Psalms 129
129
Ek bid dat almal wat vir Sion haat, sal verloor
1'n Lied wanneer mense na die tempel gaan.
“Ek het baie vyande gehad vandat ek jonk was,”
dit moet die volk Israel sê,
2“ek het baie vyande gehad vandat ek jonk was,
maar hulle kon my nie wen nie.
3Hulle het my rug stukkend geslaan met swepe.
Dit het gelyk soos wanneer iemand geploeg het
en die grond stukkend gebreek het.
4Die Here het reg gedoen,
Hy het die toue losgesny
waarmee die mense my vasgebind het,
die mense wat verkeerd doen.
5Ek bid dat almal wat vir Sion haat,
sal verloor en sal verdwyn.
6Ek bid dat hulle sal wees soos gras
op huise se dakke, gras wat droog word
voordat dit mooi gegroei het.
7Niemand kan dit afsny en die gerwe vasbind nie.
8Niemand sal verbykom en sê:
‘Ons bid dat die Here julle sal seën’ nie.
Niemand sal sê: ‘Ons seën julle,
ons weet dat die Here julle sal seën’ nie.”
Currently Selected:
Psalms 129: ABA
Highlight
Share
Copy
Want to have your highlights saved across all your devices? Sign up or sign in
© Bybelgenootskap van Suid-Afrika 2007. Gebruik met toestemming. Alle regte voorbehou.