YouVersion Logo
Search Icon

Mathew 4

4
Jesu Lhep Patepma Aum
(Mrk 1:12-13; Luk 4:1-13)
1 # Heb 2:18; 4:15. Hichun Jesu diabol lhep patepma umdingin gamthipmah Lhagao puitouvin aumtan ahi. 2Chuin nisomli le jansomli an ngola aum jouvin, agil keltan ahi.
3Chuin alhempa chu ahenga ahungin, ajah-a, Nangma Pathen Chapa nahile, hiche songho hi changlhah asona dingin thu pen, ati.
4 # Danb 8:3. Ahin aman adonbut-in, Mihem changlhah jenga hing lou ding ahi, Pathen kam sunga kona thu pot chengsea bou hing ding ahi, hitichun akisune, ati.
5Chuphatnin diabol'in ama chu khopi theng lama apuijin, Pathen houin tingvuma chun adinsah-in, ajah-a, 6#Labu 91:11-12. Pathen Chapa nahile, nangma kichomlha jengin;
ijeh-inem itile hitihin akisune,
Aman nangma chung changah avantilho thu pentin,
Amahon akhutnuva nadop dingu ahi;
Achuti louleh songah nakeng sukhan nate, ati.
7 # Danb 6:16. Jesu'n ajah-a, Hiti jonghin akisune, Nangman Pakai na-Pathen lhem patep hih-in, ati.
8Diabol'in ama mol sangtah chunga apuikitnin, vannoi leiset gamle aloupina jouse jong avetsah-in; chuin ajah-a, 9Nakhupboh-a nalhuh-a neihouva ahile, hichengse hi penge, ati.
10 # Danb 6:13. Chutah-in Jesu'n ajah-a, Chemangin, Satan; ijeh-inem itile hitin akisune, Pakai na-Pathen chu houvin lang ama jengbou jenin, ati.
11Chuphatnin diabol in ama adalhatai; chuin, veuvin, vantil ho ahungun ama chu ahung jenle taovin ahi.
Jesu'n Galilee Gama Anatoh Apat
(Mrk 1:14-15; Luk 4:14-15)
12 # Matt 14:3; Mrk 6:17; Luk 3:19-20. Chuin Jesu'n John amantaove ti ajah phatnin, Galilee gam lama achen; 13#Jhn 2:12. Chuin Nazareth adalhan, Zebulun le Naphtali gamkai sunga dillen panga, Capernaum kho-a achen agachengin ahi;
14Isaiah themgaovin asei,
15 # Isai 9:1-2. Zebulun gam le Naphtali gam,
Jordan gal lang khat gamkol dillen panga cheng,
Chidang namdangte Galilee;
16Muthim lah-a touho chun vah loupitah amutaove,
Chule thina gamle alima touho chunguva kho avahtai, ati chu guilhuna dinga chuti ahitai.
17 # Matt 3:2. Hiche laija pat chun Jesu'n thu ahil lhanglen, Nalung heijun; vangam anaitai, ati.
Jesu'n Ngaman Mi Li Akou
(Mrk 1:16-20; Luk 5:1-11)
18Chujouvin Jesu Galilee dillen panga avale petnin, Peter kiti Simon le anaopa Andrew dillena len ase lhon amun; amani chu nga man mi ahi lhone. 19Chuin aman amani jah-a, kanung hinjui lhonin, keiman nangni mi man len sepmin sem lhoninge, ati. 20Chuin amanin apet petnin alen adalha lhonin, anung ajui lhontai.
21Chuin ama chukoma konchun achepaijin ahile, midang ucha nima, Zebedee chapa Jacob le anaopa John apau Zebedee toh kong sunga alennu anakhui phatnu amun; amanima chu akouvin ahi. 22Chuin amanin apet petnin akongle apalhon adalha lhonin, anung ajui lhontai.
Jesu Thuhil Leh Midamsah
(Luk 6:17-19)
23 # Matt 9:35; Mrk 1:39. Chuin Jesu Galilee gamse se-a avahle avahlen, akikhopnao in tinah thu ahillen, Pathen lenggam Kipana Thupha ahil lhanglen, miho ahivei jouseu chule adamlou jouse adamsahtan ahi. 24Hichun Syria gama amin akithangin; thilhavop, abuhthi, langthi, ima hivei chomchom veija anat thohlel jouse ahenga ahinpuijun, aman amaho chu aboldam sohkeijin ahi. 25Chuin Galilee, Dicapoli, Jerusalem, chule Judah gama konle Jordan gal lang khat lama konin mihon tamtah-in anung ajuitan ahi.

Currently Selected:

Mathew 4: THADBSI

Highlight

Share

Copy

None

Want to have your highlights saved across all your devices? Sign up or sign in

YouVersion uses cookies to personalize your experience. By using our website, you accept our use of cookies as described in our Privacy Policy