Nasepte 2
2
Pentecost ah Khasiangtho Tung
1Pentecost ni a tun ciangin amaute a vekpi un mun khatah a om khawm uh hi. 2 Van pan thakhatin huihpi nung ging bangin ging a, amaute tutna inn sung khempeuh a dim hi. 3 Amaute in meileiite hileh a kilawm amah le amah kikhenin amaute tung tekah a khawl ciat a mu uh hi. 4 Amaute khempeuh Khasiangtho tawh kidim uh a, Kha hihsak theih bang, kam dangte c#2.4 Ahikeh paute; tg.11 ah zong in a pau uh hi.#Sp 23:15; Lk 1:15
5 Tua lai-in van nuai-a minam khempeuh panin a pai Pasian kihta Jew-te, Jerusalem ah a tam lai uh hi. 6 Amaute in hih awging a zak uh ciangin mi hon khat lungmangin va kikhawm uh hi. Ahang in, amaute thugente amau pau ciatin a za uh hi. 7 Amaute in lamdang sa lua mahmah uh a, "Hih mite a vekpi-un Galilee-te pau-a pau mi hi lo uh ahi hiam? 8 Tua hi napi eite in amaute pau, ei pianpih pau tekin i zak theih bangci dan hiam? 9 Parthia-te Media-te Elam-te;Mesopotamia le, Judea le Cappadocia, Pontus le Asia, 10 Phrygia, le Pamphylia, Egypt le Cyrene kianga Libya gam khente a tengte; Rome pana a hawhte, 11 (Jew-te le Jew biakna a zuite tawh); Cret-te le Arab-te - eite khempeuh in, amaute in Pasian nalamdang bawlte a gen uh ei pau ciatin lah i za mawk a!" ci-in a kidong uh hi. 12 Lamdang sa mahmah in lungzing uh a, "Bang cihna hi peuhmah ding hiam?" a kici uh hi.#Lk 2:25
13 Ahi zongin mi pawlkhatte in amaute nuihsan in, "Lenggahzu tam dawn lua ta uh hi," d#2.13 Ahikeh lenggahzu a ci uh hi.#1Co 14:23
Peter in Mihonte Tung Thu Gen
14 Tua ciangin Sawm-le-khatte tawh Peter ding to-a a aw sangsak in mihonte kiangah, "Ka mipih Jew-te le Jerusalem a om note khempeuh aw, hih thu note tungah kong telgen ding hi. Ka thugen limtakin na ngai un. 15 No upmawh bangin hih mite zukham hi lo uh hi. Tu-in zingsang nai kua sat pan bek hi! 16 Hi lo hi, hih in kamsangpa Joel in a na gen:
17 "Pasian in, ‘Ni nunungte ah mi khempeuh tungah
ka Kha ka sungkhia ding hi.#Ms 11:25
Na tanute na tapate un kamsang ding uh a,#Ns 21:9
na tangvalte un mangmu in,
na putekte un mang a man ding uh hi.
18 Tua ni ciangin, ka nasem numei le pasalte tung nangawn ah
ka Kha ka sungkhia ding a,
amaute in thu a genkhol ding uh hi.
19 Tunglam vanah a lamdangte le
nuailam leitungah#Lk 21:11
limte le sisan le mei le meikhu sahpite ka lak ding hi.
20 A lian a minthang Topa ni hong tun ma-in
ni khuamial suak dinga
khapi sisan a suak ding hi.#Mt 24:29
21 Tua ciangin Topa min a lote peuhmah
kihonkhia ding hi,’ e#2.21 Joel. 2:28-32 a cihsa ahi hi.
22 "Israel mite aw, hih thu ngai un: note in na theih mah bangun Nazareth mi Jesu pen Pasian in note lakah ama tungtawna a bawl nalamdangte, a lamdangte le limte tawh Pasian in a kipsak mi ahi hi. 23 Pasian in a tupsa le a theihkholhsa bangin note khutah hong kipia hi. Tua ciangin note in mitatsiate f#2.23 Ahikeh thukham neilote bang (tua in, Gentile-te) huhna tawh singlamteh tungah na kilhlum uh hi. 24 Ahi hangin sihna in amah lenden zo lo ahi manin, Pasian in misi pan thokiksak a, sih gentheihna pan a suaktasak hi. 25 David in ama thu a genna-ah:#Eph 1:20
" ‘Ka mai-ah Topa ka mu tawntung hi.
