2 KORINTE 9
9
Gingtu tasamte panpihna
1Tuin misiangthoute ding a nasepna lam thu pen na kiang ua kung gelh angai kei hi. 2Ajiak na panpih utnate uh ka thei a, Hua thu ah, “Akhaia gam, kipanpihna kumkhat ahita,” chi`n Mesidonia gam a mite kiangah kung kisuanpih mahmah a. Tualeh na phattuam ngaihna un mi tampite atawkthou hi. 3Hilehzong hichilam thu ah nou kung suanna athawn ahih louhna dingin unaute kungsawl hi. Kagen bang a kimansa a na omtheihna ding un. 4Atuachih keileh Mesidonia gam a mite ka kiangah hungpai in, nou kiman nailou in hungmu tale uh, kou—-nou kung chi kei—-nou pen hung taksan a kung suanna lam uah ka mualphou kha ding uhi! 5Tuajiakin masang a na chiamsa uh silpiak pen itkawm kawm a hilou a, phaltak a piajaw a, mansa diam a na koihna ding un, ahunma a na kiang ua unaute hungpai masa ding a hasot ngaiin ka ngaihtuah hi.
6Hinanleh hih ka gen ahi, athehtawm in a attawm ding a, hinanleh athehtam in a attam ding hi. 7Michih in a lungtang a atup bang bang in pia hen, it kawm kawm a, ahihkeileh piaklouh theihlouh a ngaia pialou in, ajiak Pasian in kipaktak a piate a it hi. 8Tualeh Pasian in hehpihna jousiah natung uah ahung vukthei hi, tuachia nou bangchiklai peuhin silhoih jousiah a bukim a omjing in, nasep hoih jousiah na semthei ding uhi. 9Laisiangthou a,
“Athehjak a migentheite kiangah apia a;
adiktatna uh tangtawn in a omjing hi,”
chih gelh bang in. #Psa. 112.9.
10Tualeh athehpa kiang a khaichi piapa in nanek ding uh tanghou ahung pia a, na khaichi theh uh apungsak a, tualeh na diktatna gah uh zong apungsak hi. #Isa. 55.10. 11Silphal ding a bangkim a hihhauhsat a om in, hua in koujiak in Pasian kiangah kipahthu genna a omsak hi. 12Ajiak hih nasepna in misiangthoute taksap awng ahuksak guak hilou in, Pasian kiang a kipahthu genna tampi a luanglutsak hi. 13Hih nasepna a pat Krist tangthupha nuaia na kituhlutna uh leh amauh leh midang jousiah kiang a na silphal dan uh kitak jiakin amau`n Pasian apahtawi uhi. 14Tualeh amauh un zong nou a ding a ahung thumsakna in, natung ua Pasian hehpihna thupitak jiakin nou ahung ngai mahmah uhi. 15Asil thawnpiak simsenglouh jiakin Pasian kiangah kipahthu om hen!
Currently Selected:
2 KORINTE 9: THKHBSI
Highlight
Share
Copy
Want to have your highlights saved across all your devices? Sign up or sign in
Thangkhal NT - Thukhun Thak
Copyright © 2014 by The Bible Society of India
Used by permission. All rights reserved worldwide.
