ꠔꠃꠞꠣꠔ ৩: ꠟꠦꠛꠤꠀꠘ 11
11
ꠢꠣꠟꠣꠟ ꠀꠞ ꠢꠣꠞꠣꠝ ꠎꠣꠘꠖꠣꠞ
1ꠝꠣꠛꠥꠖꠦ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟꠣ, 2“ꠔꠥꠝꠞꠣ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠦꠅ, ꠝꠣꠐꠤꠞ ꠃꠙꠞꠞ ꠙꠡꠥꠞ ꠝꠣꠎꠦ ꠎꠦꠔꠣ ꠙꠡꠥ ꠔꠥꠝꠞꠣꠞ ꠟꠣꠉꠤ ꠢꠣꠟꠣꠟ, ꠅꠔꠣ ꠅꠁꠟ:
3“ꠎꠦꠔꠣ ꠙꠡꠥꠞ ꠙꠣꠅꠞ ꠈꠥꠞꠣ ꠙꠥꠞꠣꠙꠥꠞ ꠌꠤꠞꠣ, ꠀꠞ ꠈꠣꠘꠤꠞꠦ ꠙꠣꠎꠣꠄ, ꠁꠔꠣꠞ ꠉꠥꠡ꠆ꠔ ꠔꠥꠝꠞꠣꠞ ꠟꠣꠉꠤ ꠢꠣꠟꠣꠟ। 4ꠔꠣ-ꠅ ꠄꠞ ꠝꠣꠎꠞ ꠇꠥꠘꠥ ꠇꠥꠘꠥ ꠙꠡꠥꠄ ꠈꠣꠟꠤ ꠈꠣꠘꠤꠞꠦ ꠙꠣꠎꠣꠄ, ꠀꠞ ꠇꠥꠘꠥ ꠇꠥꠘꠥ ꠙꠡꠥꠞ ꠈꠣꠟꠤ ꠈꠥꠞꠣ ꠌꠤꠞꠣ, ꠁꠔꠣ ꠔ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ। ꠃꠐꠦ ꠈꠣꠘꠤꠞꠦ ꠙꠣꠎꠣꠁꠟꠦꠅ ꠔꠣꠞ ꠈꠥꠞꠣ ꠌꠤꠞꠣ ꠘꠣꠄ, ꠄꠞꠟꠣꠉꠤ ꠃꠐ ꠢꠣꠞꠣꠝ। 5ꠡꠣꠚꠘ-ꠃꠘ꠆ꠖꠥꠞꠦ ꠈꠣꠘꠤꠞꠦ ꠙꠣꠎꠣꠁꠟꠦꠅ, ꠁꠔꠣꠞ ꠈꠥꠞꠣ ꠌꠤꠞꠣ ꠘꠣꠄ, ꠅꠔꠣꠞ ꠟꠣꠉꠤ ꠁꠔꠣꠅ ꠢꠣꠞꠣꠝ। 6ꠈꠞꠉꠥꠡꠦꠅ ꠈꠣꠘꠤꠞꠦ ꠙꠣꠎꠣꠄ, ꠅꠁꠟꠦ ꠁꠔꠣꠞ ꠈꠥꠞꠣ ꠌꠤꠞꠣ ꠘꠣꠄ, ꠅꠔꠣꠞ ꠟꠣꠉꠤ ꠢꠣꠞꠣꠝ। 7ꠡꠥꠅꠞꠞ ꠈꠥꠞꠣ ꠙꠥꠞꠣꠙꠥꠞ ꠌꠤꠞꠣ, ꠅꠁꠟꠦ ꠁꠔꠣꠄ ꠈꠣꠘꠤꠞꠦ ꠙꠣꠎꠣꠄ ꠘꠣ, ꠄꠞꠟꠣꠉꠤ ꠁꠔꠣ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ। 8ꠁꠔꠣꠞ ꠉꠥꠡ꠆ꠔ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ, ꠁꠔꠣꠞ ꠝꠞꠣ ꠟꠣꠡꠞꠦꠅ ꠍꠁꠅ ꠘꠣ। ꠁꠔꠣ ꠔꠥꠝꠞꠣꠞ ꠟꠣꠉꠤ ꠘꠣꠙꠣꠇ।
9“ꠙꠣꠘꠤꠞ ꠝꠣꠎꠦ ꠎꠦꠔꠣ ꠎꠣꠘꠖꠣꠞꠦ ꠛꠡꠔ ꠇꠞꠂꠘ, ꠁꠔꠣꠞ ꠝꠣꠎꠦ ꠎꠦꠔꠣꠞ ꠚꠁꠞ ꠀꠞ ꠒꠣꠈꠘꠣ ꠀꠍꠦ, ꠁꠔꠣ ꠔꠥꠝꠞꠣꠞ ꠟꠣꠉꠤ ꠢꠣꠟꠣꠟ। 10ꠅꠁꠟꠦ ꠎꠦꠔꠣꠞ ꠚꠁꠞ ꠀꠞ ꠒꠣꠈꠘꠣ ꠘꠣꠁ, ꠁꠔꠣ ꠔꠥꠝꠞꠣꠞ ꠟꠣꠉꠤ ꠘꠣꠎꠣꠁꠎ। ꠁꠔꠣ ꠙꠣꠘꠤꠞ ꠝꠣꠎꠦ ꠙꠣꠟ ꠛꠣꠘ꠆ꠖꠤꠀ ꠊꠥꠞꠞꠣ ꠎꠣꠘꠖꠣꠞ ꠅꠃꠇ ꠛꠣ ꠀꠞꠅ ꠇꠥꠘꠥ ꠎꠣꠘꠖꠣꠞ ꠅꠃꠇ, ꠁꠔꠣꠞꠦ ꠔꠥꠝꠞꠣ ꠊꠤꠘ꠆ꠘꠣꠁꠅ। 11ꠘꠣꠎꠣꠁꠎ ꠅꠀꠄ ꠁꠔꠣꠞꠦ ꠢꠣꠞꠣꠝ ꠝꠘꠅ ꠇꠞꠤꠅ, ꠁꠔꠣ ꠔꠥꠝꠞꠣ ꠈꠣꠁꠅ ꠘꠣ। ꠁꠔꠣꠞ ꠝꠞꠣ ꠟꠣꠡꠞꠦꠅ ꠔꠥꠝꠞꠣ ꠊꠤꠘ꠆ꠘꠣꠁꠅ। 12ꠙꠣꠘꠤꠞ ꠝꠣꠎꠦ ꠛꠡꠔ ꠇꠞꠦ, ꠅꠁꠟꠦ ꠇꠥꠘꠥ ꠚꠁꠞ ꠛꠣ ꠒꠣꠈꠘꠣ ꠘꠣꠁ, ꠁꠟꠣꠈꠣꠘ ꠢꠇꠟ ꠎꠣꠘꠖꠣꠞꠞꠦ ꠔꠥꠝꠞꠣ ꠊꠤꠘ꠆ꠘꠣꠁꠅ।
13“ꠀꠞ ꠙꠣꠈꠤ ꠅꠇꠟꠞ ꠝꠣꠎꠞ ꠅꠃ ꠟꠣꠈꠣꠘ ꠙꠣꠈꠤꠞꠦ ꠔꠥꠝꠞꠣ ꠊꠤꠘ꠆ꠘꠣꠁꠅ, ꠁꠔꠣ ꠔꠥꠝꠞꠣ ꠈꠣꠁꠅ ꠘꠣ। ꠅꠔꠣ ꠅꠁꠟꠣ, ꠛꠠ ꠌꠤꠟ, ꠢꠇꠥꠘ, ꠢꠣꠚ-ꠈꠣꠃꠞꠤ, 14ꠢꠇꠟ ꠎꠣꠔꠞ ꠌꠤꠟ, ꠢꠇꠟ ꠎꠣꠔ ꠇꠣꠃꠀ, 15ꠃꠐ ꠙꠣꠈꠤ, 16ꠘꠤꠝ ꠙꠣꠈꠤ, ꠉꠣꠋꠌꠤꠟ, ꠢꠇꠟ ꠘꠝꠥꠘꠣꠞ ꠛꠣꠎ ꠙꠣꠈꠤ, 17ꠢꠇꠟ ꠎꠣꠔ ꠙꠦꠌꠣ, ꠢꠇꠟ ꠎꠣꠔꠞ ꠇꠥꠠꠣ, ꠍꠟꠣ-ꠇꠣꠇ, ꠛꠟꠥꠀ ꠙꠣꠈꠤ, 18ꠙꠣꠘꠤ-ꠈꠣꠃꠞꠤ, 19ꠢꠇꠟ ꠎꠣꠔꠞ ꠎꠣꠐꠤꠀ, ꠢꠇꠟ ꠎꠣꠔꠞ ꠛꠉꠟꠣ, ꠝꠘ-ꠌꠥꠞꠣ ꠙꠣꠈꠤ ꠀꠞ ꠛꠣꠖꠥꠞ, ꠁꠔꠣ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ।
20“ꠙꠥꠇ-ꠚꠞꠤꠋ ꠅꠇꠟꠞ ꠝꠣꠎꠦ ꠅꠃ ꠟꠣꠈꠣꠘ ꠙꠥꠇ-ꠚꠞꠤꠋ ꠔꠥꠝꠞꠣꠞ ꠟꠣꠉꠤ ꠘꠣꠎꠣꠁꠎ, ꠎꠦꠔꠣꠄ ꠙꠣꠅꠖꠤ ꠀꠐꠦ ꠀꠞ ꠃꠠꠣꠟ ꠖꠦꠄ, ꠁꠔꠣꠞꠦ ꠔꠥꠝꠞꠣ ꠊꠤꠘ꠆ꠘꠣꠁꠅ। 21ꠅꠁꠟꠦ ꠁꠔꠣꠞ ꠝꠣꠎꠞ ꠎꠦꠔꠣꠞ ꠀꠐꠥ ꠀꠍꠦ, ꠀꠞ ꠝꠣꠐꠤꠞ ꠃꠙꠞꠦ ꠚꠣꠟꠣꠁ ꠚꠣꠟꠣꠁ ꠌꠟꠦ, ꠁꠔꠣꠞ ꠝꠣꠎꠞ ꠇꠥꠘꠥ ꠇꠥꠘꠥꠐꠣ ꠔꠥꠝꠞꠣꠞ ꠟꠣꠉꠤ ꠢꠣꠟꠣꠟ। 22ꠁꠔꠣ ꠅꠁꠟ, ꠢꠇꠟ ꠎꠣꠔꠞ ꠙꠋꠉꠙꠣꠟ, ꠛꠣꠊꠣ-ꠚꠞꠤꠋ, ꠊꠣꠡ-ꠚꠞꠤꠋ। 23ꠅꠁꠟꠦ ꠁꠔꠣ ꠍꠣꠠꠣ ꠛꠣꠖ-ꠛꠣꠇꠤ ꠎꠔ ꠙꠥꠇ-ꠚꠞꠤꠋꠄ ꠌꠣꠁꠞ ꠙꠣꠅꠄ ꠀꠐꠦ ꠀꠞ ꠃꠠꠤꠔ ꠙꠣꠞꠦ, ꠁꠔꠣ ꠢꠇꠟꠔꠣ ꠔꠥꠝꠞꠣ ꠊꠤꠘ꠆ꠘꠣꠁꠅ।
24“ꠔꠥꠝꠞꠣ ꠅꠃ ꠟꠣꠈꠣꠘ ꠇꠣꠝ ꠇꠞꠟꠦ ꠘꠣꠙꠣꠇ ꠅꠁꠎꠤꠛꠣꠄ; ꠇꠥꠘꠥ ꠝꠣꠘꠡꠦ ꠎꠥꠖꠤ ꠅꠃ ꠢꠣꠞꠣꠝ ꠙꠡꠥ, ꠙꠣꠈꠤ, ꠝꠣꠍ, ꠙꠥꠇ-ꠚꠞꠤꠋ ꠅꠔꠣꠞ ꠝꠞꠣ ꠟꠣꠡ ꠍꠁꠟꠣꠄ, ꠔꠦ ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। 25ꠀꠞ ꠇꠦꠃ ꠎꠥꠖꠤ ꠅꠔꠣ ꠢꠣꠞꠣꠝ ꠎꠤꠘꠤꠡꠞ ꠟꠣꠡꠞ ꠇꠥꠘꠥ ꠅꠋꠡꠞꠦ ꠀꠔꠖꠤ ꠗꠞꠤꠀ ꠛꠁꠀ ꠘꠦꠄ, ꠔꠦ ꠢꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠀꠞ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।
26“ꠀꠞ ꠎꠦꠔꠣ ꠙꠡꠥꠞ ꠙꠣꠅꠞ ꠈꠥꠞꠣ ꠙꠥꠞꠣꠙꠥꠞ ꠌꠤꠞꠣ ꠘꠣꠄ, ꠛꠣ ꠎꠦ ꠙꠡꠥꠄ ꠈꠣꠘꠤꠞꠦ ꠙꠣꠎꠣꠄ ꠘꠣ, ꠁꠔꠣ ꠔ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ। ꠅꠃ ꠢꠣꠞꠣꠝ ꠙꠡꠥꠞꠦ ꠎꠦ ꠎꠘꠦ ꠍꠁꠛ, ꠢꠦ ꠘꠣꠙꠣꠇ ꠛꠘꠤꠎꠤꠛ। 27ꠌꠣꠁꠞ ꠙꠣꠅꠄ ꠀꠐꠞꠣ ꠎꠣꠘꠥꠀꠞ ꠅꠇꠟꠞ ꠝꠣꠎꠦ, ꠎꠦ ꠙꠡꠥꠄ ꠙꠣꠅꠞ ꠔꠣꠟꠥꠔ ꠜꠞ ꠖꠤꠀ ꠀꠐꠦ, ꠁꠔꠣꠅ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ। ꠇꠦꠃ ꠎꠥꠖꠤ ꠁꠔꠣꠞ ꠝꠞꠣ ꠟꠣꠡ ꠍꠁꠟꠣꠄ, ꠔꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। 28ꠀꠞ ꠇꠥꠘꠥ ꠝꠣꠘꠡꠦ ꠎꠥꠖꠤ ꠁꠔꠣꠞ ꠟꠣꠡ ꠀꠔꠖꠤ ꠗꠞꠤꠀ ꠛꠁꠀ ꠘꠦꠄ, ꠔꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠀꠞ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠢꠦ ꠘꠣꠙꠣꠇ ꠞꠁꠛ। ꠁꠔꠣ ꠎꠣꠘꠥꠀꠞ ꠅꠇꠟ ꠔ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ।
29“ꠀꠞ ꠝꠣꠐꠤꠔ ꠌꠟꠞꠣ ꠢꠥꠞꠥ-ꠝꠥꠞꠥ ꠎꠣꠘꠖꠣꠞꠞ ꠝꠣꠎꠦ ꠘꠦꠃꠟ, ꠃꠘ꠆ꠖꠥꠞ, ꠢꠇꠟ ꠎꠣꠔꠞ ꠉꠤꠞꠉꠤꠐꠤ, 30ꠐꠤꠇꠐꠤꠇꠤ, ꠉꠥꠁꠟ-ꠢꠣꠚ, ꠝꠁ-ꠢꠣꠚ, ꠀꠁꠘ꠆ꠎꠣꠁꠟ ꠀꠞ ꠇꠣꠇꠟꠣꠡ, ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ। 31ꠝꠣꠐꠤꠔ ꠌꠟꠞꠣ ꠢꠥꠞꠥ-ꠝꠥꠞꠥ ꠎꠣꠘꠖꠣꠞꠞ ꠝꠣꠎꠞ ꠅꠃ ꠎꠣꠔꠞ ꠎꠣꠘꠖꠣꠞ ꠔ ꠔꠥꠝꠞꠣꠞ ꠟꠣꠉꠤ ꠘꠣꠎꠣꠁꠎ। ꠁꠔꠣꠞ ꠝꠞꠣ ꠟꠣꠡ ꠇꠦꠃ ꠍꠁꠟꠦ, ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। 32ꠅꠔꠣꠞ ꠝꠣꠎꠞ ꠎꠦꠇꠥꠘꠥ ꠄꠉꠥꠞ ꠝꠞꠣ ꠟꠣꠡ ꠎꠥꠖꠤ ꠅꠁꠘ꠆ꠘ ꠎꠤꠘꠤꠡꠞ ꠃꠙꠞꠦ ꠙꠠꠦ, ꠎꠦꠟꠣꠘ ꠟꠣꠇꠠꠤ, ꠇꠣꠙꠠ-ꠌꠥꠙꠠ, ꠌꠣꠝꠠꠣ ꠛꠣ ꠍꠟꠣꠞ ꠌꠐ ꠖꠤꠀ ꠛꠣꠘꠣꠁꠟ ꠎꠦꠇꠥꠘꠥ ꠝꠣꠟꠞ ꠃꠙꠞꠦ ꠙꠠꠟꠦꠃ ꠁꠔꠣ ꠘꠣꠙꠣꠇ ꠅꠁꠎꠤꠛ। ꠘꠣꠙꠣꠇ ꠝꠣꠟꠞꠦ ꠙꠣꠘꠤꠔ ꠜꠤꠎꠣꠁꠀ ꠕꠁꠛꠣꠄ। ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠁꠔꠣ ꠘꠣꠙꠣꠇ ꠞꠁꠛ, ꠛꠣꠖꠦ ꠙꠣꠇ-ꠍꠣꠚ ꠅꠁꠛ। 33ꠀꠞ ꠅꠃ ꠘꠣꠙꠣꠇ ꠎꠣꠘꠖꠣꠞꠞ ꠇꠥꠘꠥꠐꠣꠞ ꠝꠞꠣ ꠟꠣꠡ ꠎꠥꠖꠤ ꠇꠥꠘꠥ ꠝꠣꠐꠤꠞ ꠛꠣꠡꠘꠞ ꠝꠣꠎꠦ ꠙꠠꠦ, ꠔꠦ ꠁꠉꠥꠞ ꠜꠤꠔꠞꠞ ꠢꠇꠟꠔꠣ ꠘꠣꠙꠣꠇ ꠅꠁꠎꠤꠛ, ꠁ ꠛꠣꠡꠘꠞꠦꠅ ꠜꠣꠋꠉꠤꠟꠤꠛꠣꠄ। 34ꠅꠃ ꠛꠣꠡꠘꠞ ꠙꠣꠘꠤ ꠛꠣ ꠞꠡ ꠎꠥꠖꠤ ꠇꠥꠘꠥ ꠈꠣꠘꠤꠞ ꠎꠤꠘꠤꠡꠞ ꠃꠙꠞꠦ ꠙꠠꠦ, ꠔꠦ ꠁ ꠈꠣꠘꠤ ꠘꠣꠙꠣꠇ ꠅꠁꠎꠤꠛ। ꠁꠇꠐꠣꠞ ꠝꠣꠎꠦ ꠎꠥꠖꠤ ꠙꠣꠘꠤ ꠎꠣꠔꠤꠅ ꠇꠥꠘꠥꠔꠣ ꠕꠅꠀ ꠕꠣꠇꠦ, ꠔꠦ ꠁꠔꠣꠅ ꠘꠣꠙꠣꠇ ꠅꠁꠎꠤꠛ। 35ꠀꠞ ꠅꠔꠣꠞ ꠝꠞꠣ ꠟꠣꠡ ꠎꠥꠖꠤ ꠇꠥꠘꠥ ꠎꠤꠘꠤꠡꠞ ꠃꠙꠞꠦ ꠙꠠꠦ, ꠔꠦ ꠁꠔꠣ ꠘꠣꠙꠣꠇ ꠅꠁꠎꠤꠛ। ꠁꠔꠣ ꠇꠥꠘꠥ ꠃꠘ꠆ꠖꠣꠟꠅ ꠙꠠꠟꠦ, ꠁ ꠃꠘ꠆ꠖꠣꠟ ꠜꠣꠋꠉꠤꠟꠤꠛꠣꠄ। ꠁ ꠃꠘ꠆ꠖꠣꠟ ꠔ ꠔꠥꠝꠞꠣꠞ ꠟꠣꠉꠤ ꠘꠣꠙꠣꠇ, ꠁꠔꠣꠞꠦ ꠘꠣꠙꠣꠇ ꠉꠁꠘ꠆ꠘ ꠇꠞꠤꠅ। 36ꠅꠁꠟꠦ ꠁꠔꠣ ꠎꠥꠖꠤ ꠇꠥꠘꠥ ꠇꠥꠀꠞ ꠜꠤꠔꠞꠦ ꠛꠣ ꠁꠘ꠆ꠖꠣꠞꠣꠞ ꠝꠣꠎꠦ ꠙꠠꠦ, ꠔꠦ ꠁ ꠇꠥꠀ ꠛꠣ ꠁꠘ꠆ꠖꠣꠞꠣ ꠘꠣꠙꠣꠇ ꠅꠁꠔ ꠘꠣꠄ। ꠈꠣꠟꠤ ꠁꠔꠣꠞ ꠝꠞꠣ ꠟꠣꠡ ꠎꠦ ꠎꠘꠦ ꠍꠁꠛ, ꠢꠦ ꠘꠣꠙꠣꠇ ꠅꠁꠎꠤꠛ। 37ꠎꠝꠤꠘꠅ ꠛꠣꠁꠘ ꠖꠤꠛꠣꠞ ꠘꠤꠅꠔꠦ ꠕꠅꠀ ꠇꠥꠘꠥꠎꠣꠔꠞ ꠛꠤꠌꠞ ꠃꠙꠞꠦ ꠎꠥꠖꠤ ꠅꠔꠣꠞ ꠟꠣꠡ ꠙꠠꠦ, ꠔꠦ ꠁꠔꠣ ꠘꠣꠙꠣꠇ ꠅꠁꠔ ꠘꠣꠄ। 38ꠅꠁꠟꠦ ꠇꠥꠘꠥ ꠛꠤꠌꠞ ꠃꠙꠞꠦ ꠙꠣꠘꠤ ꠖꠤꠀ ꠜꠤꠎꠣꠘꠤꠞ ꠛꠣꠖꠦ ꠎꠥꠖꠤ ꠁꠔꠣ ꠙꠠꠦ, ꠔꠦ ꠁ ꠛꠤꠌ ꠔꠥꠝꠞꠣꠞ ꠟꠣꠉꠤ ꠘꠣꠙꠣꠇ।
39“ꠔꠥꠝꠞꠣꠞ ꠢꠣꠟꠣꠟ ꠇꠥꠘꠥ ꠙꠡꠥ ꠝꠞꠤꠉꠦꠟꠦ, ꠁꠉꠥꠞ ꠟꠣꠡ ꠎꠦ ꠎꠘꠦ ꠍꠁꠛ, ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। 40ꠇꠦꠃ ꠎꠥꠖꠤ ꠅꠃ ꠝꠞꠣ ꠙꠡꠥꠞ ꠉꠥꠡ꠆ꠔ ꠈꠣꠄ, ꠔꠦ ꠢꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠀꠞ ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। ꠀꠞ ꠇꠦꠃ ꠎꠥꠖꠤ ꠅꠃ ꠙꠡꠥꠞ ꠟꠣꠡꠞꠦ ꠀꠔ ꠖꠤꠀ ꠔꠥꠟꠦ, ꠔꠦ ꠢꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠢꠦ-ꠅ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।
41“ꠢꠥꠘꠅ, ꠝꠣꠐꠤꠞ ꠝꠣꠎꠦ ꠌꠟꠞꠣ ꠢꠇꠟ ꠎꠣꠔꠞ ꠢꠥꠞꠥ-ꠝꠥꠞꠥ ꠎꠣꠘꠖꠣꠞ ꠈꠣꠅꠀ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ, ꠁꠔꠣꠞꠦ ꠔꠥꠝꠞꠣ ꠊꠤꠘ꠆ꠘꠣꠁꠅ। 42ꠁꠔꠣ ꠛꠥꠇꠦ ꠌꠟꠞꠣ ꠎꠣꠘꠖꠣꠞ ꠅꠃꠇ, ꠛꠣ ꠌꠣꠁꠞ ꠙꠣꠅꠄ ꠀꠐꠞꠣ ꠎꠣꠘꠖꠣꠞ ꠛꠣ ꠛꠃꠔ ꠙꠣꠅꠄ ꠌꠟꠞꠣ ꠅꠃꠇ, ꠢꠇꠟ ꠘꠝꠥꠘꠣꠞ ꠝꠣꠐꠤꠔ ꠌꠟꠞꠣ ꠢꠥꠞꠥ-ꠝꠥꠞꠥ ꠎꠣꠘꠖꠣꠞ ꠔꠥꠝꠞꠣ ꠈꠣꠁꠅ ꠘꠣ, ꠁꠔꠣꠞꠦ ꠊꠤꠘ꠆ꠘꠣꠁꠅ। 43ꠔꠥꠝꠞꠣ ꠁꠔꠣ ꠇꠥꠘꠥꠔꠣꠞ ꠟꠣꠉꠤ ꠘꠤꠎꠞꠦ ꠊꠤꠘ꠆ꠘꠣꠞ ꠎꠘ ꠛꠣꠘꠣꠁꠅ ꠘꠣ, ꠛꠣ ꠅꠔꠣꠄꠅ ꠎꠣꠘꠥ ꠔꠥꠝꠞꠣꠞꠦ ꠘꠣꠙꠣꠇ ꠘꠣ ꠛꠣꠘꠣꠄ। 44ꠝꠘꠅ ꠞꠣꠈꠤꠅ, ꠀꠝꠤ ꠀꠟ꠆ꠟꠣꠃ ꠔꠥꠝꠞꠣꠞ ꠝꠣꠛꠥꠖ। ꠀꠝꠣꠞ ꠘꠤꠅꠔꠦ ꠔꠥꠝꠞꠣ ꠘꠤꠎꠞꠦ ꠙꠣꠇ-ꠙꠛꠤꠔ꠆ꠞ ꠞꠣꠈꠤꠅ। ꠎꠣꠘ ꠔ, ꠀꠝꠤ ꠘꠤꠎꠦꠅ ꠙꠛꠤꠔ꠆ꠞ। ꠄꠞꠟꠣꠉꠤ ꠝꠣꠐꠤꠔ ꠌꠟꠞꠣ ꠇꠥꠘꠥ ꠢꠥꠞꠥ-ꠝꠥꠞꠥ ꠎꠣꠘꠖꠣꠞꠞ ꠟꠣꠉꠤ ꠔꠥꠝꠞꠣ ꠘꠤꠎꠞꠦ ꠘꠣꠙꠣꠇ ꠛꠣꠘꠣꠁꠅ ꠘꠣ। 45ꠀꠝꠤ ꠔ ꠀꠟ꠆ꠟꠣ, ꠀꠝꠤ ꠔꠥꠝꠞꠣꠞ ꠝꠣꠛꠥꠖ ꠅꠀꠞ ꠈꠤꠀꠟꠦ, ꠝꠤꠡꠞ ꠖꠦꠡ ꠕꠣꠇꠤ ꠔꠥꠝꠞꠣꠞꠦ ꠛꠣꠞ ꠇꠞꠤ ꠀꠘꠍꠤ। ꠀꠝꠤ ꠘꠤꠎꠦ ꠙꠛꠤꠔ꠆ꠞ, ꠄꠞꠟꠣꠉꠤ ꠔꠥꠝꠞꠣꠅ ꠙꠛꠤꠔ꠆ꠞ ꠞꠁꠅ।
46“ꠔꠦ ꠙꠡꠥ, ꠙꠣꠈꠤ, ꠙꠣꠘꠤꠔ ꠛꠡꠔ ꠇꠞꠞꠣ ꠎꠣꠘꠖꠣꠞ, ꠀꠞ ꠝꠣꠐꠤꠞ ꠝꠣꠎꠦ ꠌꠟꠞꠣ ꠢꠇꠟ ꠘꠝꠥꠘꠣꠞ ꠢꠥꠞꠥ-ꠝꠥꠞꠥ ꠎꠣꠘꠖꠣꠞꠞ ꠛꠦꠙꠣꠞꠦ ꠔꠥꠝꠞꠣ ꠀꠝꠣꠞ ꠢꠥꠇꠥꠝ-ꠀꠢꠇꠣꠝ ꠝꠣꠘꠤꠅ। 47ꠇꠥꠘꠐꠣ ꠔꠥꠝꠞꠣꠞ ꠟꠣꠉꠤ ꠎꠣꠁꠎ ꠀꠞ ꠇꠥꠘꠐꠣ ꠘꠣꠎꠣꠁꠎ, ꠇꠥꠘ ꠙꠡꠥꠞ ꠉꠥꠡ꠆ꠔ ꠢꠣꠟꠣꠟ ꠀꠞ ꠇꠥꠘꠐꠣ ꠢꠣꠞꠣꠝ, ꠁꠔꠣ ꠔꠥꠝꠞꠣ ꠛꠥꠎꠤꠀ-ꠢꠥꠘꠤꠀ ꠌꠟꠤꠅ।”
Currently Selected:
ꠔꠃꠞꠣꠔ ৩: ꠟꠦꠛꠤꠀꠘ 11: sylN
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.
