1 Koronti 8

Di̱bi̱du a chabtu ti̱yori

1Ki̱ka̱ngu we ya̱m chabtu di̱yori̱mu, ni yim yingki̱ku we nabwen, ti̱nti̱ne yingki̱ku ki̱bedu ki̱ni ri̱kaku, aya mi̱laki̱ku ki̱mu chitu mubbe. 2Kwang nii ki̱kudu ko ki̱yim chite, a lanta ki̱ka̱ng a tibu yin chi a no dakan ka yinditu. 3Aya ka nang wuwule niye wu ki̱mi̱la Kwama, n Kwama yim ki̱n. 4We ya̱m chaku chabtu ti̱yoriti̱mu, ni yim we ti̱ti̱niti kwang, di̱yoru n ke ti̱kan chi, n kawure a yim ko Kwama wiin, a neti̱ wuka we.

5Kasi ki̱ku a kwiyabu chi ni̱bu ki̱yalu ko “Kwamatiye,” we ti̱ti̱nitu n ti bwa diye, di̱ne Tewuduwe n ti tebu lomu we nabwen. 6Ki̱ni yiko ni̱n ni̱n yim Kwama wiin. Kanang chikiye, Te wu chiti kwang a fwe a di̱ki̱ne, wu ni chadu ni nodu di̱ne ki̱ne, Tewuduwe wiin. N Yesu Masiya wu chiti Kwang a kab a di̱ki̱ne, n chi̱ni kwang ni be a bwa di̱ki̱ne.

7Aya n ke ka nang wuwule niye wu a yim ti̱chitu we, yo a lanta di bi̱kamu ni̱bu bi̱bu ki̱siiki̱ di̱yoru a kau chimi̱n bwimu, ki̱kamadu ko chabti̱tu chi chaditu n ti̱u di̱yor. Aya ka ma bwar yinangu n chi ka swaan chi ti̱yilitu n ti ti̱tu a lebitangu, ti̱nti̱ne ka ni chabe a subi chi. 8Chabti̱tu a ne yonu mwang ya lon Kwama, ka ni a chabe a ki̱ti̱bu chi. Ka ni a chabe a subu chi.

9Aya ti̱ma daandaan, ke ki̱la da wu ta ya, a kadu ware yarke we bi̱bu a yimbu Kwamamu. 10Di̱ne ka ni̱bu a ki̱la ku mun wu ki̱ni yingke mun chau chabtu di̱yoritu we se di̱yore, ti̱tu a ne ru chidu ka yodu n chi ka chau chabti̱tu ni̱bu ki̱siin di̱yorita? Di̱ne n chi a rubu we keku bi̱yili̱mang chiyanga?

11Di̱ne yiko, yingku mwangu a ki̱la ki̱yo yare we ke wu a tibu rudu we keku bi̱yili̱mange, wu n Yesu Masiya a bwa di̱ne ki̱ne. 12Ka ti̱ma kebu chimumi̱n ki̱letiyu, we wu bale ti̱yo chimi̱n yare, ti̱ma Masiya mi̱n ki̱le. 13Di̱ne yiko, ka chabti̱tu ka yo kemi ki̱ma ki̱le, kasi no nam mang du wuku, ka ka yo kemi mi̱n yare.

Currently Selected:

1 Koronti 8: Tula

Highlight

Copy

Compare