA Israel-te Pasian min a tawisang ding uh hi.#Mal 1:11
16 Leimongte panin:
"Thuman Pa minthang ta hen,"#Isa 28:5
ci-a la kisa eite in i za hi.#Ph 48:10; 65:8
Ahi hangin, "Beimang ta’ng ei! Bei mang ta’ng ei!
Gimna hong tung ei!
Mi khemte in hong lehkhem ei!
Mi khemte in khemna tawh hong lehkhem uh ei!" ka ci hi.
17 Leitung mite aw,#Lk 21:35
launa gum le thang in note hong ngak hi.#Jer 48:43
18 Launa aw za-a a tai peuhmah#Job 20:24
gum sungah kia ding uh a;
gum sung pan a kahkhia to peuhmah
thangah a awk ding uh hi.
Vante-a tui kongpite kihong a,#Pc 7:11
leitung bulpi a kilok hi#Ph 18:7
19 Leitung khangkhamin
a themthemin kikhen dinga,
nakpipi in a kising ding hi.
20 Zukham bangin leitung hoi dinga#Isa 19:14
huihpi mut bukno bangin suk-awn to-awn ding hi;
a lehdo mite mawhna gikpi in nen tukin -#Isa 1:2,28; 43:27
a tho kik ngei nawn kei ding hi.#Ph 46:2
21 Tua ni ciangin TOPA in
tunga vante a vangliatna le
nuai-a leitunga kumpite dan a thuaksak ding hi.#Isa 10:12, 2:12
22 Thongkiate dumpi sungah a kigawmkhawm bangin
amaute kikhum khawm dinga,#Isa 10:4; 42:7,22
thong sungah kikalhnelhin ni tampi khit ciangin
dan a#24.22 Ahikeh khahkhia a kithuaksak ding hi.#Eze 38:8
23 Thahatpen TOPA in Zion Vum le
Jerusalem panin a upate mai-ah#Heb 12:22
thupi takin uk ding ahi manin khapi mial dinga,#Kil 22:5
ni a maizum ding hi.#Isa 13:10

Currently Selected:

Isaiah 24: ZIV

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy