Luugithõõ 3
3
Õthõõthak Nyekuci Mũũꞌtha
1Ma kõr umwa, baa ũũha Mũũꞌtha ẽẽtha hĩ aꞌtha cĩg homoneec cĩnnĩ ꞌJeꞌthoro, paadĩr cĩ Midianĩ. Baa aꞌngĩd nẽẽ hẽlẽggĩ õkõõĩ ꞌrẽẽna horrwaa ꞌcĩ õdõhõhĩĩ kak, ĩꞌthõng hikia hõdõlan Horeb muur cĩ Nyekuci. 2Ma nĩngaata, uppwaannak aajĩlõ cĩ Makayyiookto#3:2 Makayyioohit: Aĩ ꞌthaara cieeg Ebereeiyyi, Yiaawe. Aĩ Yiaawe Ebereeiyyi, Eet ꞌcĩ aalla arũgĩ ũdũt. Baa ꞌthaar ꞌcĩg tiirik cieeg gẽrrẽẽt ꞌcĩg avvĩyyĩ eeta cĩg Ĩꞌthĩraẽlĩ Nyekuc. Havvĩ naag ꞌthaar ꞌcĩg haĩ Makayyioohit ko Dĩdĩngaayyi hĩĩ nĩngĩtĩ ꞌthaar ꞌcĩg haĩ Yiaawe ho. Mũũꞌtha ꞌgwoyyiaa ꞌcĩ atũũth tumuth umwa. Baa adtuuha nẽẽ ꞌgwoo ngaatĩ aggamĩ tumuth nẽ hinnia hõllõngaa atũũthĩ buúk. 3Nĩngĩtĩ ammuhi Mũũꞌtha aĩnnĩ, “Ĩꞌnya da hũũk hĩcĩn ꞌgwoo ꞌcĩ alanyĩt nẽ hõllõngaa atũũth tumuth hata.”
4Ma baa acĩn Makayyioohiti Nyekuci ngaatĩ õkõ acĩnĩ Mũũꞌtha tumuth ko, õthõõthak ĩnõõnnõ tumuthatõõ ꞌcĩ atũũthĩ ho ĩĩnnĩk, “Mũũꞌtha! Mũũꞌtha!”
Nĩngĩtĩ ẽdẽcĩ Mũũꞌtha Nyekuc annẽẽkĩ, “Nganĩĩt cieeni!”
5Ma nĩngaata, uduhaak Nyekuci ĩnõõnnõ ĩĩnnĩk, “Ma hakuu bõhĩ ngaati, pũrũca caawa cugunnig. Ĩĩn nĩngĩtĩ abĩllĩ nii ho, nĩngĩtĩ aꞌngirannii.” 6Nĩngĩtĩ aĩnnĩ Nyekuci, “Hĩĩnĩ naa Nyekuc cĩ maaconu, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.” Ma ngaati, ũmmũt Mũũꞌtha muum cĩnnĩ, hĩnĩngĩtĩ baa iꞌngolli nẽẽ ngaatĩ acĩnĩ Nyekuc.
7Ma ho, uduhaak Makayyioohiti Mũũꞌtha ĩĩnnĩk, “Hĩcĩna naa pĩĩrnanĩt cĩ eet cĩgannĩg Ijjiba. Hĩthĩha ngaatĩ arruuẽnĩ nẽẽg, hĩnĩngĩtĩ makayyiook ꞌcĩg ommogeek ĩhõõggõ dtiic nẽ haallahi naa pĩĩrnanĩt cĩnĩĩng ko gẽrrẽẽt. 8Nẽẽthĩ hoti ho, hulluuccia naa loota hikia hẽẽla ĩhõõggõ eetinii cĩg Ijjibi nẽ hatĩ huluugi ĩhõõggõ hũũhĩ looccaa ꞌcĩ abũnnaa ĩcĩ maka, looc ꞌcĩ abatanĩ irana hĩ loteec, õlõ cĩ eet cĩg Kanaanĩ hĩ cĩg Hiiti hĩ cĩg Amoorĩ hĩ cĩg Peri hĩ cĩg Hiivvi hĩ cĩg ꞌJeebu. 9Nẽẽthĩ hoti ho, õdõlanaa nganĩĩt ulwaanĩ cĩ eet cĩg Ĩꞌthĩraẽlĩ nẽ hĩcĩna ꞌgõõl ꞌcĩ ẽhẽcĩ eeta cĩg Ijjibi ĩhõõggõ. 10Nẽẽthĩ ꞌyioko, hĩꞌthooyyii naa nganiit bĩĩt hĩ habu cĩ Ijjibi, bĩĩt luugaĩĩ eet cĩgannĩg Ĩꞌthĩraẽl Ijjiba.”