ꠔꠃꠞꠣꠔ ৩: ꠟꠦꠛꠤꠀꠘ 11
11
ꠢꠣꠟꠣꠟ ꠀꠞ ꠢꠣꠞꠣꠝ ꠎꠣꠘꠖꠣꠞ
1ꠝꠣꠛꠥꠖꠦ ꠝꠥꠍꠣ ꠀꠞ ꠢꠣꠞꠥꠘꠞꠦ ꠇꠁꠟꠣ, 2“ꠔꠥꠝꠞꠣ ꠛꠘꠤ ꠁꠍꠞꠣꠁꠟꠞꠦ ꠎꠣꠘꠣꠁ ꠖꠦꠅ, ꠝꠣꠐꠤꠞ ꠃꠙꠞꠞ ꠙꠡꠥꠞ ꠝꠣꠎꠦ ꠎꠦꠔꠣ ꠙꠡꠥ ꠔꠥꠝꠞꠣꠞ ꠟꠣꠉꠤ ꠢꠣꠟꠣꠟ, ꠅꠔꠣ ꠅꠁꠟ:
3“ꠎꠦꠔꠣ ꠙꠡꠥꠞ ꠙꠣꠅꠞ ꠈꠥꠞꠣ ꠙꠥꠞꠣꠙꠥꠞ ꠌꠤꠞꠣ, ꠀꠞ ꠈꠣꠘꠤꠞꠦ ꠙꠣꠎꠣꠄ, ꠁꠔꠣꠞ ꠉꠥꠡ꠆ꠔ ꠔꠥꠝꠞꠣꠞ ꠟꠣꠉꠤ ꠢꠣꠟꠣꠟ। 4ꠔꠣ-ꠅ ꠄꠞ ꠝꠣꠎꠞ ꠇꠥꠘꠥ ꠇꠥꠘꠥ ꠙꠡꠥꠄ ꠈꠣꠟꠤ ꠈꠣꠘꠤꠞꠦ ꠙꠣꠎꠣꠄ, ꠀꠞ ꠇꠥꠘꠥ ꠇꠥꠘꠥ ꠙꠡꠥꠞ ꠈꠣꠟꠤ ꠈꠥꠞꠣ ꠌꠤꠞꠣ, ꠁꠔꠣ ꠔ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ। ꠃꠐꠦ ꠈꠣꠘꠤꠞꠦ ꠙꠣꠎꠣꠁꠟꠦꠅ ꠔꠣꠞ ꠈꠥꠞꠣ ꠌꠤꠞꠣ ꠘꠣꠄ, ꠄꠞꠟꠣꠉꠤ ꠃꠐ ꠢꠣꠞꠣꠝ। 5ꠡꠣꠚꠘ-ꠃꠘ꠆ꠖꠥꠞꠦ ꠈꠣꠘꠤꠞꠦ ꠙꠣꠎꠣꠁꠟꠦꠅ, ꠁꠔꠣꠞ ꠈꠥꠞꠣ ꠌꠤꠞꠣ ꠘꠣꠄ, ꠅꠔꠣꠞ ꠟꠣꠉꠤ ꠁꠔꠣꠅ ꠢꠣꠞꠣꠝ। 6ꠈꠞꠉꠥꠡꠦꠅ ꠈꠣꠘꠤꠞꠦ ꠙꠣꠎꠣꠄ, ꠅꠁꠟꠦ ꠁꠔꠣꠞ ꠈꠥꠞꠣ ꠌꠤꠞꠣ ꠘꠣꠄ, ꠅꠔꠣꠞ ꠟꠣꠉꠤ ꠢꠣꠞꠣꠝ। 7ꠡꠥꠅꠞꠞ ꠈꠥꠞꠣ ꠙꠥꠞꠣꠙꠥꠞ ꠌꠤꠞꠣ, ꠅꠁꠟꠦ ꠁꠔꠣꠄ ꠈꠣꠘꠤꠞꠦ ꠙꠣꠎꠣꠄ ꠘꠣ, ꠄꠞꠟꠣꠉꠤ ꠁꠔꠣ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ। 8ꠁꠔꠣꠞ ꠉꠥꠡ꠆ꠔ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ, ꠁꠔꠣꠞ ꠝꠞꠣ ꠟꠣꠡꠞꠦꠅ ꠍꠁꠅ ꠘꠣ। ꠁꠔꠣ ꠔꠥꠝꠞꠣꠞ ꠟꠣꠉꠤ ꠘꠣꠙꠣꠇ।
9“ꠙꠣꠘꠤꠞ ꠝꠣꠎꠦ ꠎꠦꠔꠣ ꠎꠣꠘꠖꠣꠞꠦ ꠛꠡꠔ ꠇꠞꠂꠘ, ꠁꠔꠣꠞ ꠝꠣꠎꠦ ꠎꠦꠔꠣꠞ ꠚꠁꠞ ꠀꠞ ꠒꠣꠈꠘꠣ ꠀꠍꠦ, ꠁꠔꠣ ꠔꠥꠝꠞꠣꠞ ꠟꠣꠉꠤ ꠢꠣꠟꠣꠟ। 10ꠅꠁꠟꠦ ꠎꠦꠔꠣꠞ ꠚꠁꠞ ꠀꠞ ꠒꠣꠈꠘꠣ ꠘꠣꠁ, ꠁꠔꠣ ꠔꠥꠝꠞꠣꠞ ꠟꠣꠉꠤ ꠘꠣꠎꠣꠁꠎ। ꠁꠔꠣ ꠙꠣꠘꠤꠞ ꠝꠣꠎꠦ ꠙꠣꠟ ꠛꠣꠘ꠆ꠖꠤꠀ ꠊꠥꠞꠞꠣ ꠎꠣꠘꠖꠣꠞ ꠅꠃꠇ ꠛꠣ ꠀꠞꠅ ꠇꠥꠘꠥ ꠎꠣꠘꠖꠣꠞ ꠅꠃꠇ, ꠁꠔꠣꠞꠦ ꠔꠥꠝꠞꠣ ꠊꠤꠘ꠆ꠘꠣꠁꠅ। 11ꠘꠣꠎꠣꠁꠎ ꠅꠀꠄ ꠁꠔꠣꠞꠦ ꠢꠣꠞꠣꠝ ꠝꠘꠅ ꠇꠞꠤꠅ, ꠁꠔꠣ ꠔꠥꠝꠞꠣ ꠈꠣꠁꠅ ꠘꠣ। ꠁꠔꠣꠞ ꠝꠞꠣ ꠟꠣꠡꠞꠦꠅ ꠔꠥꠝꠞꠣ ꠊꠤꠘ꠆ꠘꠣꠁꠅ। 12ꠙꠣꠘꠤꠞ ꠝꠣꠎꠦ ꠛꠡꠔ ꠇꠞꠦ, ꠅꠁꠟꠦ ꠇꠥꠘꠥ ꠚꠁꠞ ꠛꠣ ꠒꠣꠈꠘꠣ ꠘꠣꠁ, ꠁꠟꠣꠈꠣꠘ ꠢꠇꠟ ꠎꠣꠘꠖꠣꠞꠞꠦ ꠔꠥꠝꠞꠣ ꠊꠤꠘ꠆ꠘꠣꠁꠅ।
