Ezekiel 33
33
Galvilpa Ezekiel
1TOPA thu kei tungah hong tunga: 2 "Mihing tapa aw, na gammite hopih inla - amaute kiangah, ‘Gam khat a sim dingin namsau ka kuansak ciangin tua gam mite in amau mi khat galvil dingin a teel uh a, 3 amah in tua gam sim dinga kuan namsau a muh ciangin a gam mite vauhilhna-in pengkul mutin 4 a kuamahpeuh in za napi a kiginkholh kei a, namsau in a sih leh ama sisan a lutung ah tu ding hi. 5 Pengkul kimut za napi amah kigingkhol lo ahi manin ama sisan ama tunga tu ahi hi. Amah a na kiginkholh leh amah le amah kihon ahi hi. 6 Ahi hangin galvilpa in namsau hong kuan mu napi-in mite vauhilhna pengkul a mut kei a, amaute lakah khatpeuh nuntakna a bei leh tua mipa ama mawhna hangin kipuakhiamang dinga ahi zongin ama sisan galvilpa tungah ka siik ding hi.#Zec 1:4
7 "Mihing tapa aw, Israel adingin nang galvil kong suaksak hi; tua ahi ciangin ka thugen za inla amaute ka vauhilhna gen in. 8 Mi gilo khat tungah, ‘Migilopa aw, na si taktak ding hi,’ ka cih a, a gitloh nawn loh nadingin zola na gen keileh tua gilopa amawhna hangin a#32.8 Ahikeh sungah tg. 9 ah zong si dinga ama sisan nang tungah kong siik ding hi. 9 Ahi zongin tua gilopa a kikhel nadingin na vauhilh a, hong man nop keileh a mawhna hangin amah si dinga ahi hangin nang le nang na kihonkhia ding hi.#Ph 7:12; Isa 52:8
10 "Mihing tapa aw, Israel innkuante tungah, ‘Hih thu gen in. "Ka mawhnate uh le ka tatkhialhnate un hong nengcip a, tuate hangin b#32.10 Ahikeh sungah ka hingkiam ta uh hi. Bangci nuntak thei ding ka hi uh hiam?’ na ci uh hi," ci-in gen in. 11 Amaute tungah, "Thupipen TOPA in, ‘Ka nuntakna ka lo hi, migilo khat sihna ah ka lungdam kei a ahi hangin kikhela a nuntak ding ka deihzaw hi. Kihei in! Na gamtatna hoih lote lehngatsan in! Israel innkuan aw, bang hangin si zenzen ding na hi hiam?’ ci hi.#Sp 26:16; Ta 3:33
12 "Tua ahi ciangin mihing tapa aw, na gam mite uh tungah, ‘a thumaan mi in thu a man’ keileh ama thumaanna in amah a hon kei ding hi; migilo khat a gitlohna pan a kikhel leh ama gitlohna in amah a puksak kei ding hi. Thumaan mi khat a mawh leh ama thumaannasa hangin a nungta tuan kei hi. 13 A thumaan mi khat a nungta taktak ding hi, ka cih hangin amah in a thumaanna muangin a git kei leh a hihsa thumaanna khat beek a kiphawksak kei ding hi; a gamtatnasa gitlohna hangin amah a si ding hi. 14 Tua ciangin keimah in migilopa tungah, ‘Na si taktak ding hi,’ ka cih a, ahi hangin amah in a mawhna lehngatsanin thumaan thutangin a gamtat leh - 15 amah in a leitawipa tungah a laksa khapna ante a piak kik a, a guksate pia kikin, nuntakna a tun thukipte a zuih a, a gitloh gamtat nawn kei leh, a nungta taktak ding hi; amah si lo ding hi.#1Kh 7:14; Jer 50:20 16 A bawlsa mawhnate khat beek a kiciamtehsak kei ding hi. Amah thumaan thutang a gamta ahi hi; a nungta taktak ding hi.
