Hebrews 8
8
Thukhun Thak Tulpi
1I thu gen, hih ahi hi; vantung ah Thupina kumpi tokhom taklam-a tu tua bang tulpi i nei a, 2 amah mihing bawl ahi lo, Topa bawl biakbuk taktaka munsiangtho-a sempa ahi hi.
3 Tulpi peuhmah biakpiakna le letsongte pia dinga kiseh ahi hi; tua ahi ciangin hih pa in zong piak ding na khat a neih ding kisam hi. 4 Thukham in a kalh letsongte a pia ding mi na om zo a hi manin, amah leitunga om hileh siampi a hi kei ding hi. 5 Amaute in munsiangtho khat sungah na sem uh a tua pen vantunga om pen liim leh kibatpih ahi hi. Hih thu hangin Moses in biakbuk lam dinga a kipat ciangin, "Mual tunga nang hong kilaksa bangin na khempeuh na bawl ding thei in," c#8.5 Pk. 25:40 ci-in a vauhilh hi. 6 Ahi hangin Jesu hong palaina thukhun bel, thukhun lui sanga thupizaw hoihzaw kamciamte tunga kibulphuh ahi manin amaute nasepna sangin Jesu nasepna a thupizaw hi.#Heb 2:17; 9:14
7 Ahang in, a masa pen thukhun a khialhna khat beek om lo hileh thukhun dang ading mun a kizong kei ding hi. 8 Ahi hangin Pasian in tua mite mawhsak nading mu a, d#8.8 Khutgelh pawlkhatah khialna le mite tung gen ci-in kilet thei#Heb 7:11
"Israel innkuante le
Judah innkuante tawh
thukhun thak ka bawl hun hong tung ding hi,#Lk 22:20
Topa in cikhia hi.
9 A pu a pa-te a khut uah lenin
Egypt pana ka paikhiatpih lai-in
amaute tawh ka thukhun bang ahi kei ding hi;#Pk 19:5-6
bang hang hiam cih leh ka thukhun ah
amaute muanhuai tawntung lo uh a,
amaute ka nungngatsan ta hi,
Topa in cikhia hi.
10 Hih in Israel innkuante tawh,
tua hun khit cianga ka thukhun ding ahi hi, Topa in cikhia hi.
Ka thukhamte amaute lungsim ah ka guang dinga,
amau lungtang tungah ka gelh ding hi.#2Co 3:3
Amaute Pasian ka hi dinga,
amaute ka mite ahi ding uh hi.
11 Kuamah in a vengte ahikeh ama sanggampa tungah hilhin,
‘Topa thei in,’ cih a kul nawn kei ding hi;
bang hang hiam cih leh amaute khempeuh in
a neu pen pan a lian pen dongin kei hong thei ta ding uh hi.#Isa 54:13
12 Ahang in, amaute gitlohna ka maisak dinga,
a mawhnate uh ka ciamteh nawn kei ding hi," e#8.12 Jer. 31:31-34 ci khin hi.
13 Hih thukhun "athak" cihna in thukhun a masa zatmawh a suaksak hi, zatmawh a suaksa a lui pen a mangthang pah ding hi.#2Co 5:17
Currently Selected:
Hebrews 8: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission