Yela 81
81
Tɔpejen bɛl dii yel
Asaf yel
1Hé ɡo silɛɛ yela kpɛɛ Korowii
waa dɛ tɛ yaa bokpeɡa.
Hé ɡo yela kohona kpɛɛ
Korowii Israel tena aa dɛ
tomɔ.
2Hé pa mun ɡo yela,
dɛ́ yiiɡi loŋa,
hé kpɔ janjela lɔ yelsoma.
3Hé hoh pebal nyeɡle bɛla
Korobifale Tɔpejen ta,
korobie baa kpeɡ ɡe aa,
hé berɛ hoh.
4Mmara waa chɔ le dɛ tɛ
Israel tena laanee,
Korowii Jekɔb aa tomɔ
laanee kpɔa tɛ yaa.
5A ɡɛ Mmara nɔɔ Korowii kpɔ
tɛ Israel tena, ɡɛ saŋ
waa kaa yo Ijipt tena la.
N no taa bɛl o ŋɔ,
6“N lɛ he bone
haa cheɡa dɛɛ koh,
dɛ choɡ he bontɔɡa cheɡ
harɛ.
7Gɛ saŋ haa lɔ wenaale ta la,
he yerɛ men Korowii,
asɛ n ba lɛ heya.
N cheɡɛ peukpeɡ
bini dɛ chaŋe heya,
dɛ daah heyaa na Mɛreba,
bela ne aa bula la.#Kaa 17:1-7
8Israel tena, hé cheɡ deŋne
no n wejaala nɔ.
N nɛra, n dɛ nyin kɛ
he fe aa no n be!
9He bɛ voɡ bɛlbwa
tomɛ ka ja n nɛ,
he bɛ an dɛɛ ɡuŋi.
10Menee Korowii haa dɛ tomɛ,
n le he ne Ijipt harɛ ta la.
Hé waa dɔ kasinteŋ tɛ mɛ
naa,
mɛɛ tɛ heya kondikwaa
kɛŋɔ,
jumbie aa dɛ tɛ o bii la.
11Kɛ ane abwa,
Israel tena aa n be no,
baa n waa ta teŋɛ.
12Anomanta, n ɡel ba
deŋnekpeɡ waa tɛɛ ba,
ba kaa ɛ anɔ la aa too ba
tea.
13N dɛ nyin kɛ n nɛra
fe aa no n deŋna wa,
ásɛ dɛɛ teŋɛ n waa ta.#Mma 5:29
14N fe ɛɛ yo ba dɔmaa,
dɛ́ pɔ ba nɛɛ warane.
15Nɛra baa hah men Korowii
ɛɛ kpɔ ɔmee ba ɡuŋi n sie.
Ba deŋnetɛra ɛɛ do lee
saŋ bɛlbwa dɛɛ la.
16Kɛ ane a bwa, mɛɛ tɛ heyaa
mendɛɛɡa, ne tohdɛɛɡa
he di dɛ vaɡɛ.”#Mma 32:13
Currently Selected:
Yela 81: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