11Ẽdẽcĩ hinnia Mũũꞌtha Nyekuc anneek, “Nganĩĩt ꞌyioko ꞌthẽk nganĩ ꞌcĩ occa hõkõ hĩ habu cĩ Ijjibi nẽ hũũk huluugaĩĩ eet cĩg Ĩꞌthĩraẽlĩ Ijjiba ho?”
12Nẽ ĩĩnnĩk Nyekuci ĩnõõnnõ, “Haaĩ hatĩ naa hĩ nganiita. Nẽ ĩĩn hatĩ ciee terethiinit hĩ nganiit ꞌcĩ ẽtẽrꞌtha aĩ, nganĩĩt ꞌcĩ hĩꞌthooyyii nganiita. Ma ũũk uluugaĩĩ nii eet looccaa cĩ Ijjibi, auunnu hatĩ alayyu Nyekuc muuraa cĩ.”
13Ma ho, ĩĩnnĩk Mũũꞌtha Nyekuc, “Má ꞌyioko hũũk naa hĩ eet cĩg Ĩꞌthĩraẽlĩ nẽ hũũk hĩĩnnĩha ĩhõõggõ, ‘Ĩꞌthõõannaa nganĩĩt Nyekuci cĩ maajihu cugguung hikia hĩ ngagiit,’ nẽ ijitta nganĩĩt ĩĩttĩhaa, ‘Haĩ ꞌthaar cĩgĩnnĩg nganĩ?’ Haduhaahi occa hatĩ naa ĩhõõggõ hanneehi ne?”
14Anneek Nyekuci Mũũꞌtha, “NGANĨĨT ꞌCĨ HĨĨNĨ NGANĨĨTA. Thõõth ꞌcĩ hatĩ õkõ aduhaahi nii eet cĩg Ĩꞌthĩraẽlĩ ho cieeni, ‘NGANĨĨT ꞌcĩ ĩꞌthõõannaa nganĩĩt hikia hĩ ngagiit ko.’ ”
15Baa aduhaak Nyekuci Mũũꞌtha anneek, “Duhaak eet cĩg Ĩꞌthĩraẽlĩ anneek, ‘Ĩꞌthõõannaa Makayyioohiti Nyekuci cĩ maajihu cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo, hikia hĩ ngagiita. Haĩ ꞌthaar cĩgannĩg, Makayyioohit, ꞌthaar cĩgannĩg cieeg ooo. ꞌThaar ꞌcĩg hatĩ ammuhaanna nganĩĩt eeta hĩ lõhõlĩ cĩg lõhõlĩ ꞌcĩg nga au horumwa.’
16“Bĩĩt lũũt makayyiook cĩg eet cĩg Ĩꞌthĩraẽlĩ nẽ ĩĩnnĩhuu ĩhõõggõ, ‘Baa uppwaannakaa nganĩĩt Makayyioohiti Nyekuci cĩ nyakangaaꞌnya cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo nẽ ĩĩnnĩhaa, hĩcĩnaauung naa ngagiit nẽ hudtuuha ꞌgii ꞌcĩ adĩmanoothĩkuung Ijjiba. 17Nẽ baa huduha naa hĩĩna, hõõgannuung hatĩ naa ngagiit pĩĩrnattaa ꞌcĩ aꞌnyaku Ijjiba ho nẽ huukuung looccaa cĩ eet cĩg Kanaanĩ hĩ ĩĩcĩg Hiiti hĩ ĩĩcĩg Amoorĩ hĩ ĩĩcĩg Peri hĩ ĩĩcĩg Hiivvi hĩ ĩĩcĩg ꞌJeebu, looc ꞌcĩ abatanĩ irana hĩ loteec.’
18“Athikni hatĩ makayyiooha cĩg Ĩꞌthĩraẽlĩ nganiita. Nẽ niina, õõt ookorit hĩ ĩhõõggõ, õõt hĩ habu cĩ Ijjibi nẽ iittihu ĩnõõnnõ, ‘Baa hommottiooa naag hĩ Makayyioohit Nyekuc cĩ Ebereei. Aaꞌnyeet waathinniook iyyio ꞌcĩg hõõ hĩbboorĩka ĩnõõnnõ ꞌgaarriẽẽn horrwaa ꞌcĩ õdõhõhĩĩ kak.’ 19Nẽẽthĩ, haga naa hõllõngaa hatĩ ẽlẽmaakuung habuui cĩ Ijjibi ngagiit õõtõ, hatĩ nga hĩttĩnganeek aꞌthiiti caannĩ ꞌcĩ attiran ĩnõõnnõ halahaneehuunga. 20Nẽẽthĩ hoti ho, hodongi hatĩ naa aꞌthiit caannĩ nẽ huuka eet cĩg Ijjibi thooꞌthiohĩĩ vẽlẽk ĩcĩg ĩnaatti, ĩcĩg hatĩ hadĩmani naa hõrggẽẽnaa cĩnĩĩng. Ma urutaa cĩnnĩ, ẽlẽmaakuung hatĩ õõtõ.
21“Haaꞌnyihi hatĩ naa eet cĩg Ijjibi hĩcĩttuung ngagiit jurrung, hatĩ oottu, hõllõngaa hatĩ ooyyu athĩnĩ ꞌtẽl. 22Aanytĩk ngaaĩ hõdẽĩ hõdẽĩ cĩg Ĩꞌthĩraẽlĩ, halayyia maccĩrẽẽn hĩ ꞌdaab hĩ ceremwa ꞌcĩg ẽllẽẽmĩth, eetinii cĩg Ijjibi, hĩ ngaaĩ cĩg loonyin ꞌcĩg ꞌrĩĩng ꞌcĩg arũmĩ hĩ ĩhõõggõ. Ahimittu hatĩ lõhõlĩ cugguung ꞌcĩg maacĩg hĩ ꞌcĩg ngayyig ceremwaanĩĩ cĩg, ꞌgõõl ꞌcĩ hatĩ aggamaannu eet cĩg Ijjibi baliinit cĩnĩĩng ko cieeni.”
Currently Selected:
Luugithõõ 3: did
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.
Luugithõõ 3
3
Õthõõthak Nyekuci Mũũꞌtha
1Ma kõr umwa, baa ũũha Mũũꞌtha ẽẽtha hĩ aꞌtha cĩg homoneec cĩnnĩ ꞌJeꞌthoro, paadĩr cĩ Midianĩ. Baa aꞌngĩd nẽẽ hẽlẽggĩ õkõõĩ ꞌrẽẽna horrwaa ꞌcĩ õdõhõhĩĩ kak, ĩꞌthõng hikia hõdõlan Horeb muur cĩ Nyekuci. 2Ma nĩngaata, uppwaannak aajĩlõ cĩ Makayyiookto#3:2 Makayyioohit: Aĩ ꞌthaara cieeg Ebereeiyyi, Yiaawe. Aĩ Yiaawe Ebereeiyyi, Eet ꞌcĩ aalla arũgĩ ũdũt. Baa ꞌthaar ꞌcĩg tiirik cieeg gẽrrẽẽt ꞌcĩg avvĩyyĩ eeta cĩg Ĩꞌthĩraẽlĩ Nyekuc. Havvĩ naag ꞌthaar ꞌcĩg haĩ Makayyioohit ko Dĩdĩngaayyi hĩĩ nĩngĩtĩ ꞌthaar ꞌcĩg haĩ Yiaawe ho. Mũũꞌtha ꞌgwoyyiaa ꞌcĩ atũũth tumuth umwa. Baa adtuuha nẽẽ ꞌgwoo ngaatĩ aggamĩ tumuth nẽ hinnia hõllõngaa atũũthĩ buúk. 3Nĩngĩtĩ ammuhi Mũũꞌtha aĩnnĩ, “Ĩꞌnya da hũũk hĩcĩn ꞌgwoo ꞌcĩ alanyĩt nẽ hõllõngaa atũũth tumuth hata.”
4Ma baa acĩn Makayyioohiti Nyekuci ngaatĩ õkõ acĩnĩ Mũũꞌtha tumuth ko, õthõõthak ĩnõõnnõ tumuthatõõ ꞌcĩ atũũthĩ ho ĩĩnnĩk, “Mũũꞌtha! Mũũꞌtha!”
Nĩngĩtĩ ẽdẽcĩ Mũũꞌtha Nyekuc annẽẽkĩ, “Nganĩĩt cieeni!”