Ka taklamah om ahi manin,
kei ka ling kei ding hi.
26 Tua ahi manin ka lung nuam a; ka leii a kipak hi;
ka pumpi zong lametna-in a nungta ding hi.
27 Ahang in, hankhuk ah kei nong nusia kei dinga,
na Mi Siangthopa zong na muatsak kei ding hi.
28 Nuntakna lampi kei nong theisak zo hi;
na omna munah lungnopna tawh kei nong dim ding hi,’ g#2.28 Ph. 16:8-11 a na ci hi.
29 Sanggamte aw, pupi David si zo a, kivui zo-in, tuni mahmah in hih lai-ah a han om hi, cih kimuangtakin kong gen thei hi. 30 Ahi hangin amah kamsang khat hi-a, Pasian in kiciama, ama suante sung pan khat ama kumpi tokhoma, a tutsak ding a kamciamsa a thei hi. 31 Hong tung ding mukhol ahi manin hankhuk sungah kinusia lo-a, a pumpi zong muat lo ding, ci-in Christ a#2.31 Ahikeh Messiah "Christ" (Greek) le "Messiah (Hebrew) a nih in "Sathau Kinilh-Pa" cihna tg.36 ah zong thawhkikna thu a na genkhol hi. 32 Pasian in hih Jesu thosakin nung tasaka, hih thu a taktak a hina kote khempeuh, teci ka hi uh hi. 33 Amah Pasian taklam ah kitawisang a, Pa kiang pana kamciamsa Khasiangtho ngahin ama hong buakkhiat tu-a na muh na zakte uh ahi hi. 34 Ahang in, David vantung ah kah lo napi:#Jn 15:26
"‘Topa in ka Topa kiangah,
35 "Na galte khempeuh
na khepekte ngak nading ka suahsak matengin
ka taklam ah na tu in,"’ b#2.35 Ph. 110:1 ci hi.
36 "Tua ahi manin Israel mi khempeuh in tel ta un: Na kilhluppa uh hih Jesu, Pasian in Topa le Christ suaksak zo hi," a ci hi.#Mt 28:18
37 Mite in hih thu a zak uh ciangin a lung uh vut a, Peter le sawltakpi dangte kiangah, ‘Sanggamte aw, bang hih ding ka hi uh hiam?" a ci uh hi.#Ns 16:30
38 Peter in, "Na mawhnate uh a kimai sak theih nadingin note, na vekpi un kisik unla Jesu Christ minin na kibaptise un. Tua ciangin Khasiangtho letsong na ngah ding uh hi. 39 Tua kamciam pen note le na tate uh ading le gamlapi-a omte khempeuh ading - i Topa Pasian in a sap dingte khempeuh ading ahi hi," ci-in a dawng hi.#Isa 44:3; Ns 8:12,16,36
40 Kammal dang tampi tawh amaute vauhilh a, "Hih a kisiasa khang mite panin note kihonkhia un," ci-in amaute tungah a thum hi. 41 Ama thu gen a sangte kibaptise uh a, tua ni-in amau pawl sungah mi tul thum bang a kibehlap hi.#Tp 32:5
Thu-umte Kithuahna
42 Sawltakpite thuhilhna le amau tawh kithuahna, anlum balkhapna le thu ngetnate ah, amau le amau a va kipumpiak uh hi. 43 Mi khempeuh in lamdang sa mahmah uh a, sawltakpite in alamdang tampi le apiandang limte a bawl uh hi. 44 Thu-umte khempeuh omkhawm uh a na khempeuh a nei khawm uh hi. 45 A neihsate uh le a vante uh zuakin mi khatpeuh a kisapna bangbangin a pia uh hi. 46 Nisimin biakinnpi huangte sungah a kithuah khawm ngitnget uh hi. Amaute innah anlum balkhamin lungdamna le itna lungsimtak tawh nekhawm uh a, 47 Pasian phatin, mi khempeuh in angvanna nuam a sa uh hi. Topa in nisimin amau pawl sungah a kihonkhia mi a kibehlapsak hi.#Mt 28:20
Currently Selected:
Nasepte 2: ZIV
Highlight
Share
Copy
Want to have your highlights saved across all your devices? Sign up or sign in
Copyright 1994 Myanmar Center for World Mission