13“ꠀꠞ ꠙꠣꠈꠤ ꠅꠇꠟꠞ ꠝꠣꠎꠞ ꠅꠃ ꠟꠣꠈꠣꠘ ꠙꠣꠈꠤꠞꠦ ꠔꠥꠝꠞꠣ ꠊꠤꠘ꠆ꠘꠣꠁꠅ, ꠁꠔꠣ ꠔꠥꠝꠞꠣ ꠈꠣꠁꠅ ꠘꠣ। ꠅꠔꠣ ꠅꠁꠟꠣ, ꠛꠠ ꠌꠤꠟ, ꠢꠇꠥꠘ, ꠢꠣꠚ-ꠈꠣꠃꠞꠤ, 14ꠢꠇꠟ ꠎꠣꠔꠞ ꠌꠤꠟ, ꠢꠇꠟ ꠎꠣꠔ ꠇꠣꠃꠀ, 15ꠃꠐ ꠙꠣꠈꠤ, 16ꠘꠤꠝ ꠙꠣꠈꠤ, ꠉꠣꠋꠌꠤꠟ, ꠢꠇꠟ ꠘꠝꠥꠘꠣꠞ ꠛꠣꠎ ꠙꠣꠈꠤ, 17ꠢꠇꠟ ꠎꠣꠔ ꠙꠦꠌꠣ, ꠢꠇꠟ ꠎꠣꠔꠞ ꠇꠥꠠꠣ, ꠍꠟꠣ-ꠇꠣꠇ, ꠛꠟꠥꠀ ꠙꠣꠈꠤ, 18ꠙꠣꠘꠤ-ꠈꠣꠃꠞꠤ, 19ꠢꠇꠟ ꠎꠣꠔꠞ ꠎꠣꠐꠤꠀ, ꠢꠇꠟ ꠎꠣꠔꠞ ꠛꠉꠟꠣ, ꠝꠘ-ꠌꠥꠞꠣ ꠙꠣꠈꠤ ꠀꠞ ꠛꠣꠖꠥꠞ, ꠁꠔꠣ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ।
20“ꠙꠥꠇ-ꠚꠞꠤꠋ ꠅꠇꠟꠞ ꠝꠣꠎꠦ ꠅꠃ ꠟꠣꠈꠣꠘ ꠙꠥꠇ-ꠚꠞꠤꠋ ꠔꠥꠝꠞꠣꠞ ꠟꠣꠉꠤ ꠘꠣꠎꠣꠁꠎ, ꠎꠦꠔꠣꠄ ꠙꠣꠅꠖꠤ ꠀꠐꠦ ꠀꠞ ꠃꠠꠣꠟ ꠖꠦꠄ, ꠁꠔꠣꠞꠦ ꠔꠥꠝꠞꠣ ꠊꠤꠘ꠆ꠘꠣꠁꠅ। 21ꠅꠁꠟꠦ ꠁꠔꠣꠞ ꠝꠣꠎꠞ ꠎꠦꠔꠣꠞ ꠀꠐꠥ ꠀꠍꠦ, ꠀꠞ ꠝꠣꠐꠤꠞ ꠃꠙꠞꠦ ꠚꠣꠟꠣꠁ ꠚꠣꠟꠣꠁ ꠌꠟꠦ, ꠁꠔꠣꠞ ꠝꠣꠎꠞ ꠇꠥꠘꠥ ꠇꠥꠘꠥꠐꠣ ꠔꠥꠝꠞꠣꠞ ꠟꠣꠉꠤ ꠢꠣꠟꠣꠟ। 22ꠁꠔꠣ ꠅꠁꠟ, ꠢꠇꠟ ꠎꠣꠔꠞ ꠙꠋꠉꠙꠣꠟ, ꠛꠣꠊꠣ-ꠚꠞꠤꠋ, ꠊꠣꠡ-ꠚꠞꠤꠋ। 23ꠅꠁꠟꠦ ꠁꠔꠣ ꠍꠣꠠꠣ ꠛꠣꠖ-ꠛꠣꠇꠤ ꠎꠔ ꠙꠥꠇ-ꠚꠞꠤꠋꠄ ꠌꠣꠁꠞ ꠙꠣꠅꠄ ꠀꠐꠦ ꠀꠞ ꠃꠠꠤꠔ ꠙꠣꠞꠦ, ꠁꠔꠣ ꠢꠇꠟꠔꠣ ꠔꠥꠝꠞꠣ ꠊꠤꠘ꠆ꠘꠣꠁꠅ।
24“ꠔꠥꠝꠞꠣ ꠅꠃ ꠟꠣꠈꠣꠘ ꠇꠣꠝ ꠇꠞꠟꠦ ꠘꠣꠙꠣꠇ ꠅꠁꠎꠤꠛꠣꠄ; ꠇꠥꠘꠥ ꠝꠣꠘꠡꠦ ꠎꠥꠖꠤ ꠅꠃ ꠢꠣꠞꠣꠝ ꠙꠡꠥ, ꠙꠣꠈꠤ, ꠝꠣꠍ, ꠙꠥꠇ-ꠚꠞꠤꠋ ꠅꠔꠣꠞ ꠝꠞꠣ ꠟꠣꠡ ꠍꠁꠟꠣꠄ, ꠔꠦ ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। 25ꠀꠞ ꠇꠦꠃ ꠎꠥꠖꠤ ꠅꠔꠣ ꠢꠣꠞꠣꠝ ꠎꠤꠘꠤꠡꠞ ꠟꠣꠡꠞ ꠇꠥꠘꠥ ꠅꠋꠡꠞꠦ ꠀꠔꠖꠤ ꠗꠞꠤꠀ ꠛꠁꠀ ꠘꠦꠄ, ꠔꠦ ꠢꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠀꠞ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।
26“ꠀꠞ ꠎꠦꠔꠣ ꠙꠡꠥꠞ ꠙꠣꠅꠞ ꠈꠥꠞꠣ ꠙꠥꠞꠣꠙꠥꠞ ꠌꠤꠞꠣ ꠘꠣꠄ, ꠛꠣ ꠎꠦ ꠙꠡꠥꠄ ꠈꠣꠘꠤꠞꠦ ꠙꠣꠎꠣꠄ ꠘꠣ, ꠁꠔꠣ ꠔ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ। ꠅꠃ ꠢꠣꠞꠣꠝ ꠙꠡꠥꠞꠦ ꠎꠦ ꠎꠘꠦ ꠍꠁꠛ, ꠢꠦ ꠘꠣꠙꠣꠇ ꠛꠘꠤꠎꠤꠛ। 27ꠌꠣꠁꠞ ꠙꠣꠅꠄ ꠀꠐꠞꠣ ꠎꠣꠘꠥꠀꠞ ꠅꠇꠟꠞ ꠝꠣꠎꠦ, ꠎꠦ ꠙꠡꠥꠄ ꠙꠣꠅꠞ ꠔꠣꠟꠥꠔ ꠜꠞ ꠖꠤꠀ ꠀꠐꠦ, ꠁꠔꠣꠅ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ। ꠇꠦꠃ ꠎꠥꠖꠤ ꠁꠔꠣꠞ ꠝꠞꠣ ꠟꠣꠡ ꠍꠁꠟꠣꠄ, ꠔꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। 28ꠀꠞ ꠇꠥꠘꠥ ꠝꠣꠘꠡꠦ ꠎꠥꠖꠤ ꠁꠔꠣꠞ ꠟꠣꠡ ꠀꠔꠖꠤ ꠗꠞꠤꠀ ꠛꠁꠀ ꠘꠦꠄ, ꠔꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠀꠞ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠢꠦ ꠘꠣꠙꠣꠇ ꠞꠁꠛ। ꠁꠔꠣ ꠎꠣꠘꠥꠀꠞ ꠅꠇꠟ ꠔ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ।
