LEVITICUS 1
1
Duah Hep Mi Bâwlnâk
1LALPA nih Mosi chu LALPA umnâk Puanin ah mi a kawh le, 2Israel tla nih bâwlnâk an ap tikah an zûl ding mi dân tla a pêk. Mi âuzawng nih bâwlnâk ah ran a ap chun a ranrual lakah mi kêl mawh dawrâ mawh pakhat a ap ding asi. 3A ranrual lakah mi duahphung thil ap ah pakhat a ap chun sâwi ding umlo mi chawchal a put ding asi. LALPA nih rem a ti ding hen LALPA umnâk Puanin tualmâi ah a hawng put ding asi. 4Chu minung nih chun chaw lû ah a kut a thâng lai le, a sual thiangtir ding hen bâwlnâk ah rem ti piak asi lai. 5Chunah chun chawchal chu a thah lai le, Aron thlâk bâwlpu tla nih a thisen chu LALPA sinah an ap lai le, Puanin mâika ah mi mâichâm kî pali chu an theh lai. 6Ran chu a vun a lîk lai le, a chan lai le, 7bâwlpu nih mâichâm tlûnah thing a pawng lai le, a duah lai. 8Chu mei lakah ran a savo tla chu an paih lai, a lû leh a thâu tla khawm. 9A sungril tla, a kê tla a ṭawl lai le, bâwlnâk ah bâwlpu nih mâichâm tlûnah a duah hep lai. Chu eiphung ap mi rim nih chun LALPA chu a lawmhtir. 10Mi nih a dawrâ mawh kêl mawh pakhat bâwlnâk ah a ap mi chu, a mipa simsâwinâk umlo mi asi ding asi. 11Marlei kâng mâichâm sîrah a thah lai le, bâwlpu nih a thî a lâk lai le, mâichâm kî pali lakah a theh lai. 12A chan dih hep tikah bâwlpu nih chun a ektê hen a lû leh a thâu telhsih hen mei lakah a paih ding asi. 13A sungril leh a kê chu a ṭâwl lai le, bâwlpu nih mâichâm tlûnah bâwlnâk LALPA sinah ap hen a duah hep lai. Chu eiphung ap mi rim nih LALPA chu a lawmhtir asi. 14Mi nih vâ duahphung thil ap ah a ap chun, vaṭhu mawh lâilêng mawh asi ding asi. 15Bâwlpu nih mâichâm ah a pêk lai le, a ngâwng a merh phak lai le, a lû chu mâichâm ah a duah lai. A thî chu mâichâm sîrah a luangtir lai. 16A chawkpaw leh a zeizawng chu mâichâm sîr saklei kângah vachâm lawnhnâk ah a lawnh ving lai. 17A thla ah a tleih lai le, a pum chu a ek lai le, a thla chu sâm lo hen mâichâm ah duah hep ding asi. Chu eiphung ap mi rim nih LALPA chu a lawmhtir.
Currently Selected:
LEVITICUS 1: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
LEVITICUS 1
1
Duah Hep Mi Bâwlnâk
1LALPA nih Mosi chu LALPA umnâk Puanin ah mi a kawh le, 2Israel tla nih bâwlnâk an ap tikah an zûl ding mi dân tla a pêk. Mi âuzawng nih bâwlnâk ah ran a ap chun a ranrual lakah mi kêl mawh dawrâ mawh pakhat a ap ding asi. 3A ranrual lakah mi duahphung thil ap ah pakhat a ap chun sâwi ding umlo mi chawchal a put ding asi. LALPA nih rem a ti ding hen LALPA umnâk Puanin tualmâi ah a hawng put ding asi. 4Chu minung nih chun chaw lû ah a kut a thâng lai le, a sual thiangtir ding hen bâwlnâk ah rem ti piak asi lai. 5Chunah chun chawchal chu a thah lai le, Aron thlâk bâwlpu tla nih a thisen chu LALPA sinah an ap lai le, Puanin mâika ah mi mâichâm kî pali chu an theh lai. 6Ran chu a vun a lîk lai le, a chan lai le, 7bâwlpu nih mâichâm tlûnah thing a pawng lai le, a duah lai. 8Chu mei lakah ran a savo tla chu an paih lai, a lû leh a thâu tla khawm. 9A sungril tla, a kê tla a ṭawl lai le, bâwlnâk ah bâwlpu nih mâichâm tlûnah a duah hep lai. Chu eiphung ap mi rim nih chun LALPA chu a lawmhtir. 10Mi nih a dawrâ mawh kêl mawh pakhat bâwlnâk ah a ap mi chu, a mipa simsâwinâk umlo mi asi ding asi. 11Marlei kâng mâichâm sîrah a thah lai le, bâwlpu nih a thî a lâk lai le, mâichâm kî pali lakah a theh lai. 12A chan dih hep tikah bâwlpu nih chun a ektê hen a lû leh a thâu telhsih hen mei lakah a paih ding asi. 13A sungril leh a kê chu a ṭâwl lai le, bâwlpu nih mâichâm tlûnah bâwlnâk LALPA sinah ap hen a duah hep lai. Chu eiphung ap mi rim nih LALPA chu a lawmhtir asi. 14Mi nih vâ duahphung thil ap ah a ap chun, vaṭhu mawh lâilêng mawh asi ding asi. 15Bâwlpu nih mâichâm ah a pêk lai le, a ngâwng a merh phak lai le, a lû chu mâichâm ah a duah lai. A thî chu mâichâm sîrah a luangtir lai. 16A chawkpaw leh a zeizawng chu mâichâm sîr saklei kângah vachâm lawnhnâk ah a lawnh ving lai. 17A thla ah a tleih lai le, a pum chu a ek lai le, a thla chu sâm lo hen mâichâm ah duah hep ding asi. Chu eiphung ap mi rim nih LALPA chu a lawmhtir.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.