1 Tesaloniki Kumanu le mu ka minnu be kɛ kitabue la ko fɔren
Kumanu le mu ka minnu be kɛ kitabue la ko fɔren
Kɛ kitabue be maren bataakɛ fɔlɛ le la Ala la kiilá Pɔlu nun a waliɲɔgɛ donu ka min sɛbɛ dɛnkɛnɛyabaga jama ma minnu be sabatiren nun Tesaloniki.
Yannun anu ni kɛ bataakɛ sɛbɛ, Pɔlu, Silasi anun Timote bata kawande ma nun Tesaloniki. Ala to ka anu la wale labarikɛ, ɲɔ mɔgɛnu siyama bɔɔta kuye batu koe tɔ, anu dɛnkɛnɛyata Ala ma min be a la mɔgɔ masubɛreŋɛ kiiren dunuya lakisidula. Kɔnɔ Pɔlu anun a waliɲɔgɛnu ma nɔ mɛla Tesaloniki saa tɔ, anu borita sue tɔ, bayi mɔgɔ koroŋɛ donu bata jama juse layɛlɛ nun anu ma. Kɛ koe bɛ be ɲatabɔren Isa la kiilanu la tarigu kitabue butɔ, sora 17.
Anu to keta Atɛni saa tɔ, anu kɔntɔfilita Tesaloniki dɛnkɛnɛyabaganu ye bayi anu ma a lɔn nun ka anu la dɛnkɛnɛya be sabatiren. Awa, anu ka Timote kii alako a ni Tesaloniki dɛnkɛnɛyabaganu hanige koe lɔn, a ni anu lalimaniya anu la dɛnkɛnɛya tɔ. Timote to saagita, a ka dantɛgɛ sa Pɔlu nun Silasi ye. Ala Hakkili saniyandeŋɛ ka kuma dii anu ma Tesaloniki kaanu ye, anu ka min sɛbɛ kɛ bataakɛ butɔ.
Kɛ kitabue sɔdula to bata bɔɔ Tesaloniki dɛnkɛnɛyabaganu ye, a ka lɔnnɛ dii anu ma, a ka anu lalimaniya, a sɔdula be wo mɔle tugun ye. A ka a fɔ wo mɔ ye ka a fɔla Ala be wo mɔ keleren de wo mɔ ni tagaman saniyaŋɛ butɔ, wo mɔ ni bɔɔ saniyanbaliya kɔma. A mɛn be a fɔla aa wale sɔdula kolo dɛnkɛnɛyabaganu ye. A bɛnta wo mɔ ni balu wo mɔ woose le la. Kɛ kitabue mɛn be limaniya diila wo mɔ ma bayi a be a fɔla wo mɔ ye ka a fɔla, Ala la mɔgɔ masubɛreŋɛ Isa si na le a la dɛnkɛnɛyabaganu kɔma. A la dɛnkɛnɛyabaga minnu bata faga nun, a fɔlɛ la betun wondelen be wulila wo lun. Wo kɔma dɛnkɛnɛyabaga bɛ nun Marige ni naa to ɲɔgɔn kɛnna abada.
Tesaloniki dɛnkɛnɛyabaganu be maren misali le la wo mɔ ye bayi hali anu to ka ɲagankata banba sɔtɔ, anu ka anu timiladiya yigi sɔ koe la Marige ma dɛnkɛnɛya butɔ. Ala mu wo mɔ dɛmanna, wo mɔ la dɛnkɛnɛya ni luggɛ, wo mɔ ni mɔ timiladiya Ala la kila ɲinma tɔ. Ala mu wo mɔ lakisila saniyanbaliya ma, wo mɔ kana naa malu Marige be tasaagila nala lun min na. Ala mu wo mɔ dɛmanna arijanna kila tɔ. Amina.
Pɔlu la bataakɛ fɔlɛ tagala Isayankanu ma minnu be Tesaloniki
Currently Selected:
1 Tesaloniki Kumanu le mu ka minnu be kɛ kitabue la ko fɔren: MOG
Highlight
Share
Copy
Want to have your highlights saved across all your devices? Sign up or sign in