5Ma nĩngaata, uduhaak Nyekuci ĩnõõnnõ ĩĩnnĩk, “Ma hakuu bõhĩ ngaati, pũrũca caawa cugunnig. Ĩĩn nĩngĩtĩ abĩllĩ nii ho, nĩngĩtĩ aꞌngirannii.” 6Nĩngĩtĩ aĩnnĩ Nyekuci, “Hĩĩnĩ naa Nyekuc cĩ maaconu, Nyekuc cĩ Abũrahamĩ hĩ cĩ Iꞌthaako hĩ cĩ Yakobo.” Ma ngaati, ũmmũt Mũũꞌtha muum cĩnnĩ, hĩnĩngĩtĩ baa iꞌngolli nẽẽ ngaatĩ acĩnĩ Nyekuc.
7Ma ho, uduhaak Makayyioohiti Mũũꞌtha ĩĩnnĩk, “Hĩcĩna naa pĩĩrnanĩt cĩ eet cĩgannĩg Ijjiba. Hĩthĩha ngaatĩ arruuẽnĩ nẽẽg, hĩnĩngĩtĩ makayyiook ꞌcĩg ommogeek ĩhõõggõ dtiic nẽ haallahi naa pĩĩrnanĩt cĩnĩĩng ko gẽrrẽẽt. 8Nẽẽthĩ hoti ho, hulluuccia naa loota hikia hẽẽla ĩhõõggõ eetinii cĩg Ijjibi nẽ hatĩ huluugi ĩhõõggõ hũũhĩ looccaa ꞌcĩ abũnnaa ĩcĩ maka, looc ꞌcĩ abatanĩ irana hĩ loteec, õlõ cĩ eet cĩg Kanaanĩ hĩ cĩg Hiiti hĩ cĩg Amoorĩ hĩ cĩg Peri hĩ cĩg Hiivvi hĩ cĩg ꞌJeebu. 9Nẽẽthĩ hoti ho, õdõlanaa nganĩĩt ulwaanĩ cĩ eet cĩg Ĩꞌthĩraẽlĩ nẽ hĩcĩna ꞌgõõl ꞌcĩ ẽhẽcĩ eeta cĩg Ijjibi ĩhõõggõ. 10Nẽẽthĩ ꞌyioko, hĩꞌthooyyii naa nganiit bĩĩt hĩ habu cĩ Ijjibi, bĩĩt luugaĩĩ eet cĩgannĩg Ĩꞌthĩraẽl Ijjiba.”
11Ẽdẽcĩ hinnia Mũũꞌtha Nyekuc anneek, “Nganĩĩt ꞌyioko ꞌthẽk nganĩ ꞌcĩ occa hõkõ hĩ habu cĩ Ijjibi nẽ hũũk huluugaĩĩ eet cĩg Ĩꞌthĩraẽlĩ Ijjiba ho?”
12Nẽ ĩĩnnĩk Nyekuci ĩnõõnnõ, “Haaĩ hatĩ naa hĩ nganiita. Nẽ ĩĩn hatĩ ciee terethiinit hĩ nganiit ꞌcĩ ẽtẽrꞌtha aĩ, nganĩĩt ꞌcĩ hĩꞌthooyyii nganiita. Ma ũũk uluugaĩĩ nii eet looccaa cĩ Ijjibi, auunnu hatĩ alayyu Nyekuc muuraa cĩ.”
13Ma ho, ĩĩnnĩk Mũũꞌtha Nyekuc, “Má ꞌyioko hũũk naa hĩ eet cĩg Ĩꞌthĩraẽlĩ nẽ hũũk hĩĩnnĩha ĩhõõggõ, ‘Ĩꞌthõõannaa nganĩĩt Nyekuci cĩ maajihu cugguung hikia hĩ ngagiit,’ nẽ ijitta nganĩĩt ĩĩttĩhaa, ‘Haĩ ꞌthaar cĩgĩnnĩg nganĩ?’ Haduhaahi occa hatĩ naa ĩhõõggõ hanneehi ne?”
