EXODUS 13
13
Fa tîr Apnâk
1LALPA nih Mosi sinah, 2“Fa tîr zawzawng ka sinah hawng ap u, Israel lakah mipa fa tîr leh ran lakah a mipa fa tîr zawzawng chu ka tâ an si,” a ti.
Sang Thilnu Telhlo Kût
3Mosi nih mi zapi sinah, “Tusûn ah sal nan sinâk mun Aigupta ram nan kaltâk mi ni hi theihkumza u. Hi ni hi LALPA nih a thiltikhonâk hen a nan suakpi na mi ni chu asi. Thilnu telh mi sang rerêng ei ding asi lo, 4Abib thla, thla masa chem tusûn ni ah hin Aigupta ram chu nan kaltâk rawh asi. 5Kanaan mi, Hit mi, Amor mi, Hiv mi, leh Jebus mi tla umnâk ram chu LALPA nih a nan thlâk natu tla sinah pêk ding hen a tiamh ving na rawh. Chu ram neihnâk leh ram ningno ah a nan kalpi na tikah chun, kum siar hen hi a thla khatnâk kût hi nan ulh ding asi. 6Ni sarih kar chu sang thilnu telhlo nan ei lai le, a ni sarihnâk ah LALPA zahnâk kût asi lai. 7Ni sarih kar vial chu sang thilnu telh mi rerêng nan ei ding asi lo, nan ram sungah thilnu mawh thilnu telh mi rerêng nan siah ding asi lo. 8Kût nanna dawmh tikah nan fapa tla chu Aigupta ram nan kaltâk liauah LALPA nih hi bang thil tla hi nan rangah a ti mi ruangah kan ti mi asi ti hen simh na u. 9Hi ulhnâk hi nan kut lakah mawh nan chal ah mawh theihkumzanâk ding hen khimh mi hâwi hen theih u; LALPA nih a thiltikhonâk hen Aigupta ram ah mi a nan suakpi na ruangah LALPA dân chu theih nawlh ding hen nanna sîn hen nan sim kumza ding asi. 10Kum siar hen a cham ah hi kût hi ulh vima u.
Fa tîr
11“LALPA nih Kanaan ram an thlâk natu leh nanmah rangah a tiamh mi ram ah an kalpi na awt. An pêk na tikah chun, 12fapa tîr vial chu LALPA sinah nan ap ding asi. Nan ran a ring masa chem mi a mipa chu LALPA tâ asi. 13Sikhawmsele sanatung a ring tîr mi a mipa chu a ruangrûl ah dawrâ fa hen LALPA sinah bâwlnâk ah ap ding hen nan thleng kho lai, tlanh ding nan duh lo chun, a ngâwng khiak phak u. Nan fa tîr mipa fa zawzawng chu nan tlanh kho lai. 14Mâilei ah nan fa tla nih, hi hi zei ulhnâk me si ti hen an deih na chun, ‘Sal ah kan umnâk Aigupta ram ah mi LALPA nih a thiltikhonâk rokual hen hawng kan suakpi mi ruangah asi’ ti hen nan sâng na ding asi. 15Aigupta lalchem chu a lung a khung le, hawng kan suah ding a duh lo liauah LALPA nih Aigupta ram ah fa tîr mipa fa, ran leh minung lakah mi a thah hep na. Churuangah asi, LALPA sinah ran fa tîr bâwlnâk kan nei mi chu, sikhawmsele, kan fapa tîr tla chu kan tlanh nawlh. 16Hi ulhnâk hi thil zeimawh theihkumzanâk ding hen kan kut leh chal ah khimh mi hâwi asi; LALPA nih a thiltikhonâk rokual hen Aigupta ram thawk hen hawng kan suakpi mi theih nawlh lemang nâk asi,” a ti.
Sûm Dîr Leh Meialh
17Aigupta lalchem nih mi a suaktir na liauah, Pathian nih Philistia ram kalnâk lampi leiah a kalpi na lo, chu lei chu a nâi dauhnâk sikhawmsele, Pathian nih, “Israel tla chu râltuk ding an si awt ti anna theih ruangah Aigupta ram ah kîr nawlh ding thinlung an nei lebang lai,” ti a ruat. 18Churuangah lam ngâwinâk leiah ramkaro pal hen Tipi Sen leikângah a kalpi na. Israel tla chu râltuk ding hen anna timhtuah rawh.
19Josef nih Israel tla rangah thu a tiamhtir na mi hâwi hen, Mosi nih Josef ruak chu a put. Josef nih, “Hi mun ah mi Pathian nih an suakpi na tikah ka ruak nan put ding asi,” a ti ruangah.
20Israel tla nih Sukot mun chu an kaltâk le, ramkaro kiang Etham ah mun an khuar. 21Sûn ah chun LALPA chu lam simhtu ah sûm dîr hâwi hen an mâilei ah a kal le, zân ah chun anmah cherh na ding hen meialh dîr hen an mâilei ah a kal, sûn leh zân hen an kal kho ding hen. 22Sûn karah chun sûm dîr chu mi zapi mâilei ah a um kumza, zân ah lam chun meialh dîr hen an mâilei ah a um kumza.
Currently Selected:
EXODUS 13: BCLBV
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.
