Iyohaichish 94
94
94. Iyohaichish.
1AA ikemnu ki Kamui ne Ehoba,
Ikemnu ki kuni Kamui, pekere atte wa en kore.
2Moshiri koipiship, yaihopunire;
Pakesara utara otta uk kuni iwai kore yan.
3Aa Ehoba, wen utara hembara pakno,
Hembara pakno wen utara annokara ki?
4Nei utara parorui wa pakesara itak ki:
Irarape ikichi utara obitta yaiomonnure ruwe ne.
5Aa Ehoba, nei utara anak ne E koro utara humne no pereke,
E koro eikeshkoro utara shirikirapte ruwe ne.
6Nei utara anak ne shiyompiyara shiwentep newa oya guru newa ronnu,
Orowa, eshikop-sak utara keweuk ruwe ne.
7Yah shomo nukara kusu ne,
Yakob koro Kamui anak ne esanniyo shomoki ruwe ne sekoro itak.
8Utara tumta okai chikoikip-ramkoro utara ramepakari yan?
Echi haita utara hembara ta echi wayashnu ne ruwe he an?
9Kisaraha kara Kamui anak ne shomo nu ruwe he an?
Shikihi kara Kamui shomo nukara ruwe he an?
10Moshiri uirup utara epakashnu Kamui anak ne pakashnu shomoki kusu ne ya?
Shinuma anak ne oramushbe ainu otta epakashnu ruwe ne.
11Ehoba anak ne ainu koro oshkep eraman,
Ouse heisepa ne ambe ne ruwe ne gusu ne na.
12Aa Yah, Aokai shirikik guru newa,
E koro ikashpaotte epakashnu guru anak ne anunuke ne ruwe ne;
13Aokai anak ne wenbe an toho ta,
Wen guru gusu shui ahori pakno shinire ruwe ne gusu ne na.
14Inambe gusu ne yakun, Ehoba anak ne koro utara shomo emakba,
Koro eikeshkoro utara osurupa shomoki kusu ne gusu ne na.
15Shui, aesanniyo ambe anak ne oupekap ne aki:
Orowa, obitta no okai keutum oupeka utara nei ambe oshkoni kusu ne.
16Irarabe ikichi utara epeka no en gusu hopumba guru inan guru ne ya?
Wenbe ikichi utara epeka no en gusu roshki guru nen ne ruwe?
17Ehoba anak ne en kaobiuki shomoki a yakun,
Ku ramat anak ne chashnu no mo no oshiroma ruwe ne na.
18Ku chikiri anak ne oshitteshu ruwe ne sekoro ku itak ita,
Aa Ehoba, E koro rampoken en nitata nisa ruwe ne.
19En oshiketa inne no okai utumashi ambe an ita anak ne
E ki omaoma ambe ku ramat nupetnere nisa ruwe ne.
20Ipawetenge wa irarape kara,
Wenbe koro amset E tura no an kusu ne ya?
21Nei utara anak ne oupeka utara kon ramat gusu uwekarapa,
Orowa, turu-sak kem akokatpakte ruwe ne.
22Koroka, Ehoba anak ne ku goro ri chashi ne;
Kamui anak ku numne kuni Watara ne ruwe ne.
23Orowa, Shinuma anak ne nei utara kashi yaikota koro irarape kash-omare nisa,
Aige, yaikota iki wenbe ki rapoketa Shinuma otuye kusu ne;
Chikoro Kamui ne Ehoba anak ne nei utara otuye kusu ne na.
Currently Selected:
Iyohaichish 94: AINU
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1897, 2018