14Anneek Nyekuci Mũũꞌtha, “NGANĨĨT ꞌCĨ HĨĨNĨ NGANĨĨTA. Thõõth ꞌcĩ hatĩ õkõ aduhaahi nii eet cĩg Ĩꞌthĩraẽlĩ ho cieeni, ‘NGANĨĨT ꞌcĩ ĩꞌthõõannaa nganĩĩt hikia hĩ ngagiit ko.’ ”
15Baa aduhaak Nyekuci Mũũꞌtha anneek, “Duhaak eet cĩg Ĩꞌthĩraẽlĩ anneek, ‘Ĩꞌthõõannaa Makayyioohiti Nyekuci cĩ maajihu cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo, hikia hĩ ngagiita. Haĩ ꞌthaar cĩgannĩg, Makayyioohit, ꞌthaar cĩgannĩg cieeg ooo. ꞌThaar ꞌcĩg hatĩ ammuhaanna nganĩĩt eeta hĩ lõhõlĩ cĩg lõhõlĩ ꞌcĩg nga au horumwa.’
16“Bĩĩt lũũt makayyiook cĩg eet cĩg Ĩꞌthĩraẽlĩ nẽ ĩĩnnĩhuu ĩhõõggõ, ‘Baa uppwaannakaa nganĩĩt Makayyioohiti Nyekuci cĩ nyakangaaꞌnya cugguung, Nyekuc cĩ Abũrahamĩ hĩ cĩ Iꞌthaako hĩ cĩ Yakobo nẽ ĩĩnnĩhaa, hĩcĩnaauung naa ngagiit nẽ hudtuuha ꞌgii ꞌcĩ adĩmanoothĩkuung Ijjiba. 17Nẽ baa huduha naa hĩĩna, hõõgannuung hatĩ naa ngagiit pĩĩrnattaa ꞌcĩ aꞌnyaku Ijjiba ho nẽ huukuung looccaa cĩ eet cĩg Kanaanĩ hĩ ĩĩcĩg Hiiti hĩ ĩĩcĩg Amoorĩ hĩ ĩĩcĩg Peri hĩ ĩĩcĩg Hiivvi hĩ ĩĩcĩg ꞌJeebu, looc ꞌcĩ abatanĩ irana hĩ loteec.’
18“Athikni hatĩ makayyiooha cĩg Ĩꞌthĩraẽlĩ nganiita. Nẽ niina, õõt ookorit hĩ ĩhõõggõ, õõt hĩ habu cĩ Ijjibi nẽ iittihu ĩnõõnnõ, ‘Baa hommottiooa naag hĩ Makayyioohit Nyekuc cĩ Ebereei. Aaꞌnyeet waathinniook iyyio ꞌcĩg hõõ hĩbboorĩka ĩnõõnnõ ꞌgaarriẽẽn horrwaa ꞌcĩ õdõhõhĩĩ kak.’ 19Nẽẽthĩ, haga naa hõllõngaa hatĩ ẽlẽmaakuung habuui cĩ Ijjibi ngagiit õõtõ, hatĩ nga hĩttĩnganeek aꞌthiiti caannĩ ꞌcĩ attiran ĩnõõnnõ halahaneehuunga. 20Nẽẽthĩ hoti ho, hodongi hatĩ naa aꞌthiit caannĩ nẽ huuka eet cĩg Ijjibi thooꞌthiohĩĩ vẽlẽk ĩcĩg ĩnaatti, ĩcĩg hatĩ hadĩmani naa hõrggẽẽnaa cĩnĩĩng. Ma urutaa cĩnnĩ, ẽlẽmaakuung hatĩ õõtõ.
21“Haaꞌnyihi hatĩ naa eet cĩg Ijjibi hĩcĩttuung ngagiit jurrung, hatĩ oottu, hõllõngaa hatĩ ooyyu athĩnĩ ꞌtẽl. 22Aanytĩk ngaaĩ hõdẽĩ hõdẽĩ cĩg Ĩꞌthĩraẽlĩ, halayyia maccĩrẽẽn hĩ ꞌdaab hĩ ceremwa ꞌcĩg ẽllẽẽmĩth, eetinii cĩg Ijjibi, hĩ ngaaĩ cĩg loonyin ꞌcĩg ꞌrĩĩng ꞌcĩg arũmĩ hĩ ĩhõõggõ. Ahimittu hatĩ lõhõlĩ cugguung ꞌcĩg maacĩg hĩ ꞌcĩg ngayyig ceremwaanĩĩ cĩg, ꞌgõõl ꞌcĩ hatĩ aggamaannu eet cĩg Ijjibi baliinit cĩnĩĩng ko cieeni.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2017, Wycliffe Bible Translators, Inc., All rights reserved.