EXODUS 13
13
Fa tîr Apnâk
1LALPA nih Mosi sinah, 2“Fa tîr zawzawng ka sinah hawng ap u, Israel lakah mipa fa tîr leh ran lakah a mipa fa tîr zawzawng chu ka tâ an si,” a ti.
Sang Thilnu Telhlo Kût
3Mosi nih mi zapi sinah, “Tusûn ah sal nan sinâk mun Aigupta ram nan kaltâk mi ni hi theihkumza u. Hi ni hi LALPA nih a thiltikhonâk hen a nan suakpi na mi ni chu asi. Thilnu telh mi sang rerêng ei ding asi lo, 4Abib thla, thla masa chem tusûn ni ah hin Aigupta ram chu nan kaltâk rawh asi. 5Kanaan mi, Hit mi, Amor mi, Hiv mi, leh Jebus mi tla umnâk ram chu LALPA nih a nan thlâk natu tla sinah pêk ding hen a tiamh ving na rawh. Chu ram neihnâk leh ram ningno ah a nan kalpi na tikah chun, kum siar hen hi a thla khatnâk kût hi nan ulh ding asi. 6Ni sarih kar chu sang thilnu telhlo nan ei lai le, a ni sarihnâk ah LALPA zahnâk kût asi lai. 7Ni sarih kar vial chu sang thilnu telh mi rerêng nan ei ding asi lo, nan ram sungah thilnu mawh thilnu telh mi rerêng nan siah ding asi lo. 8Kût nanna dawmh tikah nan fapa tla chu Aigupta ram nan kaltâk liauah LALPA nih hi bang thil tla hi nan rangah a ti mi ruangah kan ti mi asi ti hen simh na u. 9Hi ulhnâk hi nan kut lakah mawh nan chal ah mawh theihkumzanâk ding hen khimh mi hâwi hen theih u; LALPA nih a thiltikhonâk hen Aigupta ram ah mi a nan suakpi na ruangah LALPA dân chu theih nawlh ding hen nanna sîn hen nan sim kumza ding asi. 10Kum siar hen a cham ah hi kût hi ulh vima u.
Fa tîr
11“LALPA nih Kanaan ram an thlâk natu leh nanmah rangah a tiamh mi ram ah an kalpi na awt. An pêk na tikah chun, 12fapa tîr vial chu LALPA sinah nan ap ding asi. Nan ran a ring masa chem mi a mipa chu LALPA tâ asi. 13Sikhawmsele sanatung a ring tîr mi a mipa chu a ruangrûl ah dawrâ fa hen LALPA sinah bâwlnâk ah ap ding hen nan thleng kho lai, tlanh ding nan duh lo chun, a ngâwng khiak phak u. Nan fa tîr mipa fa zawzawng chu nan tlanh kho lai. 14Mâilei ah nan fa tla nih, hi hi zei ulhnâk me si ti hen an deih na chun, ‘Sal ah kan umnâk Aigupta ram ah mi LALPA nih a thiltikhonâk rokual hen hawng kan suakpi mi ruangah asi’ ti hen nan sâng na ding asi. 15Aigupta lalchem chu a lung a khung le, hawng kan suah ding a duh lo liauah LALPA nih Aigupta ram ah fa tîr mipa fa, ran leh minung lakah mi a thah hep na. Churuangah asi, LALPA sinah ran fa tîr bâwlnâk kan nei mi chu, sikhawmsele, kan fapa tîr tla chu kan tlanh nawlh. 16Hi ulhnâk hi thil zeimawh theihkumzanâk ding hen kan kut leh chal ah khimh mi hâwi asi; LALPA nih a thiltikhonâk rokual hen Aigupta ram thawk hen hawng kan suakpi mi theih nawlh lemang nâk asi,” a ti.
Sûm Dîr Leh Meialh
17Aigupta lalchem nih mi a suaktir na liauah, Pathian nih Philistia ram kalnâk lampi leiah a kalpi na lo, chu lei chu a nâi dauhnâk sikhawmsele, Pathian nih, “Israel tla chu râltuk ding an si awt ti anna theih ruangah Aigupta ram ah kîr nawlh ding thinlung an nei lebang lai,” ti a ruat. 18Churuangah lam ngâwinâk leiah ramkaro pal hen Tipi Sen leikângah a kalpi na. Israel tla chu râltuk ding hen anna timhtuah rawh.
19Josef nih Israel tla rangah thu a tiamhtir na mi hâwi hen, Mosi nih Josef ruak chu a put. Josef nih, “Hi mun ah mi Pathian nih an suakpi na tikah ka ruak nan put ding asi,” a ti ruangah.
20Israel tla nih Sukot mun chu an kaltâk le, ramkaro kiang Etham ah mun an khuar. 21Sûn ah chun LALPA chu lam simhtu ah sûm dîr hâwi hen an mâilei ah a kal le, zân ah chun anmah cherh na ding hen meialh dîr hen an mâilei ah a kal, sûn leh zân hen an kal kho ding hen. 22Sûn karah chun sûm dîr chu mi zapi mâilei ah a um kumza, zân ah lam chun meialh dîr hen an mâilei ah a um kumza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bawm Common Language Bible © Bangladesh Bible Society, 2004. All rights reserved.