29“ꠀꠞ ꠝꠣꠐꠤꠔ ꠌꠟꠞꠣ ꠢꠥꠞꠥ-ꠝꠥꠞꠥ ꠎꠣꠘꠖꠣꠞꠞ ꠝꠣꠎꠦ ꠘꠦꠃꠟ, ꠃꠘ꠆ꠖꠥꠞ, ꠢꠇꠟ ꠎꠣꠔꠞ ꠉꠤꠞꠉꠤꠐꠤ, 30ꠐꠤꠇꠐꠤꠇꠤ, ꠉꠥꠁꠟ-ꠢꠣꠚ, ꠝꠁ-ꠢꠣꠚ, ꠀꠁꠘ꠆ꠎꠣꠁꠟ ꠀꠞ ꠇꠣꠇꠟꠣꠡ, ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ। 31ꠝꠣꠐꠤꠔ ꠌꠟꠞꠣ ꠢꠥꠞꠥ-ꠝꠥꠞꠥ ꠎꠣꠘꠖꠣꠞꠞ ꠝꠣꠎꠞ ꠅꠃ ꠎꠣꠔꠞ ꠎꠣꠘꠖꠣꠞ ꠔ ꠔꠥꠝꠞꠣꠞ ꠟꠣꠉꠤ ꠘꠣꠎꠣꠁꠎ। ꠁꠔꠣꠞ ꠝꠞꠣ ꠟꠣꠡ ꠇꠦꠃ ꠍꠁꠟꠦ, ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। 32ꠅꠔꠣꠞ ꠝꠣꠎꠞ ꠎꠦꠇꠥꠘꠥ ꠄꠉꠥꠞ ꠝꠞꠣ ꠟꠣꠡ ꠎꠥꠖꠤ ꠅꠁꠘ꠆ꠘ ꠎꠤꠘꠤꠡꠞ ꠃꠙꠞꠦ ꠙꠠꠦ, ꠎꠦꠟꠣꠘ ꠟꠣꠇꠠꠤ, ꠇꠣꠙꠠ-ꠌꠥꠙꠠ, ꠌꠣꠝꠠꠣ ꠛꠣ ꠍꠟꠣꠞ ꠌꠐ ꠖꠤꠀ ꠛꠣꠘꠣꠁꠟ ꠎꠦꠇꠥꠘꠥ ꠝꠣꠟꠞ ꠃꠙꠞꠦ ꠙꠠꠟꠦꠃ ꠁꠔꠣ ꠘꠣꠙꠣꠇ ꠅꠁꠎꠤꠛ। ꠘꠣꠙꠣꠇ ꠝꠣꠟꠞꠦ ꠙꠣꠘꠤꠔ ꠜꠤꠎꠣꠁꠀ ꠕꠁꠛꠣꠄ। ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠁꠔꠣ ꠘꠣꠙꠣꠇ ꠞꠁꠛ, ꠛꠣꠖꠦ ꠙꠣꠇ-ꠍꠣꠚ ꠅꠁꠛ। 33ꠀꠞ ꠅꠃ ꠘꠣꠙꠣꠇ ꠎꠣꠘꠖꠣꠞꠞ ꠇꠥꠘꠥꠐꠣꠞ ꠝꠞꠣ ꠟꠣꠡ ꠎꠥꠖꠤ ꠇꠥꠘꠥ ꠝꠣꠐꠤꠞ ꠛꠣꠡꠘꠞ ꠝꠣꠎꠦ ꠙꠠꠦ, ꠔꠦ ꠁꠉꠥꠞ ꠜꠤꠔꠞꠞ ꠢꠇꠟꠔꠣ ꠘꠣꠙꠣꠇ ꠅꠁꠎꠤꠛ, ꠁ ꠛꠣꠡꠘꠞꠦꠅ ꠜꠣꠋꠉꠤꠟꠤꠛꠣꠄ। 34ꠅꠃ ꠛꠣꠡꠘꠞ ꠙꠣꠘꠤ ꠛꠣ ꠞꠡ ꠎꠥꠖꠤ ꠇꠥꠘꠥ ꠈꠣꠘꠤꠞ ꠎꠤꠘꠤꠡꠞ ꠃꠙꠞꠦ ꠙꠠꠦ, ꠔꠦ ꠁ ꠈꠣꠘꠤ ꠘꠣꠙꠣꠇ ꠅꠁꠎꠤꠛ। ꠁꠇꠐꠣꠞ ꠝꠣꠎꠦ ꠎꠥꠖꠤ ꠙꠣꠘꠤ ꠎꠣꠔꠤꠅ ꠇꠥꠘꠥꠔꠣ ꠕꠅꠀ ꠕꠣꠇꠦ, ꠔꠦ ꠁꠔꠣꠅ ꠘꠣꠙꠣꠇ ꠅꠁꠎꠤꠛ। 35ꠀꠞ ꠅꠔꠣꠞ ꠝꠞꠣ ꠟꠣꠡ ꠎꠥꠖꠤ ꠇꠥꠘꠥ ꠎꠤꠘꠤꠡꠞ ꠃꠙꠞꠦ ꠙꠠꠦ, ꠔꠦ ꠁꠔꠣ ꠘꠣꠙꠣꠇ ꠅꠁꠎꠤꠛ। ꠁꠔꠣ ꠇꠥꠘꠥ ꠃꠘ꠆ꠖꠣꠟꠅ ꠙꠠꠟꠦ, ꠁ ꠃꠘ꠆ꠖꠣꠟ ꠜꠣꠋꠉꠤꠟꠤꠛꠣꠄ। ꠁ ꠃꠘ꠆ꠖꠣꠟ ꠔ ꠔꠥꠝꠞꠣꠞ ꠟꠣꠉꠤ ꠘꠣꠙꠣꠇ, ꠁꠔꠣꠞꠦ ꠘꠣꠙꠣꠇ ꠉꠁꠘ꠆ꠘ ꠇꠞꠤꠅ। 36ꠅꠁꠟꠦ ꠁꠔꠣ ꠎꠥꠖꠤ ꠇꠥꠘꠥ ꠇꠥꠀꠞ ꠜꠤꠔꠞꠦ ꠛꠣ ꠁꠘ꠆ꠖꠣꠞꠣꠞ ꠝꠣꠎꠦ ꠙꠠꠦ, ꠔꠦ ꠁ ꠇꠥꠀ ꠛꠣ ꠁꠘ꠆ꠖꠣꠞꠣ ꠘꠣꠙꠣꠇ ꠅꠁꠔ ꠘꠣꠄ। ꠈꠣꠟꠤ ꠁꠔꠣꠞ ꠝꠞꠣ ꠟꠣꠡ ꠎꠦ ꠎꠘꠦ ꠍꠁꠛ, ꠢꠦ ꠘꠣꠙꠣꠇ ꠅꠁꠎꠤꠛ। 37ꠎꠝꠤꠘꠅ ꠛꠣꠁꠘ ꠖꠤꠛꠣꠞ ꠘꠤꠅꠔꠦ ꠕꠅꠀ ꠇꠥꠘꠥꠎꠣꠔꠞ ꠛꠤꠌꠞ ꠃꠙꠞꠦ ꠎꠥꠖꠤ ꠅꠔꠣꠞ ꠟꠣꠡ ꠙꠠꠦ, ꠔꠦ ꠁꠔꠣ ꠘꠣꠙꠣꠇ ꠅꠁꠔ ꠘꠣꠄ। 38ꠅꠁꠟꠦ ꠇꠥꠘꠥ ꠛꠤꠌꠞ ꠃꠙꠞꠦ ꠙꠣꠘꠤ ꠖꠤꠀ ꠜꠤꠎꠣꠘꠤꠞ ꠛꠣꠖꠦ ꠎꠥꠖꠤ ꠁꠔꠣ ꠙꠠꠦ, ꠔꠦ ꠁ ꠛꠤꠌ ꠔꠥꠝꠞꠣꠞ ꠟꠣꠉꠤ ꠘꠣꠙꠣꠇ।
