Yela 83
83
Israel dɔma nɛɛ pɔe wesoŋa
Asaf yel
1N Naa Korowii, bɛ nyoa tɔ!
Ir nyu ne.
2Na ɡɛ he dɔma aa ir he nɛ,
nɛra baa haeh
ba deŋne do kpeɡri la.
3Ba sɔɔh dɛɛ vɔrɔwe
he nɛra vɔrɔwa,
ba dɛ vɔrɔwe nɛra haa kpɔ
nɔn tɔ ba nɛɛ la vɔrɔwa.
4Ba ŋɔ, “Hé ba ya chɔɡ
nɛra baa lɔ harɛ la ta,
ásɛ Israel harɛ sɔn
den nyoɡre kwaraa.”
5Ba nyoa pɛo
baa vɔrɔwe he vɔrɔwa.
Nɛra baa kpɔ ba te dɛɛ ba
ba yoi laanee nɔ,
6Edom ne Ismael tena,
ne Moab dɛ Haɡri tena,
7ne Gebal ne Amɔn
ne Amalɛk, ne Filisti
dɛ Taaya tena.
8Hale Asiiria tena kpɔ
ba bokpeɡa ba ja ba nɛ,
dɛ́ ba cha Amɔn
ne Moab tena baa ɛ
Lɔt naanar la.
9Ɛɛ ba ɡɛ haa ɛ Midian tena
la,
chɔɡ ba ɡɛ haa
chɔɡ Sisera ne Jabin,
baa ɛ laa nomonome
Kesɔn nenabɔɔ ta la.#Kur 31:7; Sit 4:15-24
10He kpoo ba bil Ɛndɔr,
ba chɔ bela dɛ pɔh.
11Ɛ ba nomonjena ɡɛ haa
ɛ Kooro Oreb ne Kooro Siib
la,#Sit 7:25
dɛ́ yo ba koranar bwa,
dɛ́ pɔ ba nɛɛ kɛŋɔ haa yo
Kooro Seba ne Kooro
Salmuna la.#Sit 8:12
12Ba ŋɔ,
“Yaa kpɔ Korowii harɛ
laanee berɛ ya kon.”
13N Naa Korowii,
lɔ ba peɡre kɛŋɔ tutuɡ,
kɛŋɔ peu aa taa
dɛ kpɔ haahra kaa ken.
14Gɛ nii yon fuh kɔr
dɛ́ kpɛle bwejena dor bwa
la,
15kpɔ bwaala peu doŋ ba,
dɛ́ ɡel peukpeɡ kpɔ
ɔmee kohona
ba ta ba nɛ.
16N Naa Korowii,
ɡel sihiih kpo ba,
dɛ́ ɡel ba na he kpeɡri.
17Gel ba bwara yɔr, dɛ́ kpɔ
ɔmee ta ba nɛɛ saŋ bɛlbwa,
ɡel ba sewɛ sihihseo.
18Gel ba jemɛ kɛ he ɡbosoo
Nemenɛ Korowii,
he habɔɔ, kooro bɛlbwa
toole harɛ nɔ ta.
Currently Selected:
Yela 83: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
