ՅՈԲԱՅ 40
40
1Տէրը Յոբին խօսելով՝ ըսաւ.
2«Արդ՝ Ամենակարողին հետ վիճողը բան մը պիտի սորվեցնէ՞.
Աստուծոյ հետ վիճաբանողը թող պատասխան տայ»։
3Այն ատեն Յոբ Տէրոջը պատասխան տալով՝ ըսաւ.
4«Ահա ես նուաստ եմ. քեզի ի՞նչ պատասխան տամ.
Ձեռքս բերնիս վրայ կը դնեմ։
5Մէկ անգամ խօսեցայ, ա՛լ պատասխան պիտի չտամ.
Երկու անգամ ալ, բայց պիտի չկրկնեմ»։
6Այն ժամանակ Տէրը մրրիկէն Յոբին պատասխանեց.
7«Հիմա կտրիճի պէս մէջքդ պնդէ՛,
Քեզի հարցնեմ ու դուն քու գիտցածդ ինծի իմացո՛ւր։
8Իմ դատաստանս պիտի խափանե՞ս,
Քեզ արադարացնելու համար զիս յանցաւո՞ր պիտի հանես։
9Աստուծոյ պէս բազուկ ունի՞ս
Եւ քու ձայնովդ կրնա՞ս անոր պէս որոտալ։
10Հիմա փառաւորութիւնով ու մեծութիւնով զարդարուէ
Եւ պատիւով ու փառքով հագուէ՛։
11Բարկութեանդ եռանդը տարածէ՛
Եւ ամէն հպարտի նայէ՛ ու զանիկա խոնարհեցո՛ւր։
12Ամէն հպարտի նայէ՛ ու զանիկա նուաճէ՛
Ու անօրէնները իրենց տեղը կոխկռտէ՛։
13Անոնց ամէնքն ալ հողին մէջ աներեւոյթ ըրէ,
Երեսնին գաղտուկ տեղ պահէ։
14Այն ատեն ես ալ քեզի պիտի իմացընեմ,
Թէ աջ ձեռքդ քեզ կրնայ ազատել։
15Ահա #40:15 Կամ, ձիագետին եւ կամ, փիղըԲեհեմովթը, որ քեզի հետ ստեղծեցի.
Անիկա արջառի պէս խոտ կ’ուտէ։
16Ահա հիմա անոր զօրութիւնը իր մէջքն է
Եւ ոյժը փորին #40:16 Կամ, պորտինմկաններուն մէջ։
17Պոչը կ’երերցնէ եղեւինի պէս,
Ազդրերուն ջիղերը հիւսուած են։
18Անոր ոսկորները #40:18 Կամ, պղնձի ամուր կտորուանքպղնձէ խողովակներ՝ ՝ են,
Անոր անդամները երկաթէ նիգերու պէս են։
19Աստուծոյ գործին սկիզբն է անիկա.
Զանիկա ստեղծողը #40:19 Կամ, անոր սուրը իրեն կու տայիր սուրը կրնայ անոր մօտեցնել՝ ՝։
20Արդարեւ անոր պաշար կը բերեն լեռները,
Ուր դաշտի գազանները կը խաղան։
21Անիկա ստուերոտ ծառերուն տակ,
Եղէգներուն շուքը ու ճահիճներուն մէջ կը պառկի։
22Ստուերոտ ծառերը իրենց շուքովը կը ծածկեն զանիկա,
Հեղեղատներուն ուռիները անոր բոլորտիքն են
23Եթէ գետը առատանայ, անիկա չի վախնար.
Թէեւ Յորդանան անոր բերանը դիմելու ըլլայ, ան հանդարտ կը կենայ։
24Միթէ անիկա յայտնի կը բռնուի՞.
# 40:24 Կամ, Քթովը որոգայթները կը ծակէ Որոգայթի մէջ անոր քիթը ո՞վ կրնայ ծակել՝ ՝»։
Currently Selected:
ՅՈԲԱՅ 40: WARMB
Highlight
Copy
Compare
Share
Want to have your highlights saved across all your devices? Sign up or sign in
Հայ Արեւմտահայերէն Աստուածաշունչ © Bible Society in Lebanon, 1981.