17 Tua hi napi na gam mite in. ‘Topa hihzia a thutang kei hi ci uh hi. Ahi hangin a thutang lo amau hihzia hi zaw hi. 18 A thumaan mi khat thumaan loin a gamtat leh tua hangin si ding hi. 19 Tuateh migilo khat in a gitlohna lehngatsanin thumaan thutangin a gamtat leh tua banga a gamtat manin a nungta ding hi. 20 Tua hi napi Israel innkuante aw, ‘Topa hihzia a thutang kei hi,’ na ci uh hi. Ahi hangin note tungah na hihzia bang ciatun thu kong khen ding hi," hong ci hi.#Jer 18:10
Jerusalem Pukna Thu
21 I saltan zawh a kum sawm le nihna, a kha sawmna a ninga ni-in Jerusalem pan a suakta mi khat kei kiangah hong pai hi. Amah in, "Khuapi puk ta!" hong ci hi. 22 Tua mipa hong tunma a nitak in TOPA thu ka tungah hong kinga a; a zingsang ciangin amah in ka kiangah hong pai mipa mai-ah ka kam hong honsak hi. Tua ciangin ka kam kihong a tua-a kipan ka dai nawn kei hi.#Lk 1:64
23 Tua ciangin TOPA thu kei tungah hong tunga: 24 "Mihing tapa aw, a kisiasa Israel gama teng mite in, ‘Abraham khat bekbek hi napi hih leitang ama aa ahi hi. Ahi hangin eite tampi i hi hi. Eite tanh dingin hong kipia taktak hi,’ ci uh hi. 25 Tua ahi ciangin amaute kiangah, ‘Hih in Thupipen TOPA gen ahi hi: Sa sungah sisan om laipi ne-in, na milimte uh enin sisan na luansak nungsangun gam nei ding na hi uh hiam? 26 Na namsau uh na suang uh a, a kihhuai-in gamta-in na vengte uh zite na buansak uh hi. A tuacipi mah in gam neih sawm na hi uh hiam?’ ci in.#Eze 36:4
27 "Amaute kiangah hih thu gen in: ‘Hih in Thupipen TOPA gen ahi hi: Ka nuntakna ka lo hi, a kisiasa gam sunga a kinusiate namsau in a puk ding uh hi; khuaneu-a omte gamsa gilote nek dingin ka pia dinga, suanghawm sung le kulh muanhuai sunga omte pulpi in a si ding uh hi. 28 Keimah in a gam uh kimanna a nei lo gamkhing ka suaksak dinga, a kisaktheihpih uh thahatna bei-in Israel mualte kuamah in a kantan loh nadingin gamkhing a suak ding hi. 29 Amaute in a kihhuai na khempeuh a sep manun a gam uh gamkhing ka suahsak ciangin amaute in keimah TOPA ka hilam hong thei ding uh hi,’ ci hi.#1Sa 13:6
30 "Mihing tapa aw, nang tawh kisai-in kawm phung le inn kongkhakte ah na gam mite khat le khat nang thu kikum uh a, ‘Hong pai-in TOPA kiang pana hong tung thu za un,’ kici uh hi. 31 Ka mite a ngeina bangin na kiangah hong pai uh a, na thugen ngai-in na mai-ah tu uh hi; ahi hangin na gen bangin gamta lo uh hi. Amaute a kam-un ki-ap uh a, ahi hangin amaan lo-a ngah nadingin a huaiham uh hi. 32 Amaute adingin nang, aw khum mahmah in zawllate sa a, aw kihual mahmah in tumtheih a tumpa sangin na kiman zawkna a om kei hi; ahang in, na kammalte za napi na gen bangin a gamta kei uh hi.#1Ku 4:32; Eze 8:1
33 "Hihte khempeuh tunga - amaan takpi ciangin - amaute in amaute lakah kamsang khat om zo ahilam a thei ding uh hi.#1Sa 3:20
Currently Selected:
Ezekiel 33: ZIV
Highlight
Copy
Compare
Share
Want to have your highlights saved across all your devices? Sign up or sign in
Copyright 1994 Myanmar Center for World Mission