39“ꠔꠥꠝꠞꠣꠞ ꠢꠣꠟꠣꠟ ꠇꠥꠘꠥ ꠙꠡꠥ ꠝꠞꠤꠉꠦꠟꠦ, ꠁꠉꠥꠞ ꠟꠣꠡ ꠎꠦ ꠎꠘꠦ ꠍꠁꠛ, ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। 40ꠇꠦꠃ ꠎꠥꠖꠤ ꠅꠃ ꠝꠞꠣ ꠙꠡꠥꠞ ꠉꠥꠡ꠆ꠔ ꠈꠣꠄ, ꠔꠦ ꠢꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠀꠞ ꠢꠦ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ। ꠀꠞ ꠇꠦꠃ ꠎꠥꠖꠤ ꠅꠃ ꠙꠡꠥꠞ ꠟꠣꠡꠞꠦ ꠀꠔ ꠖꠤꠀ ꠔꠥꠟꠦ, ꠔꠦ ꠢꠦ ꠔꠣꠞ ꠇꠣꠙꠠ-ꠌꠥꠙꠠ ꠗꠁꠀ ꠖꠤꠔꠦ ꠅꠁꠛ, ꠢꠦ-ꠅ ꠢꠣꠁꠘ꠆ꠎꠣ ꠙꠞ꠆ꠎꠘ꠆ꠔ ꠘꠣꠙꠣꠇ ꠞꠁꠛ।
41“ꠢꠥꠘꠅ, ꠝꠣꠐꠤꠞ ꠝꠣꠎꠦ ꠌꠟꠞꠣ ꠢꠇꠟ ꠎꠣꠔꠞ ꠢꠥꠞꠥ-ꠝꠥꠞꠥ ꠎꠣꠘꠖꠣꠞ ꠈꠣꠅꠀ ꠔꠥꠝꠞꠣꠞ ꠟꠣꠉꠤ ꠢꠣꠞꠣꠝ, ꠁꠔꠣꠞꠦ ꠔꠥꠝꠞꠣ ꠊꠤꠘ꠆ꠘꠣꠁꠅ। 42ꠁꠔꠣ ꠛꠥꠇꠦ ꠌꠟꠞꠣ ꠎꠣꠘꠖꠣꠞ ꠅꠃꠇ, ꠛꠣ ꠌꠣꠁꠞ ꠙꠣꠅꠄ ꠀꠐꠞꠣ ꠎꠣꠘꠖꠣꠞ ꠛꠣ ꠛꠃꠔ ꠙꠣꠅꠄ ꠌꠟꠞꠣ ꠅꠃꠇ, ꠢꠇꠟ ꠘꠝꠥꠘꠣꠞ ꠝꠣꠐꠤꠔ ꠌꠟꠞꠣ ꠢꠥꠞꠥ-ꠝꠥꠞꠥ ꠎꠣꠘꠖꠣꠞ ꠔꠥꠝꠞꠣ ꠈꠣꠁꠅ ꠘꠣ, ꠁꠔꠣꠞꠦ ꠊꠤꠘ꠆ꠘꠣꠁꠅ। 43ꠔꠥꠝꠞꠣ ꠁꠔꠣ ꠇꠥꠘꠥꠔꠣꠞ ꠟꠣꠉꠤ ꠘꠤꠎꠞꠦ ꠊꠤꠘ꠆ꠘꠣꠞ ꠎꠘ ꠛꠣꠘꠣꠁꠅ ꠘꠣ, ꠛꠣ ꠅꠔꠣꠄꠅ ꠎꠣꠘꠥ ꠔꠥꠝꠞꠣꠞꠦ ꠘꠣꠙꠣꠇ ꠘꠣ ꠛꠣꠘꠣꠄ। 44ꠝꠘꠅ ꠞꠣꠈꠤꠅ, ꠀꠝꠤ ꠀꠟ꠆ꠟꠣꠃ ꠔꠥꠝꠞꠣꠞ ꠝꠣꠛꠥꠖ। ꠀꠝꠣꠞ ꠘꠤꠅꠔꠦ ꠔꠥꠝꠞꠣ ꠘꠤꠎꠞꠦ ꠙꠣꠇ-ꠙꠛꠤꠔ꠆ꠞ ꠞꠣꠈꠤꠅ। ꠎꠣꠘ ꠔ, ꠀꠝꠤ ꠘꠤꠎꠦꠅ ꠙꠛꠤꠔ꠆ꠞ। ꠄꠞꠟꠣꠉꠤ ꠝꠣꠐꠤꠔ ꠌꠟꠞꠣ ꠇꠥꠘꠥ ꠢꠥꠞꠥ-ꠝꠥꠞꠥ ꠎꠣꠘꠖꠣꠞꠞ ꠟꠣꠉꠤ ꠔꠥꠝꠞꠣ ꠘꠤꠎꠞꠦ ꠘꠣꠙꠣꠇ ꠛꠣꠘꠣꠁꠅ ꠘꠣ। 45ꠀꠝꠤ ꠔ ꠀꠟ꠆ꠟꠣ, ꠀꠝꠤ ꠔꠥꠝꠞꠣꠞ ꠝꠣꠛꠥꠖ ꠅꠀꠞ ꠈꠤꠀꠟꠦ, ꠝꠤꠡꠞ ꠖꠦꠡ ꠕꠣꠇꠤ ꠔꠥꠝꠞꠣꠞꠦ ꠛꠣꠞ ꠇꠞꠤ ꠀꠘꠍꠤ। ꠀꠝꠤ ꠘꠤꠎꠦ ꠙꠛꠤꠔ꠆ꠞ, ꠄꠞꠟꠣꠉꠤ ꠔꠥꠝꠞꠣꠅ ꠙꠛꠤꠔ꠆ꠞ ꠞꠁꠅ।
46“ꠔꠦ ꠙꠡꠥ, ꠙꠣꠈꠤ, ꠙꠣꠘꠤꠔ ꠛꠡꠔ ꠇꠞꠞꠣ ꠎꠣꠘꠖꠣꠞ, ꠀꠞ ꠝꠣꠐꠤꠞ ꠝꠣꠎꠦ ꠌꠟꠞꠣ ꠢꠇꠟ ꠘꠝꠥꠘꠣꠞ ꠢꠥꠞꠥ-ꠝꠥꠞꠥ ꠎꠣꠘꠖꠣꠞꠞ ꠛꠦꠙꠣꠞꠦ ꠔꠥꠝꠞꠣ ꠀꠝꠣꠞ ꠢꠥꠇꠥꠝ-ꠀꠢꠇꠣꠝ ꠝꠣꠘꠤꠅ। 47ꠇꠥꠘꠐꠣ ꠔꠥꠝꠞꠣꠞ ꠟꠣꠉꠤ ꠎꠣꠁꠎ ꠀꠞ ꠇꠥꠘꠐꠣ ꠘꠣꠎꠣꠁꠎ, ꠇꠥꠘ ꠙꠡꠥꠞ ꠉꠥꠡ꠆ꠔ ꠢꠣꠟꠣꠟ ꠀꠞ ꠇꠥꠘꠐꠣ ꠢꠣꠞꠣꠝ, ꠁꠔꠣ ꠔꠥꠝꠞꠣ ꠛꠥꠎꠤꠀ-ꠢꠥꠘꠤꠀ ꠌꠟꠤꠅ।”
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Ahle Kitab Society. All rights reserved.