Ɛfesos Tɔn nɔ bini waa baɡla
Tɔn nɔ bini waa baɡla
Pɔɔl chwerɛ tɔn nɔ dɛ baɡle kɛŋɔ, Korowii dɔ liire tɛ nomɛlbwa, dɛ jemɛ waa waa dɛ nyin o ɛ tɛ bɛlbwa harɛ nɔ ta, ɡɛ aa ɛ asɔre tena la bwa ɛ beŋkpoŋ Yeesu be pera, ásɛ ba we-ɛɛla baɡle kɛŋɔ Yeesu ne banee soɡa. Pɔɔl baɡle a bini kɛ Korowii kpɔ o Domadɛɛɡe la tɛ yaa, dɛɛ baɡle kɛ o wedɛɛɡa bwa waa dɔa tɛ yaa la ɛɛ ba ya bee kerekere. Pɔɔl dɛ baɡle kɛ, asɔrere aa lɔ harɛ nɔ ta bwa ɛ beŋkpoŋ, dɛ do kɛŋɔ nɛwɛnyini bwadabi aa ɛ beŋkpoŋ dɛ dɔ peɡra nɔ, asɛ Yeesu ɛ a nyu te. A berɔ do kɛ dea baa mao cheɡ, asɛ Yeesu Kristo ɛ bwe baa kpɔa pa o mun o lawɔ kpoŋe o che kiŋkiŋ. Asɔre berɔ do kɛ haah waa kpɔ Yeesu ɛ o jaa la ken. Pɔɔl aa chwerɛ tɔn nɔ la, dɛ o dɛ nyin kɛ ba kure baɡle Kristo tena baa lɔ bobɛlbwa, Ɛfesos ɡbo laa.
Currently Selected:
Ɛfesos Tɔn nɔ bini waa baɡla: mzw
Highlight
Share
Copy
Want to have your highlights saved across all your devices? Sign up or sign in
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.