Yela 79
79
Israel harɛ nɛra lɛɛ wesoŋa
Asaf yel
1N Naa Korowii,
nɛŋhɔɔhra baa wola hen
tomɛ,
baa lɛ he harɛ la dɔɔh.
Ba kpɔ doŋa kah he Dea
waa do ɡoroŋ la,
dɛ ɡel Jerusalam berɛ
dimɡbia.#2Ko 25:9
2Ba kpɔ he nɛra ba wa
aa toɡra dɛ serewa la
tɛ kɔkɔsakire aa di.
Ba berɛ kpɔɡ bini ola
kondikwa.
3Ba kpoo nɛra ba chal fuɡe
dɛɛ palɛ kɛŋɔ nee ken,
dɛɛ palɛ Jerusalam
fɔɡbaahna bwa,
nomɛlbwa toole dɛ huɡ ba.
4Harɛre aa bar yaa cheme
nɛra dɛ chɛɡre yaa,
ba kpɔ yaa berɛ
akwekwe nɛra.
5N Naa Korowii, saŋ besoo
he baah di ya nɛɛ ka tel ɔ?
He bandia ɛɛ teŋɔ
ɡwaa ya nɛɛ ɡɛ dɛɛ la naa?
6Gel he baah di harɛre nɛra
baa wola hen tomɛ la nɛ,
nɛra baa wola
hen jemɛ dɛ́ soŋe la,
7dɛkalkɛ ba kpoo he nɛra
Israel tena, dɛ chɔɡ
he harɛ.
8Bɛ ya naawa wechɔɡa
baa ɛa kpɔ tɛr ya deŋne.
Na ya sum warane,
ya hwɛɡa bwa tonɔ.
9N Naa Korowii,
ba cha yaa dɛ́ lɛ yaa.
Ba lɛ yaa dɛ́ kpɔ
ya wechɔɡa kɛ yaa,
he sɔn la wa.
10Ɛrɛɛ harɛre nɛra ɛɛ bɔɔ yaa
ŋɔ,
“Leperaa Korowii haa dɛ
tomɔ dɔɔ nɔɔ?”
Tɛr nɛra baa kpoo he
bonɔɔna deŋne,
ya siwi ta bonɔ.
11No nɛra baa laɡ ba
do dea la hima
baa dɛ hime.
Che he kpeɡri ta, dɛ́ lɛ
nɛra baa dɛ ba ba kpoora.
12N Naa Korowii,
bɔ harɛre baa kaa la
kem bele anuanɛ,
chɛɡa baa dɛ chɛɡre
la wa.
13Ásɛ he nɛra yaa do
kɛŋɔ peera he sie nɔ,
ɛɛ kpɛɛre saŋ bɛlbwa
dɛɛ la,
dɛ́ le fini kaa ya naanar
baa ka ba bwa nɛ.
Currently Selected:
Yela 79: mzw
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.
Yela 79
79
Israel harɛ nɛra lɛɛ wesoŋa
Asaf yel
1N Naa Korowii,
nɛŋhɔɔhra baa wola hen
tomɛ,
baa lɛ he harɛ la dɔɔh.
Ba kpɔ doŋa kah he Dea
waa do ɡoroŋ la,
dɛ ɡel Jerusalam berɛ
dimɡbia.#2Ko 25:9
2Ba kpɔ he nɛra ba wa
aa toɡra dɛ serewa la
tɛ kɔkɔsakire aa di.
Ba berɛ kpɔɡ bini ola
kondikwa.
3Ba kpoo nɛra ba chal fuɡe
dɛɛ palɛ kɛŋɔ nee ken,
dɛɛ palɛ Jerusalam
fɔɡbaahna bwa,
nomɛlbwa toole dɛ huɡ ba.
4Harɛre aa bar yaa cheme
nɛra dɛ chɛɡre yaa,
ba kpɔ yaa berɛ
akwekwe nɛra.
5N Naa Korowii, saŋ besoo
he baah di ya nɛɛ ka tel ɔ?
He bandia ɛɛ teŋɔ
ɡwaa ya nɛɛ ɡɛ dɛɛ la naa?
6Gel he baah di harɛre nɛra
baa wola hen tomɛ la nɛ,
nɛra baa wola
hen jemɛ dɛ́ soŋe la,
7dɛkalkɛ ba kpoo he nɛra
Israel tena, dɛ chɔɡ
he harɛ.
8Bɛ ya naawa wechɔɡa
baa ɛa kpɔ tɛr ya deŋne.
Na ya sum warane,
ya hwɛɡa bwa tonɔ.
9N Naa Korowii,
ba cha yaa dɛ́ lɛ yaa.
Ba lɛ yaa dɛ́ kpɔ
ya wechɔɡa kɛ yaa,
he sɔn la wa.
10Ɛrɛɛ harɛre nɛra ɛɛ bɔɔ yaa
ŋɔ,
“Leperaa Korowii haa dɛ
tomɔ dɔɔ nɔɔ?”
Tɛr nɛra baa kpoo he
bonɔɔna deŋne,
ya siwi ta bonɔ.
11No nɛra baa laɡ ba
do dea la hima
baa dɛ hime.
Che he kpeɡri ta, dɛ́ lɛ
nɛra baa dɛ ba ba kpoora.
12N Naa Korowii,
bɔ harɛre baa kaa la
kem bele anuanɛ,
chɛɡa baa dɛ chɛɡre
la wa.
13Ásɛ he nɛra yaa do
kɛŋɔ peera he sie nɔ,
ɛɛ kpɛɛre saŋ bɛlbwa
dɛɛ la,
dɛ́ le fini kaa ya naanar
baa ka ba bwa nɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.